• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບ, ສູ້ຊົນນຳແຂວງ ນິງທ້ວນ ໃຫ້ພັດທະນາແບບຍືນຍົງ

ໄລຍະທາງ 30 ປີ ພາຍຫລັງສ້າງຕັ້ງແຂວງຄືນໃຫມ່ (1/4/1992-1/4/2022), ດ້ວຍຈັນຍາບັນ ແລະ ເຈດຈຳນົງ, ຈິດໃຈກ້າຄິດກ້າທຳ, ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ນິງທ້ວນ ໄດ້ຜ່ານຜ່າຄວາມຫຍຸ້ງຍາກບືນຕົວຂຶ້ນ, ຫັນປ່ຽນຢ່າງແຮງ. ນິງທ້ວນ ໄດ້ຍາດແຍ່ງຄວາມສາມາດບົ່ມຊ້ອນ ແລະ ທ່າໄດ້ປຽບເປັນຢ່າງດີ, ຫັນສິ່ງທ້າທາຍກາຍເປັນກາລະໂອກາດພັດທະນາ, ສູ້ຊົນຮອດປີ 2030 ກາຍເປັນແຂວງພັດທະນາດີສົມຄວນຂອງເຂດ ແລະ ຂອງທົ່ວປະເທດ.
  ນິງທ້ວນແມ່ນເຂດມີຄວາມສາມາດບົ່ມຊ້ອນ ກ່ຽວກັບພະລັງງານແສງຕາເວັນໃຫ້ແກ່ການຜະລິດໄຟຟ້າ (ພາບ: TTXVN)  

ມະຕິ ກອງປະຊຸມໃຫຍ່ອົງຄະນະພັກແຂວງ ນິງທ້ວນ ຄັ້ງທີ XIV ສະໄຫມປີ 2020 – 2025 ໄດ້ກຳນົດຍູ້ແຮງການປ່ຽນໃຫມ່ປະດິດຄິດສ້າງ, ເສດຖະກິດທະເລແມ່ນກຳລັງຫນູນ. ພັດທະນາເສດຖະກິດສັງຄົມວ່ອງໄວ, ຍືນຍົງ, ຍົກສູງຊີວິດການເປັນຢູ່ໃຫ້ແກ່ປະຊາຊົນ. ແຂວງ ເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບຢ່າງສຸດຂີດ ສ້າງກົນໄກ, ນະໂຍບາຍ, ກໍ່ສ້າງພື້ນຖານໂຄງລ່າງຄົມມະນາຄົມ, ຈັດສັນທີ່ດິນໃຫ້ແກ່ບັນດາໂຄງການພະລັງງານສະອາດ, ພະລັງງານຜະລິດຄືນໃຫມ່, ເພີ່ມທະວີການເຊື່ອມຕໍ່ກັບຊ່ອງທາງດຶງດູດການລົງທຶນຢູ່ພາຍໃນ ແລະ ຕ່າງປະເທດ, ບັນດາອົງການຜູ້ຕາງຫນ້າຂອງຫວຽດນາມ ຢູ່ຕ່າງປະເທດ. ກຳນົດທິດຮອດປີ 2030 ແຂວງ ນິງທ້ວນ ກາຍເປັນສູນພະລັງງານສະອາດ, ພະລັງງານຜະລິດຄືນໃຫມ່ຂອງທົ່ວປະເທດ. ທ່ານ ຫວໍດີງວິງ, ຫົວຫນ້າພະແນກອຸດສາຫະກຳ ການຄ້າ ແຂວງ ນິງທ້ວນ ໃຫ້ຮູ້ວ່າ:

 “ດ້ວຍທ່າໄດ້ປຽບຂອງຕົນ, ແຂວງ ນິງທ້ວນ ແມ່ນຫນຶ່ງໃນບັນດາທ້ອງຖິ່ນມີຄວາມສາມາດບົ່ມຊ້ອນກ່ຽວກັບພະລັງງານຜະລິດຄືນໃຫມ່ ແລະ ພະລັງງານສະອາດ ເມື່ອຍອດກຳລັງການຜະລິດແມ່ນຂຶ້ນເຖິງ 40.000 Mgw. ໄຟຟ້າແສງຕາເວັນ, ດ້ວຍແດດຕະຫລອດປີ ແລະ ກຳລັງແຮງລົມແມ່ນສູງທີ່ສຸດ. ພະລັງແຮງລົມໄດ້ກຳນົດວ່າແມ່ນຫນຶ່ງໃນບັນດາຄວາມສາມາດບົ່ມຊ້ອນໃຫຍ່ຂອງແຂວງ ນິງທ້ວນ ດ້ວຍກຳລັງແຮງລົມແມ່ນຂຶ້ນເຖິງ 6,5-9,5 m/ວິນາທີ, ຄວາມສູງແມ່ນ 65 ແມັດ”.

ນິງທ້ວນ ກໍ່ໃຫ້ບຸລິມະສິດການພັດທະນາພື້ນຖານໂຄງລ່າງດິຈີຕອນ ສົມທົບກັບການເຊື່ອມຕໍ່ສາຍການບິນສາກົນເຖິງແຂວງ ຫລືໃນສາຍຮ່ວມສຳພັນການພັດທະນາກັບບັນດາແຂວງ ໃກ້ຄຽງຄື: ບິ່ງທ້ວນ, ແຄງຮວ່າ, ເລີມດົ່ງ. ທ່ານ ຫງວຽນວັນຫວີງ, ຫົວຫນ້າພະແນກຄົມມະນາຄົມຂົນສົ່ງແຂວງ ນິງທ້ວນ ໃຫ້ຮູ້ວ່າ:

 “ປະຈຸບັນ ກະຊວງຄົມມະນາຄົມຂົນສົ່ງ ພວມຜັນຂະຫຍາຍການລົງທຶນກໍ່ສ້າງເສັ້ນທາງຄວາມໄວສູງ ເຫນືອ - ໃຕ້ ຜ່ານບໍລິເວນແຂວງ ມີຄວາມຍາວ 61,5 km. ພ້ອມກັນນັ້ນ ແຂວງ ນິງທ້ວນ ກໍໄດ້ລົງທຶນກໍ່ສ້າງເສັ້ນທາງເຊື່ອມຕໍ່ສາຍທາງຄວາມໄວສູງລົງທ່າກຳປັ່ນສັງລວມ ກ່ານາ, ມີຄວາມຍາວ 22,5 km. ແຂວງ ນິງທ້ວນ ໄດ້ຜັນຂະຫຍາຍເລີ່ມລົງມືກໍ່ສ້າງສາຍທາງນີ້ໃນເດືອນພະຈິກປີ 2022. ນີ້ແມ່ນສາຍທາງຍຸດທະສາດເພື່ອພັດທະນາເສດຖະກິດຈຸດສຸມທາງທິດໃຕ້ຂອງນິງທ້ວນ”.

  ຮູບແບບການຜະລິດທີ່ນຳໃຊ້ເຕັກໂນໂລຢີສູງ ຢູ່ແຂວງນິງທ້ວນ (ພາບ: nongnghiep.vn)  

ແຂວງ ກໍ່ເອົາໃຈໃສ່ກໍ່ສ້າງ, ຜັນຂະຫຍາຍ ແລະ ປະຕິບັດການວາງແຜນຜັງແຂວງ ນິງທ້ວນໄລຍະ 2021- 2030, ວິໄສທັດ ຮອດປີ 2050 ຢ່າງມີປະສິດທິຜົນ, ໃນນັ້ນ ເອົາໃຈໃສ່ເປັນພິເສດເຖິງທີ່ຕັ້ງບົດບາດຂອງແຂວງ ນິງທ້ວນ ແມ່ນກ້ຳເຕີບໂຕໃຫມ່ໃນການຮ່ວມສຳພັນເຂດແຄມທະເລພາກກາງ ແລະ ບັນດາແຂວງໃກ້ຄຽງ, ສືບຕໍ່ສ້າງໂຄງປະກອບພື້ນຖານເສດຖະກິດຄືນໃຫມ່ຕິດພັນກັບການປ່ຽນແປງໃຫມ່ຮູບແບບການເຕີບໂຕ, ສ້າງບາດກ້າວບຸກທະລຸໃນບັນດາຂົງເຂດເສດຖະກິດທະເລ, ການຜະລິດກະສິກຳ, ພະລັງງານຜະລິດອຸດສາຫະກຳຄືນໃຫມ່, ການປຸງແຕ່ງ, ການທ່ອງທ່ຽວ, ເສດຖະກິດຕົວເມືອງ...

ພ້ອມທັງ ນຳກະສິກຳເຕັກໂນໂລຊີສູງກາຍເປັນເສດຖະກິດປາຍແຫລມ, ສ້າງບັນດາເຂດ, ໂຄງການມີຂອບຂະຫນາດ ແລະ ຜະລິດບັນດາປະເພດຜະລິດຕະພັນກະເສດມີຄຸນນະພາບສູງຕອບສະຫນອງຄວາມຕ້ອງການຂອງຕະຫລາດ, ສູ້ຊົນຮອດປີ 2025 ນິງທ້ວນມີ 3-5 ເຂດກະສິກຳເຕັກໂນໂລຊີສູງ ດ້ວຍເນື້ອທີ່ 1.000 ເຮັກຕາ.

ໂດຍຕັ້ງຢູ່ເສັ້ນທາງທ່ອງທ່ຽວ ລະຫວ່າງ ຍາຈາງ, ໝູຍແນ, ດາລາດ, ນິງທ້ວນ ມີທິວທັດທຳມະຊາດແບບປະຖົມປະຖານໃຫຍ່ໂຕມະໂຫຖານຂອງເຂດດິນແດນເຕັມໄປດ້ວຍແດດ, ລົມ ແລະ ຫາດຊາຍຂາວຍາວຢຽດ, ແຂວງ ນິງທ້ວນ ເອົາໃຈໃສ່ພັດທະນາການທ່ອງທ່ຽວ, ນຳເຂດດິນນີ້ໃຫ້ກາຍເປັນຈຸດນັດພົບອັນດູດດື່ມຂອງ ຫວຽດນາມ ໃນອະນາຄົດ.

ພ້ອມກັນນັ້ນ ນິງທ້ວນ ກໍສືບຕໍ່ການປະຕິຮູບລະບຽບການດ້ານບໍລິຫານຢ່າງແຮງ, ປັບປຸງສະພາບແວດລ້ອມແຫ່ງການລົງທຶນ ແລະ ຍົກສູງກຳລັງຄວາມສາມາດແກ້ງແຍ່ງຂັ້ນແຂວງ, ສ້າງເງື່ອນໄຂສະດວກໃຫ້ແກ່ວິສາຫະກິດ ແລະ ປະຊາຊົນ. ທ່ານ ເຈີນກວັກນາມ, ປະທານ ຄະນະກຳມະການປະຊາຊົນແຂວງ ນິງທ້ວນ ໃຫ້ຮູ້ວ່າ:

 “ນິງທ້ວນ ຍາມໃດກໍ່ມີຫົວຄິດປະດິດສ້າງປ່ຽນແປງໃຫມ່ຈີນຕະນາການ ແລະ ການກະທຳ, ເປັນຕົ້ນແມ່ນປັບຕົວໃຫ້ແທດເໝາະກັບເງື່ອນໄຂໃຫມ່ ຊື່ງໂລກ ກໍ່ຄືປະເທດຊາດວາງອອກ. ພວກເຮົາໄດ້ຜ່ານຜ່າຄວາມຫຍຸ້ງຍາກ, ຂໍ້ຕິດຂັດ, ສ້າງບັນດາກົນໄກນະໂຍບາຍໃຫມ່, ເພື່ອຈາກນັ້ນ ນິງທ້ວນ ບືນຕົວຂຶ້ນຈາກກຳລັງແຮງຂອງຕົນ ຄືທີ່ພັກ, ລັດ ໄດ້ຊີ້ນຳໃນໄລຍະຜ່ານມາ”.

ອົງຄະນະພັກ, ອຳນາດການປົກຄອງ, ກອງທັບ ແລະ ປະຊາຊົນ ນິງທ້ວນ ຈະມານະພະຍາຍາມກວ່າອີກ, ສາມັກຄີກວ່າອີກ, ຮ່ວມແຮງຮ່ວມໃຈເປັນຈິດຫນຶ່ງໃຈດຽວເສີມຂະຫຍາຍບັນດາບົດຮຽນ ແລະ ຜົນງານທີ່ບັນລຸໄດ້, ເປັນເຈົ້າການປະດິດສ້າງ, ເພິ່ງຕົນເອງສ້າງຄວາມເຂັ້ມແຂງດ້ວຍຕົນເອງ ຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ປະຕິບັດເປົ້າໝາຍຮອດປີ 2025 ນຳແຂວງ ນິງທ້ວນກາຍເປັນແຂວງພັດທະນາດີສົມຄວນຂອງເຂດ ແລະ ຫວຽດນາມ.

(ແຫຼ່ງຄັດຈາກ VOV)

ຫວຽດນາມ ດຶງດູດທຶນ FDI ກວ່າ 1,2 ຕື້ USD ໃນເດືອນ ມັງກອນ 2023

ຫວຽດນາມ ດຶງດູດທຶນ FDI ກວ່າ 1,2 ຕື້ USD ໃນເດືອນ ມັງກອນ 2023

ໃນເດືອນ ມັງກອນ 2023, ຫວຽດນາມ ມີ 153 ໂຄງການລົງທຶນໂດຍກົງຈາກຕ່າງປະເທດ (FDI) ໄດ້ສະໜອງໃໝ່, ດ້ວຍຍອດທຶນຈົດທະບຽນແມ່ນ 1,2 ຕື້ USD.

Top