• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສ້າງລັດແຫ່ງນິຕິບັດຍັດສັງຄົມນິຍົມຫວຽດນາມ ໃຫ້ສົມບູນແບບ

      ໃນສະພາບການຫັນເປັນໂລກາພິວັດ, ເຊື່ອມໂຍງເຂົ້າກັບສາກົນ ໄດ້ສົ່ງຜົນກະທົບຕໍ່ທຸກດ້ານໃນຊີວິດສັງຄົມຢ່າງເລິກເຊິ່ງກ້ວາງຂວາງ, ໄດ້ວາງອອກຄຳຮຽກຮ້ອງອັນຈຳເປັນກ່ຽວກັບການສືບຕໍ່ປະຕິຮູບພື້ນຖານຕຸລາການຫວຽດນາມ ຢ່າງແຮງ
ທ່ານປະທານປະເທດ ຫງວຽນຊວັນຟຸກ ເປັນປະທານກອງປະຊຸມສຳມະນາ (ພາບ: TTXVN)
      ຕອນເຊົ້າວັນທີ 17 ມັງກອນ, ຢູ່ນະຄອນ ດ່ານັງ, ຄະນະຊີ້ນຳສ້າງແຜນຮ່າງຍຸດທະສາດ ສ້າງລັດແຫ່ງນິຕິບັດຍັດສັງຄົມນິຍົມຫວຽດນາມ ໃຫ້ສົມບູນແບບ ໄດ້ຈັດກອງປະຊຸມສຳມະນາແຫ່ງຊາດດ້ວຍຫົວເລື່ອງ “ສືບຕໍ່ຍູ້ແຮງ, ຍົກສູງປະສິດທິຜົນການປະຕິຮູບດ້ານຕຸລາການ ຕອບສະໜອງຄວາມຮຽກຮ້ອງຕ້ອງການ ສ້າງລັດແຫ່ງນິຕິບັດຍັດສັງຄົມນິຍົມຫວຽດນາມ ໃຫ້ສົມບູນແບບຮອດປີ 2030, ການກຳນົດທິດຮອດປີ 2045”. ທ່ານປະທານປະເທດ ຫງວຽນຊວັນຟຸກ, ຫົວໜ້າຄະນະຊີ້ນຳການສ້າງແຜນຮ່າງ ເປັນປະທານກອງປະຊຸມສຳມະນາ.
      ທີ່ກອງປະຊຸມຊຸມສຳມະນາ, ບັນດາຜູ້ແທນໄດ້ຍົກອອກຫຼາຍຄຳເຫັນຢ່າງສຸດຈິດສຸດໃຈ, ບັນດານັກຊ່ຽວຊານ, ນັກວິທະຍາສາດຖືວ່າ, ເມື່ອສ້າງລັດແຫ່ງນິຕິບັດຍັດສັງຄົມນິຍົມຢູ່ຫວຽດນາມ ຕ້ອງຕິດພັນກັບບັນດາຈຸດທີ່ເປັນເອກະລັກສະເພາະຂອງລັດແຫ່ງນິຕິບັດຍັດສັງຄົມນິຍົມ. ທ່ານປະທານປະເທດ ຫງວຽນຊວັນຟຸກ ຖືວ່າ, ໃນສະພາບການຫັນເປັນໂລກາພິວັດ, ເຊື່ອມໂຍງເຂົ້າກັບສາກົນ ໄດ້ສົ່ງຜົນກະທົບຕໍ່ທຸກດ້ານໃນຊີວິດສັງຄົມຢ່າງເລິກເຊິ່ງກ້ວາງຂວາງ, ໄດ້ວາງອອກຄຳຮຽກຮ້ອງອັນຈຳເປັນກ່ຽວກັບການສືບຕໍ່ປະຕິຮູບພື້ນຖານຕຸລາການຫວຽດນາມ ຢ່າງແຮງ:
      ການປະຕິຮູບດ້ານຕຸລາການຕ້ອງດຳເນີນພ້ອມກັບການປ່ຽນໃໝ່ວຽກງານນິຕິບັນຍັດ ແລະ ບໍລິຫານຢ່າງຄົບຊຸດ ເພື່ອຮັບປະກັນຫຼັກການສິດອຳນາດຂອງລັດແມ່ນມີຄວາມເປັນເອກະພາບ ມີການຈັດແບ່ງວຽກງານ, ສົມທົບກັນ, ກວດກາລະຫວ່າງບັນດາອົງການຂອງລັດ ໃນການປະຕິບັດ ບັນດາສິດນິຕິບັນຍັດ, ບໍລິຫານ ແລະ ຕຸລາການ. ການປະຕິຮູບດ້ານຕຸລາການ ມຸ່ງໄປເຖິງການປົກປັກຮັກສາ ແລະ ຮັບປະກັນປະຊາທິປະໄຕ, ຄວາມຍຸດຕິທຳ, ສິດທິມະນຸດ, ສິດຂອງພົນລະເມືອງ, ເຄົາລົບກົດໝາຍ.
(ແຫຼ່ງຄັດຈາກ VOV)

ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF

ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF

ວັນທີ 22 ພຶດສະພາ, ທ່ານຮອງນາຍົກລັດຖະມົນຕີຫວຽດນາມ ເລມິງຄ໊າຍ, ຫົວໜ້າຄະນະຜູ້ແທນຂັ້ນສູງ ຫວຽດນາມ ທີ່ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກ (WEF) ຄັ້ງທີ 52 ຢູ່ Davos (ສະວິດ) ໄດ້ໃຫ້ການຕ້ອນຮັບທ່ານ Alok Sharma ລັດຖະມົນຕີ, ປະທານກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26); ທ່ານ Borge Brende ປະທານ WEF; ທ່ານ Henrik Anderson ປະທານ ທັງເປັນຜູ້ອຳນວຍການໃຫຍ່ຝ່າຍບໍລິຫານກຸ່ມບໍລິສັດ Vestas Wind Systems.

Top