ຂ່າວສານ

ທ່ານນາຍົກລັດຖະມົນຕີ ຫງວຽນຊວັນຟຸກ: ເສີມຂະຫຍາຍທີ່ຕັ້ງ, ບົດບາດຂອງແນວໂຮມປະເທດຊາດ ຫວຽດນາມ, ເພີ່ມທະວີກຸ່ມກ້ອນມະຫາສາມັກຄີທົ່ວປວງຊົນທັງຊາດ

18/02/2020

ຕອນບ່າຍວັນທີ 18 ກຸມພາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມຕີລາຄາການປະຕິບັດ ລະບຽບການສົມທົບວຽກງານລະຫວ່າງ ລັດຖະບານ ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ ປີ 2019.

(ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ)

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຖືກວ່າ: ເພື່ອປະຕິບັດວຽກງານສົມທົບລະຫວ່າງ ສອງອົງການໃຫ້ດີກ່ວາອີກໃນໄລຍະຈະມາເຖິງ, ໜຶ່ງໃນບັນດາບົດຮຽນສຳຄັນ ທີ່ຖອດຖອນມາໄດ້ນັ້ນ ແມ່ນເສີມຂະຫຍາຍປະສິດທິຜົນວຽກງານກໍ່ສ້າງແລະປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ. ຄຽງຄູ່ກັນນັ້ນ, ລັດຖະບານຮັບເອົາຄຳເຫັນປະກອບໄຈແຍກຕີລາຄາ ຂອງ ແນວໂຮມປະເທດຊາດ ຫວຽດນາມ, ແກ້ໄຂບັນຫາຮ້ອນເຮັ່ງຂອງປະຊາຊົນ. ທ່ານນາຍົກລັດຖະມົນຕີ ເນັ້ນໜັກວ່າ:
ກ່ອນອື່ນໝົດ, ສືບຕໍ່ສົມທົບກັນເພື່ອຂົນຂວາຍຈັດຕັ້ງ, ຍົກສູງຄວາມຮັບຮູ້ຂອງປະຊາຊົນໃນການປ້ອງກັນ ແລະ ຄວບຄຸມເຊື້ອ CoVid – 19. ທີ 2 ແມ່ນສືບຕໍ່ຜັນຂະຫຍາຍຄຳສັ່ງຂອງກົມການເມືອງ, ຄະນະເລຂາເພື່ອປ່ຽນໃໝ່ເນື້ອໃນຮູບການເຄື່ອນໄຫວຂອງແນວໂຮມປະເທດຊາດ ຫວຽດນາມ ແລະ ບັນດາອົງການຈັດຕັ້ງມະຫາຊົນ, ປະກອບສ່ວນເສີມຂະຫຍາຍທີ່ຕັ້ງບົດບາດຂອງແນວໂຮມປະເທດຊາດ ຫວຽດນາມ, ຂອງທັງລະບົບການເມືອງ

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.