• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຈັດ​​ການ​ເຄື່ອນ​ໄຫວ​ຢ້ຽມ​ຢາມ, ມອບ​ຂອງ​ຂວັນ​ເນື່ອງ​ໃນ​ໂອ​ກາດ​ບຸນ​ປີ​ໃໝ່​ປະ​ຈຳ​ຊາດ ຫວຽດ​ນາມ 2022

ຕອນບ່າຍວັນທີ 12 ມັງກອນ, ທ່ານຮອງປະທານສະພາແຫ່ງຊາດ ຫວຽດນາມ ເຈິ່ນກວາງເຟືອງ ພ້ອມດ້ວຍຄະນະປະຕິບັດງານ ໄດ້ໄປຢ້ຽມຢາມ ແລະ ອວຍພອນກຳລັງປະກອບອາວຸດ ທະຫານເຂດ 9 ເນື່ອງໃນໂອກາດບຸນປີໃໝ່ປະຈຳຊາດ ຫວຽດນາມ 2022.
ທ່ານຮອງປະທານສະພາແຫ່ງຊາດ ຫວຽດນາມ ເຈິ່ນກວາງເຟືອງ ກ່າວຄຳເຫັນທີ່ການຢ້ຽມຢາມທະຫານເຂດ 9 (ພາບ: qdnd.vn)

ທ່ານຮອງປະທານສະພາແຫ່ງຊາດ ຕີລາຄາສູງກຳລັງປະກອບອາວຸດທະຫານເຂດ 9 ໃນຕະຫຼອດໄລຍະຜ່ານມາ, ສຸມໃສ່ວຽກງານປ້ອງກັນ, ຕ້ານໂລກລະບາດໂຄວິດ - 19, ພິເສດແມ່ນແຕ່ງຕັ້ງພະນັກງານ, ນັກຮົບເຂົ້າຮ່ວມການໜູນຊ່ວຍທ້ອງຖິ່ນໃນວຽກງານປ້ອງກັນ, ຕ້ານໂລກລະບາດ, ເກັບກ່ຽວຜົນລະປູກ, ທ່ານຮອງປະທານສະພາແຫ່ງຊາດ ຫວຽດນາມ ເຈິ່ນກວາງເຟືອງ ເນັ້ນໜັກວ່າ ໃນໄລຍະຜ່ານມາ, ກຳລັງປະກອບອາວຸດທະຫານເຂດ 9 ຈະສືບຕໍ່ສົມທົບກັບທ້ອງຖິ່ນຕ່າງໆຢູ່ເຂດທົ່ງພຽງ ແມ່ນ້ຳຂອງທາງພາກໃຕ້ ຫວຽດນາມ ຢ່າງແໜ້ນແຟ້ນ ເພື່ອປະຕິບັດໜ້າທີ່ປ້ອງກັນຊາດ, ປ້ອງກັນຄວາມສະຫງົບໃຫ້ມີປະສິດທິຜົນ ແລະ ປ້ອງກັນ, ຕ້ານໂລກລະບາດໂຄວິດ - 19 ແລະ ຈັດຕັ້ງການຕ້ອນຮັບບຸນປີໃໝ່ໃຫ້ແກ່ທະຫານ ແລະ ປະຊາຊົນ ໃຫ້ເປັນຢ່າງດີ.

        ໂດຍສືບຕໍ່ການຢ້ຽມຢາມ ແລະ ມອບຂອງຂວັນເນື່ອງໃນໂອກາດບຸນປີໃໝ່ຢູ່ເກາະແຫ່ງຕ່າງໆຢູ່ເຂດທະເລທາງທິດຕາເວັນຕົກສ່ຽງໃຕ້, ວັນທີ 12 ພະຈິກ, ຄະນະປະຕິບັດງານຂອງກອງບັນຊາການທະຫານເຂດ 5 ທະຫານເຮືອ, ບັນດາແຂວງ, ນະຄອນເຂດທົ່ງພຽງແມ່ນ້ຳຂອງ ຫວຽດນາມ, ແຂວງ ບິ່ງດິ້ງ, ດົງນາຍ ແລະ ບັນດານັກຂ່າວ ກໍໄດ້ໄປຢ້ຽມຢາມ, ມອບຂອງຂວັນອວຍພອນບັນດາກົມກອງຢູ່ເກາະ ໂທ່ຈູ ແຂວງ ກຽນຢາງຂອງ ຫວຽດນາມ ເນື່ອງໃນໂອກາດບຸນປີໃໝ່.

        ໃນຕອນບ່າຍຂອງວັນດຽວກັນ, ຄະນະຈັດຕັ້ງລາຍການ “ລະດູບານໃໝ່ ເຈື່ອງຊາ” ປີ 2022 ໄດ້ມອບງົບປະມານກໍ່ສ້າງເຮືອນແຫ່ງສາຍຈິດມິດໃຈ ຈຳນວນ 80 ລ້ານດົ່ງຕໍ່ຫຼັງ ໃຫ້ແກ່ 2 ຄອບຄົວນັກຮົບ ໄດ້ ແລະ ກຳລັງຮັບໃຊ້ກຳລັງທະຫານເຮືອ ແລະ ມອບຂອງຂວັນ ຈຳນວນ 50 ພູດໃຫ້ແກ່ຄອບຄົວເປົ້າໝາຍນະໂຍບາຍ, ຜູ້ປະສົບເຄາະຮ້າຍຈາກທາດພິດສີສົ້ມ, ຄອບຄົວທຸກຍາກ, ຄອບຄົວປະສົບກັບຄວາມຫຍຸ້ງຍາກຢູ່ຕາແສງ ນາມເວິນ, ນະຄອນ ນາມດິ້ງ, ແຂວງນາມດິ້ງ.

(ແຫຼ່ງຄັດຈາກ VOV)

ທ່ານນາຍົກລັດຖະມົນຕີ ຟ້າມມິງຈິ້ງ ເຮັດວຽກກັບບັນດາກຸ່ມບໍລິສັດເຕັກໂນໂລຊີແຖວໜ້າຂອງໂລກ

ທ່ານນາຍົກລັດຖະມົນຕີ ຟ້າມມິງຈິ້ງ ເຮັດວຽກກັບບັນດາກຸ່ມບໍລິສັດເຕັກໂນໂລຊີແຖວໜ້າຂອງໂລກ

ທ່ານນາຍົກລັດຖະມົນຕີຫວຽດນາມ ຟ້າມມິງຈິ້ງ ໄດ້ໄປຢ້ຽມຢາມບັນດາກຸ່ມບໍລິສັດເຕັກໂນໂລຢີແຖວໜ້າຂອງໂລກ ລວມມີ Intel, Apple, Google.

Top