• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານ​ນາ​ຍົກ​ລັດ​ຖະ​ມົນ​ຕີ ຟ້​າມ​ມິງ​ຈິງ: ໝັ້ນ​ໃຈ​ເປີດ​ປະ​ຕູ​ຄືນ​ໃໝ່​ຢ່າງ​ປອດ​ໄພ​ແຕ່​ເດັດ​ຂາດ​ບໍ່ໃຫ້ປະ​ໝາດ​ຕໍ​່​ພະ​ຍາດ​ໂຄວິດ - 19

ທ່ານນາຍົກລັດຖະມົນຕີ ສືບຕໍ່ເນັ້ນໜັກເຖິງຄວາມຮຽກຮ້ອງໃຫ້ເລັ່ງຜັນຂະຫຍາຍບັ້ນສັກວັກຊິນລະດູບານໃໝ່ປີ 2022 ໂດຍໄວ, ດ້ວຍເປົ້າໝາຍໝົດເດືອນພະຈິກ ຫວຽດນາມ ຈະປະຕິບັດສຳເລັດການສັກວັກຊິນເຂັມທີ 3 ໃຫ້ ຜູ້ທີ່ມີອາຍຸແຕ່ 12 – 17 ປີ.
ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: VOV)

ຕອນເຊົ້າວັນທີ 27, ມັງກອນ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນປະທານກອງປະຊຸມທາງໄກທົ່ວປະເທດກັບບັນດາທ້ອງຖິ່ນກ່ຽວກັບວຽກງານປ້ອງກັນ, ຕ້ານພະຍາດໂຄວິດ  - 19 ໃນຍາມບຸນເຕັດປະຈຳຊາດປີຂານ 2022. ນີ້ແມ່ນກອງປະຊຸມເພື່ອແນໃສ່ກວດກາຄືນ, ຕີລາຄາວຽກງານປ້ອງກັນ, ຕ້ານພະຍາດໂຄວິດ - 19 ແລະ ບັນດາບັນຫາທີ່ຫາກໍ່ເກີດຂຶ້ນຕ້ອງຖອດຖອນບົດຮຽນ, ດັດປັບຢ່າງທັນການ, ກຳນົດທິດບັນດາໜ້າທີ່ຈຸດສຸມໃນໄລຍະຈະມາເຖິງ. ເປົ້າໝາຍທີ່ທ່ານນາຍົກລັດຖະມົນຕີ ຍົກອອກແມ່ນ ທັງປ້ອງກັນຕ້ານ, ຄວບຄຸມພະຍາດຢ່າງມີປະສິດທິຜົນ, ທັງຈັດໃຫ້ປະຊາຊົນໄດ້ຕ້ອນຮັບບຸນເຕັດຢ່າງປອດໄພ, ມ່ວນຊື່ນ, ປອດໃສ…

ທ່ານນາຍົກລັດຖະມົນຕີ ສືບຕໍ່ເນັ້ນໜັກເຖິງຄວາມຮຽກຮ້ອງໃຫ້ເລັ່ງຜັນຂະຫຍາຍບັ້ນສັກວັກຊິນລະດູບານໃໝ່ປີ 2022 ໂດຍໄວ, ດ້ວຍເປົ້າໝາຍໝົດເດືອນມັງກອນ ຫວຽດນາມ ຈະປະຕິບັດສຳເລັດການສັກວັກຊິນເຂັມທີ 2 ໃຫ້ ຜູ້ທີ່ມີອາຍຸແຕ່ 12 – 17 ປີ, ໃນໄຕມາດທີ I, ປະຕິບັດສຳເລັດການສັກວັກຊິນເຂັມທີ 3 ໃຫ້ຜູ້ທີ່ມີອາຍຸແຕ່ 18 ປີຂຶ້ນໄປ.

ທ່ານນາຍົກລັດຖະມົນຕີ ຊີ້ແຈ້ງວ່າ, ເຊື້ອໄວຣັດສາຍພັນ Omicron ໄດ້ແຊກຊຶມເຂົ້າຫວຽດນາມ, ດັ່ງນັ້ນທຸກຂັ້ນ, ທຸກຂະແໜງການເດັດຂາດບໍ່ໃຫ້ປະໝາດ ເມີນເສີຍ, ຕ້ອງມີສະຕິລະວັງຕົວໃນໂອກາດບຸນເຕັດ.

(ແຫຼ່ງຄັດຈາກ VOV)

ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF

ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF

ວັນທີ 22 ພຶດສະພາ, ທ່ານຮອງນາຍົກລັດຖະມົນຕີຫວຽດນາມ ເລມິງຄ໊າຍ, ຫົວໜ້າຄະນະຜູ້ແທນຂັ້ນສູງ ຫວຽດນາມ ທີ່ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກ (WEF) ຄັ້ງທີ 52 ຢູ່ Davos (ສະວິດ) ໄດ້ໃຫ້ການຕ້ອນຮັບທ່ານ Alok Sharma ລັດຖະມົນຕີ, ປະທານກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26); ທ່ານ Borge Brende ປະທານ WEF; ທ່ານ Henrik Anderson ປະທານ ທັງເປັນຜູ້ອຳນວຍການໃຫຍ່ຝ່າຍບໍລິຫານກຸ່ມບໍລິສັດ Vestas Wind Systems.

Top