ມາຮອດປັດຈຸບັນ, ໂລກລະບາດ Covid – 19 ໄດ້ແຜ່ລາມເຖິງ 209 ປະເທດ ແລະ ເຂດແຄ້ວນໃນທົ່ວໂລກ. ບັນດາປະເທດກໍ່ຢັ້ງຢືນວ່າ ມີຜູ້ຕິດເຊື້ອພະຍາດ Covid – 19 ຈຳນວນ 422.558 ຄົນ ໄດ້ຮັບການປິ່ນປົວຫາຍດີໃຫ້ເປັນປົກກະຕິ. ອາເມລິກາ ແລະ ອັງກິດ ແມ່ນ 2 ປະເທດທີ່ມີຈຳນວນຜູ້ຕິເຊື້ອພະຍາດ Covid – 19 ແລະ ຈຳນວນຜູ້ເສຍຊີວິດກໍລະນີໃໝ່ຕື່ມອີກຫຼາຍທີ່ສຸດໃນໂລກພາຍໃນເວລາ 24ຊົ່ວໂມງທີ່ຜ່ານມາ. ທີ່ອາເມລິກາ, ປະເທດນີ້ໄດ້ຢັ້ງຢືນວ່າ ໃນວັນທີ 12 ເມສາ, ມີຜູ້ເສຍຊີວິດຕື່ມອີກ 1.414 ຄົນ, ຍົກຍອດຈຳນວນຜູ້ເສຍຊີວິດຂຶ້ນເຖິງ 21.991 ຄົນ.
ຈຳນວນຜູ້ເສຍຊີວິດຍ້ອນເຊື້ອໄວຣັດ SARS – CoV – 2 ຢູ່ເອີລົບໄດ້ເພີ່ມຂຶ້ນກ່ວາ 75.000 ຄົນ. ລັດຖະບານອັງກິດໃຫ້ຮູ້ວ່າ ທ່ານນາຍົກລັດຖະມົນຕີ ອັງກິດ Boris Johnson ໄດ້ອອກໂຮງໝໍແລ້ວ ພາຍຫຼັງປິ່ນປົວພະຍາດ Covid -19ເປັນໄລຍະໜຶ່ງ, ແຕ່ວ່າທ່ານ Johnson ຍັງບໍ່ທັນສາມາດໄປເຮັດວຽກໄດ້ເທື່ອ.
(ແຫຼ່ງຄັດຈາກ VOV)
