ຂ່າວສານ

ເລຂາທິການໃຫຍ່, ປະທານປະເທດ ຈີນ ສົ່ງສານແບ່ງເບົາຄວາມເສົ້າສະຫຼົດໃຈອະດີດເລຂາທິການໃຫຍ່ ໂດເມື່ອຍ ເຖິງແກ່ມໍລະນະກຳ

05/10/2018

ຕາມນັກຂ່າວສຳນັກຂ່າວສານ ຫວຽດນາມ ປະຈຳ ປັກກິ່ງ ປະເທດ ຈີນ ແລ້ວ, ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ໄດ້ສົ່ງສານແບ່ງເບົາຄວາມເສົ້າສະຫຼົດໃຈເຖິງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ ແລະ ຄອບຄົວຍາດຕິພີ່ນ້ອງອະດີດເລຂາທິການໃຫຍ່ ໂດເມື່ອຍ.

ອະດີດເລຂາທິການໃຫຍ່ ໂດເມື່ອຍ (ພາບ: TTXVN)

ເນື້ອໃນສານມີຕອນຂຽນວ່າ: ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ສະແດງຄວາມໂສກເສົ້າເສຍດາຍຢ່າງສຸດຊື້ງເຖິງຄອບຄົວອະດີດເລຂາທິການໃຫຍ່ ໂດເມື່ອຍ. ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ເຊື່ອໝັ້ນວ່າ: ພັກ, ລັດ ແລະ ປະຊາຊົນ ຫວຽດນາມ ຈະຫັນຄວາມເຈັບປວດນີ້ເປັນກຳລັງແຮງ, ສືບຕໍ່ບັນລຸໄດ້ຜົນງານຫລາຍຢ່າງໃນພາລະກິດສ້າງສາສັງຄົມນິຍົມ. ທ່ານເລຂາທິການໃຫຍ່, ປະທານປະເທດ ຈີນ ກໍ່ສະແດງຄວາມປາດຖະໜາຢາກປັບປຸງການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຈີນ, ລົງເລິກການຮ່ວມມື, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ, ສືບຕໍ່ພັດທະນາເປັນປົກກະຕິ ແລະ ປອດໃສ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.