ຂ່າວສານ

EU ສ້າງສະຫະພັນຟື້ນຟູເສດຖະກິດຂຽວພາຍຫຼັງສິ້ນສຸດ Covid – 19

17/04/2020

ບັນດາປະເທດສະມາຊິກສະຫະພາບເອີລົບ (EU) ຫາກໍ່ຕົກລົງກັນສ້າງຕັ້ງສະຫະພັນຟື້ນຟູເສດຖະກິດຂຽວພາຍຫຼັງສິ້ນສຸດວິກິດການ Covid – 19 ເພື່ອແນໃສ່ມຸ່ງໄປເຖິງເປົ້າໝາຍພື້ນຖານເສດຖະກິດຂອງທະວີບເອີລົບ ໃຫ້ມີການພັດທະນາແບບຍືນຍົງກ່ວາ.

Tuabin ລົມຢູ່ທະເລ Baltic ເຢຍລະມັນ (ພາບ: AFP/TTXVN)

ບັນດາລັດຖະມົນຕີຂອງ 11 ປະເທດສະມາຊິກ EU, ສະມາຊິກລັດຖະສະພາເອີລົບ79 ຄົນຂຶ້ນກັບພັກການເມືອງຕ່າງໆຂອງ 17 ປະເທດສະມາຊິກ EU, ບັນດາຜູ້ອຳນວຍການໃຫຍ່ຝ່າຍບໍລິຫານ, ບັນດາສະຫະສະມາຄົມວິສາຫະກິດຕາງໜ້າໃຫ້ແກ່ 10 ຂົງເຂດ, ສະຫະສະມາຄົມບັນດາກຸ່ມບໍລິສັດອຸດສາຫະກຳເອີລົບ, ໄດ້ພ້ອມກັນລົງນາມ, ໃຫ້ຄຳໝັ້ນສັນຍາສ້າງຕັ້ງສະຫະພັນຟື້ນຟູເສດຖະກິດຂຽວພາຍຫຼັງສິ້ນສຸດໂລກລະບາດ Covid -19, ສະໜັບສະໜູນແລະປະຕິບັດບັນດາວິທີການແກ້ໄຂເພື່ອແນໃສ່ກະກຽມໃຫ້ແກ່ບັນດາພື້ນຖານເສດຖະກິດອະນາຄົດຂອງໂລກ.

ສະຫະພັນເພື່ອການຟື້ນຟູຂອງພື້ນຖານເສດຖະກິດຂຽວມີຄວາມປາດຖະໜາຢາກ “ສ້າງແລະແບ່ງປັນຈິນຕະນາການກ່ຽວກັບບັນດາແຜນການລົງທຶນຂຽວພາຍຫຼັງສິ້ນສຸດວິກິດການ Covid – 19” ແລະສະເໜີໃຫ້ “ບັນດາວິທີການລົງທຶນທີ່ຈຳເປັນແລະຜູກພັນກັບບັນດາຄຳໝັ້ນສັນຍາກ່ຽວກັບອາກາດ”.

(ແຫຼ່ງຄັດຈາກ VOV)

ໂລກລະບາດ Ebola: ສະຫະພັນ ຕ້ານໂລກລະບາດ ໜູນຊ່ວຍເງິນ 60 ລ້ານ USD ເພື່ອພັດທະນາ ວັກຊິນ

02/06/2026
ຂ່າວສານ

ປັດຈຸບັນ, ສ.ໂກງໂກແມ່ນຈຸດໃຈກາງຂອງການລະບາດ, ດ້ວຍຈຳນວນຜູ້ຕິດເຊ້ອນັບມື້ນັບຫຼາຍໃນຂອບເຂດ ກວ້າງຂວາງຢູ່ເຂດທາງທິດຕາເວັນອອກ. ຕາມຕົວເລກຫຼ້າສຸດຂອງວົງການເຈົ້າໜ້າທີ່ ໂກງໂກແລ້ວ, ປະເທດນີ້ໄດ້ຢັ້ງຢືນມີຜູ້ຕິດພະຍາດ Ebola 282 ຄົນ, ແລະມີຜູ້ເສຍຊີວິດ 42 ຄົນ.