• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສືບຕໍ່ຍູ້ແຮງການຮ່ວມມື, ເພີ່ມທະວີການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງກວ້າງຂວາງລະຫວ່າງຫວຽດນາມ-ຍີ່ປຸ່ນ

ທ່ານປະທານປະເທດ ຫງວຽນຊວັນຟຸກ ໄດ້ສະແດງຄວາມປະຕິຊົມເຊີຍຕໍ່ການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງ, ກວ້າງຂວາງລະຫວ່າງ 2 ປະເທດໃນໄລຍະຜ່ານມາ.
ທ່ານປະທານປະເທດ ຫງວຽນຊວັນຟຸກ ຕ້ອນຮັບທ່ານເອກອັກຄະລັດຖະທູດຍີ່ປຸ່ນ ປະຈຳຫວຽດນາມ Yamada Takio. (ພາບ: TTXVN)

ຕອນບ່າຍວັນທີ 03 ມິຖຸນາ, ຢູ່ທຳນຽບປະທານປະເທດ, ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດຍີ່ປຸ່ນ ປະຈຳຫວຽດນາມ Yamada Takio ເຂົ້າຢ້ຽມຂ່ຳນັບ ແລະ ແລກປ່ຽນຄຳເຫັນກ່ຽວກັບການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງ, ກວ້າງຂວາງລະຫວ່າງຫວຽດນາມ - ຍີ່ປຸ່ນ.

        ທີ່ການຕ້ອນຮັບ, ທ່ານປະທານປະເທດ ຫງວຽນຊວັນຟຸກ ໄດ້ສະແດງຄວາມປະຕິຊົມເຊີຍຕໍ່ການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງ, ກວ້າງຂວາງລະຫວ່າງ 2 ປະເທດໃນໄລຍະຜ່ານມາ ສືບຕໍ່ໄດ້ຮັບການພັດທະນາຢ່າງດີງາມໃນທຸກຂົງເຂດ ແລະ ສະເໜີໃຫ້ທ່ານເອກອັກຄະລັດຖະທູດສືບຕໍ່ຊຸກຍູ້ການພົບປະແລກປ່ຽນຂັ້ນສູງ ແລະ ທຸກຂັ້ນລະຫວ່າງ 2 ປະເທດ; ຮ່ວມມື, ໜູນຊ່ວຍເຊິ່ງກັນ ແລະ ກັນໃນການປ້ອງກັນ, ຕ້ານໂລກລະບາດໂຄວິດ-19; ເພີ່ມທະວີການຮ່ວມສຳພັນທາງດ້ານເສດຖະກິດ, ສົ່ງເສີມ, ຊຸກຍູ້ວິສາຫະກິດຍີ່ປຸ່ນ ຕັ້ງໜ້າເປີດກວ້າງການລົງທຶນ, ດຳເນີນທຸລະກິດຢູ່ຫວຽດນາມ.

        ສ່ວນທ່ານເອກອັກຄະລັດຖະທູດ Yamada Takio ຢືນຢັນນະໂຍບາຍສະເໝີຕົ້ນສະເໝີປາຍຂອງລັດຖະບານຍີ່ປຸ່ນ ແມ່ນຖືການພົວພັນກັບຫວຽດນາມ ເປັນສຳຄັນ; ສືບຕໍ່ຕັ້ງໜ້າໜູນຊ່ວຍຫວຽດນາມ ໃນການປ້ອງກັນ, ຕ້ານໂລກລະບາດໂຄວິດ-19; ຊຸກຍູ້ການຮ່ວມມືພັດທະນາພື້ນຖານໂຄງລ່າງ, ການຫັນເປັນດີຈີຕອນ, ສິ່ງແວດລ້ອມ ແລະ ໃຫ້ຮູ້ວ່າ, ຫວຽດນາມ ແມ່ນສະຖານທີ່ລົງທຶນທີ່ເປັນໜ້າສົນໃຈທີ່ສຸດສຳລັບວິສາຫະກິດຍີ່ປຸ່ນ ໃນວິວັດການຫັນລະບົບສະໜອງເປັນຫຼາຍຮູບຫຼາຍແບບ.

        ກໍ່ທີ່ການຕ້ອນຮັບ, ທ່ານປະທານປະເທດ ຫງວຽນຊວັນຟຸກ ຍັງໄດ້ແລກປ່ຽນກັບທ່ານເອກອັກຄະລັດຖະທູດຍີ່ປຸ່ນ ກ່ຽວກັບບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ.

(ແຫຼ່ງຄັດຈາກ VOV)

SIAL Canada 2024 ເປີດ​ໂອ​ກາດການ​ສົ່ງ​ອອກ​ສະ​ບຽງ​ອາ​ຫານ​ປຸງ​ແຕ່ງ ໃຫ້​ແກ່​ວິ​ສາ​ຫະ​ກິດ ຫວຽດ​ນາມ

SIAL Canada 2024 ເປີດ​ໂອ​ກາດການ​ສົ່ງ​ອອກ​ສະ​ບຽງ​ອາ​ຫານ​ປຸງ​ແຕ່ງ ໃຫ້​ແກ່​ວິ​ສາ​ຫະ​ກິດ ຫວຽດ​ນາມ

ເຂົ້າຮ່ວມ SIAL Canada ປີນີ້, ຫວຽດນາມ ມີວິສາຫະກິດ 2 ແຫ່ງ ນັ້ນແມ່ນ ທ້ວນຟອງ (Tufoco) ແລະ Sapo DAKLAK ເຊິ່ງລ້ວນແຕ່ດຶງດູດຄວາມສົນໃຈຂອງຜູ້ເຂົ້າຢ້ຽມຊົມ, ເປີດແງ່ຫວັງການສົ່ງອອກສະບຽບອາຫານປຸງແຕ່ງໃນອະນາຄົດ.

Top