ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ຟຸ່ງດຶກຕຽນກ່າວຄຳເຫັນທີ່ກອງປະຊຸມ
ຮອດທ້າຍເດືອນສິງຫາປີ 2020, ການສົ່ງອອກສິນໃນນ້ຳຂອງຫວຽດນາມ ບັນລຸໄດ້ 5,4 ຕື້ USD, ສູ້ຊົນໝົດປີບັນລຸໄດ້ 8,9 ຕື້ USD. ນີ້ແມ່ນຄຳຢັ້ງຢືນຂອງທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ຟຸ່ງດຶກຕຽນ ຢູ່ກອງປະຊຸມຮັບປະກັນຄຸນນະພາບສຸຂະອະນາໄມດ້ານສະບຽງອາຫານ, ຄວາມປອດໄພໃນໄລຍະເກີດໂລກລະບາດ ເພື່ອຊຸກຍູ້ການຜະລິດ, ຈຳໜ່າຍສິນໃນນ້ຳໂດຍກະຊວງກະສິກຳ ແລະ ພັດທະນາຊົນນະບົດຈັດຕັ້ງຂຶ້ນໃນວັນທີ 19 ກັນຍາ ຢູ່ເກິ່ນເທີ.
ປັດຈຸບັນ, ກຸ້ງແມ່ນປະເພດສິນຄ້າ ພວມມີບັນດາເງື່ອນໄຂສະດວກຂະນະທີ່ໄດ້ເພີ່ມທັງດ້ານສະມັດຕະພາບ ແລະ ລາຄາ. ຕາມສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ (VASEP) ແລ້ວ, 5 ຕະຫຼາດຕົ້ນຕໍທີ່ນຳເຂົ້າກຸ້ງຈາກຫວຽດນາມແມ່ນ ອາເມລິກາ, ຍີ່ປຸ່ນ, ຈີນ, EU ແລະ ສ.ເກົາຫຼີ.
(ແຫຼ່ງຄັດຈາກ VOV)
