ຂ່າວສານ
ທ່ານນາຍົກລັດຖະມົນຕີເຂົ້າຮ່ວມການພົບປະເນື່ອງໃນໂອກາດສະເຫຼີມສະຫຼອງວັນເລືອກຕັ້ງສະພາແຫ່ງຊາດທົ່ວປະເທດຄັ້ງທຳອິດຢູ່ແຂວງກວ໋າງນາມຄົບຮອບ 75 ປີ
ມາຮອດປະຈຸບັນ, ເຫດການສຳຄັນຍິ່ງນີ້ຍັງສ້າງບົດຮຽນອັນລ້ຳຄ່າໃຫ້ແກ່ພວກເຮົາ.
ທ່ານນາຍົກລັດຖະມົນຕີ ຫງວຽນຊວັນຟຸກ ຖ່າຍຮູບພ້ອມບັນດາຜູ້ແທນເຂົ້າຮ່ວມພິທີ
(ພາບ: TTXVN)
ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວັນຟຸກ ຢືນຢັນວ່າ, ມາຮອດປະຈຸບັນ, ເຫດການສຳຄັນຍິ່ງນີ້ຍັງສ້າງບົດຮຽນອັນລ້ຳຄ່າໃຫ້ແກ່ພວກເຮົາ. ທ່ານນາຍົກລັດຖະມົນຕີຍັງໄດ້ສະເໜີຄືນຄຳເວົ້າຂອງທ່ານພົນເອກ ຫວໍງວຽນຢ໊າບ ທີ່ວ່າ: ສຳລັບການເລືອກຕັ້ງສະມາຊິກສະພາແຫ່ງຊາດຊຸດທີ 1, ຊາດ ຫວຽດນາມ ແມ່ນຊາດທຳອິດຢູ່ອາຊີຕາເວັນອອກສ່ຽງໃຕ້ໄດ້ສ້າງຕັ້ງລັດທີ່ມີລະບອບການເມືອງດ້ວຍຮູບການປະຊາທິປະໄຕສູງສຸດແມ່ນບໍ່ຈຳແນກບັດເລືອກຕັ້ງ. ນັ້ນແມ່ນຈິດໃຈປະຊາທິປະໄຕຂອງພັກ ແລະ ປະທານ ໂຮ່ຈີມິນ ນັບແຕ່ມື້ທຳອິດ. ທ່ານນາຍົກລັດຖະມົນຕີເນັ້ນໜັກວ່າ, ວັນເລືອກຕັ້ງທົ່ວປະເທດນີ້ຍັງເປັນບົດຮຽນເພື່ອໃຫ້ ຫວຽດນາມ ສ້າງລະບອບລະບຽບການໃນການເລືອກຕັ້ງຂອງ ຫວຽດນາມໃຫ້ສົມບູນແບບ. ນັ້ນແມ່ນການເລືອກຕັ້ງທົ່ວປະເທດເພື່ອສ້າງອຳນາດການປົກຄອງຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ.
(ແຫຼ່ງຄັດຈາກ VOV)
