ຂ່າວສານ

ອາຊຽນອອກຖະແຫຼງການປະທານ ຮຽກຮ້ອງຢຸດຕິສະພາບການໃຊ້ຄວາມຮຸນແຮງຢູ່ ມຽນມາ

14/04/2023

ວັນທີ 13 ເມສາ, ເວັບໄຊທາງການຂອງອາຊຽນ ໄດ້ອອກຖະແຫຼງການປະທານ ອາຊຽນກ່ຽວກັບສະພາບການມຽນມາ, ຮຽກຮ້ອງຢຸດຕິທຸກຮູບແບບໃຊ້ຄວາມຮຸນແຮງ, ພິເສດແມ່ນເລັ່ງໃສ່ສາມັນຊົນ.

(ແຫຼ່ງຄັດຈາກ VOV)

ຖະແຫຼງການໄດ້ກ່າວປະນາມການບຸກໂຈມຕີທາງອາກາດທີ່ໄດ້ຮັບການລາຍງານຫວ່າງມໍ່ໆມານີ້ຢູ່ເຂດ Sagaing, ຂອງມຽນມາ ຢ່າງແຮງ, ເຊິ່ງເຮັດໃຫ້ສາມັນຊົນນັບຢ່າງໜ້ອຍສຸດສິບຄົນເສຍຊີວິດ. ຖະແຫຼງການກໍ່ເນັ້ນໜັກວ່າ ທຸກຮູບແບບໃຊ້ຄວາມຮຸນແຮງຕ້ອງຢຸດຕິຢ່າງທັນທີ, ພິເສດແມ່ນການນຳໃຊ້ອາວຸດຕໍ່ສາມັນຊົນ. ນີ້ຈະແມ່ນວິທີການອັນໜຶ່ງດຽວເພື່ອສ້າງສະພາບແວດລ້ອມແຫ່ງຄວາມສະດວກໃຫ້ແກ່ການເຈລະຈາແຫ່ງຊາດຢ່າງຮອບດ້ານ ເພື່ອຊອກຫາມາດຕະການແກ້ໄຂໂດຍສັນຕິວິທີແບບຍືນຍົງ ຢູ່ມຽນມາ. ອາຊຽນເນັ້ນໜັກວ່າບັນດາຄຳໝັ້ນສັນຍາຈະສືບຕໍ່ໜູນຊ່ວຍມຽນມາ ຊອກຫາວິທີການທີ່ມີຄວາມເປັນໄປໄດ້ສູງ ແລະ ຍາວນານໃຫ້ແກ່ວິກິດການພວມເກີດຂຶ້ນ, ຮັບຮອງເອົາການຊຸກຍູ້ປະຕິບັດຄວາມເຫັນດີ 5 ຂໍ້ຢ່າງຄົບຖ້ວນ.

(ແຫຼ່ງຄັດຈາກ VOV)

ຊຸກຍູ້ສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານ ຫວຽດນາມ - ອີຢິບ ຫຼາຍກວ່າອີກ

19/09/2024
ຂ່າວສານ

ວັນທີ 17 ກັນຍາ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ໂອ້ລົມທາງໂທລະສັບກັບທ່ານລັດຖະມົນຕີກະຊວງການຕ່າງປະເທດ, ອົບພະຍົບ ແລະ ຊາວຕ່າງດ້າວ ອີຢິບ Badr Abdelatty.