ຂ່າວສານ

ເວທີປາໄສການຮ່ວມມືລະຫວ່າງຫວຽດນາມ - ຝລັ່ງ ກ່ຽວກັບຕົວເມືອງສະຫຼາດ ແລະ ຍືນຍົງ

05/07/2018

ວັນທີ 4 ກໍລະກົດ, ທີ່ນະຄອນໂຮ່ຈີມິນ, ອົງການການຄ້າ ແລະ ການລົງທຶນ ຝລັ່ງ ໄດ້ສົມທົບກັບສະຖານກົງສູນໃຫຍ່ຝລັ່ງ ປະຈຳນະຄອນໂຮ່ຈີມິນ ໄດ້ຈັດຕັ້ງ “ເວທີປາໄສການຮ່ວມມືລະຫວ່າງຫວຽດນາມ - ຝລັ່ງ ກ່ຽວກັບຕົວເມືອງສະຫຼາດ ແລະ ຍືນຍົງ.

ຜູ້ຕາງໜ້າຄະນະກຳມະການປະຊາຊົນນະຄອນໂຮ່ຈີມິນແລະສະຖານກົງສູນໃຫຍ່ຝລັ່ງປະຈຳນະຄອນໂຮ່ຈີມິນລົງນາມໃນບົດບັນທຶກຊ່ວຍຈຳ ກ່ຽວກັບການຮ່ວມມືໃນຂົງເຂດຄຸ້ມຄອງຄຸນນະພາບຂອງອາກາດ

ກ່າວຄຳເຫັນທີ່ເວທີປາໄສ, ທ່ານ ເຈິ່ນຫວິງຕວ໋ຽນ, ຮອງປະທານຄະນະກຳມະການປະຊາຊົນນະຄອນໂຮ່ຈີມິນ ໃຫ້ຮູ້ວ່າ ນະຄອນພວມຜັນຂະຫຍາຍແຜນຮ່າງກໍ່ສ້າງນະຄອນກາຍເປັນນະຄອນສະຫຼາດ ໄລຍະ 2017 – 2025, ວິໄສທັດຮອດ 2030:

“ຄາດຄະເນວ່າ ເສັ້ນທາງແຫ່ງການເຄື່ອນໄຫວຮອດປີ 2020, ໃນຂັ້ນພື້ນຖານ, ພວກເຮົາຈະຜັນຂະຫຍາຍບັນດາເປົ້າໝາຍລະອຽດ, ຕອບສະໜອງໄດ້ຕາມບັນດາບໍລິການສະດວກໃຫ້ແກ່ປະຊາຊົນນະຄອນ ບົນພື້ນຖານ ຮັບປະກັນຄວາມປອດໄພທາງຄົມມະນາຄົມ, ການສຶກສາ ແລະ ບັນຫາສຸຂະພາບ”.

ທີ່ເວທີປາໄສ, ຜູ້ຕາງໜ້າຄະນະກຳມະການປະຊາຊົນນະຄອນໂຮ່ຈີມິນ ແລະ ສະຖານກົງສູນໃຫຍ່ແຫ່ງ ສາທາລະນະລັດ ຝລັ່ງ ປະຈຳນະຄອນໂຮ່ຈີມິນ ໄດ້ລົງນາມໃນບົດບັນທຶກຊ່ວຍຈຳ ກ່ຽວກັບການຮ່ວມມືໃນຂົງເຂດຄຸ້ມຄອງຄຸນນະພາບຂອງອາກາດ ເພື່ອແນໃສ່ຮັບມືກັບບັນດາສິ່ງທ້າທາຍດ້ານສິ່ງແວດລ້ອມ.

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.