• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ວົງການນັກຊ່ຽວຊານລັດເຊຍ ເຊື່ອໝັ້ນເລື່ອງຫວຽດນາມ ຈະຊຸກຍູ້ການຮ່ວມມືລະຫວ່າງລັດເຊຍ-ອາຊຽນ

      ນັກຮຽນຮູ້ລັດເຊຍ ຫຼາຍທ່ານໄດ້ສະແດງຄວາມເຊື່ອໝັ້ນກ່ຽວກັບບົດບາດຕັ້ງໜ້າຂອງຫວຽດນາມ ໃນການຊຸກຍູ້ການພົວພັນຮ່ວມມືລະຫວ່າງລັດເຊຍ - ອາຊຽນ.

ໜ້າປື້ມ “ຫວຽດນາມ ບືນຕົວຂຶ້ນ”
(ພາບ: Vietnamplus)
      ໃນສະພາບທີ່ການຫວຽດນາມ ຮັບດຳລົງຕຳແໜ່ງເປັນປະທານອາຊຽນ ປີ 2020, ມີນັກຊ່ຽວຊານ, ນັກຮຽນຮູ້ລັດເຊຍ ຫຼາຍທ່ານໄດ້ສະແດງຄວາມເຊື່ອໝັ້ນກ່ຽວກັບບົດບາດຕັ້ງໜ້າຂອງຫວຽດນາມ ໃນການຊຸກຍູ້ການພົວພັນຮ່ວມມືລະຫວ່າງລັດເຊຍ - ອາຊຽນ.
        ໃນບົດຂຽນ “ບົດບາດ ແລະ ທີ່ຕັ້ງຂອງຫວຽດນາມ ໃນການຮ່ວມມືລະຫວ່າງລັດເຊຍ - ອາຊຽນ”, ທ່ານປະລິນຍາເອກ Ekaterina Koldunova ຖືວ່າ, ເມື່ອຫວຽດນາມ ຮັບດຳລົງຕຳແໜ່ງປະທານອາຊຽນ ໃນປີ 2020 ອາດຈະປະກົດມີບັນດາຂົງເຂດຮ່ວມມືລະຫວ່າງລັດເຊຍ ແລະ ອາຊຽນ. ນັ້ນແມ່ນທິດທາງການຮ່ວມມື 2 ຝ່າຍລະຫວ່າງລັດເຊຍ - ຫວຽດນາມ ໃນບັນດາຂົງເຂດເສນາຮັກ, ການຮັບມືກັບສະພາບຮີບດ່ວນ, ການຮ່ວມມືດ້ານວິທະຍາສາດຕ້ານບັນດາຄວາມສ່ຽງທີ່ເກີດຈາກໂລກລະບາດ.
        ໃນປື້ມທີ່ມີຊື່ວ່າ “ຫວຽດນາມ ບືນຕົວຂຶ້ນ”, ນັກຊ່ຽວຊານກ່ຽວກັບບັນດາບັນຫາສາກົນ Grigory Trofimchuk ໄດ້ໃຊ້ຫຼາຍໜ້າໃນປື້ມເພື່ອເຕື້ອງເຖິງບົດບາດຂອງຫວຽດນາມ ໃນການເຊື່ອມຕໍ່, ໂຄສະນາພາບພົດຂອງອາຊຽນ ບໍ່ພຽງແຕ່ຢູ່ລັດເຊຍ ເທົ່ານັ້ນ, ຫາກຍັງແມ່ນໃນຂອບເຂດທົ່ວໂລກອີກດ້ວຍ. ຫວຽດນາມ ແມ່ນຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈຢ່າງແທດຈິງຂອງບັນດາປະເທດໃນປະຊາຄົມສາກົນ, ແມ່ນທິດທາງບຸລິມະສິດຂອງລັດເຊຍ ຢູ່ອາຊີ - ປາຊີຟິກ.
(ແຫຼ່ງຄັດຈາກ VOV)

ສະຫາຍເລຂາທິການໃຫຍ່ ຫງວຽນຝູ໋ຈ້ອງ ເຖິງແກ່ມໍລະນະກຳ

ສະຫາຍເລຂາທິການໃຫຍ່ ຫງວຽນຝູ໋ຈ້ອງ ເຖິງແກ່ມໍລະນະກຳ

ຕາມແຫຼ່ງຂ່າວຈາກຄະນະປົກປ້ອງ ແລະ ດູແລສຸຂະພາບພະນັກງານສູນກາງພັກ, ສະຫາຍ ຫງວຽນຝູ໋ຈ້ອງ, ເກີດປີ 1944, ເລຂາທິການໃຫຍ່ແຫ່ງ ສສ ຫວຽດນາມ, ເນື່ອງມາຈາກສະຫາຍເປັນພະຍາດທີ່ໜັກໜ່ວງຮ້າຍແຮງ, ເຖິງວ່າໄດ້ຮັບການປິ່ນປົວຢ່າງສຸດໃຈຈາກບັນດາສາດສະດາຈານ, ທ່ານໝໍ, ບັນດາການນຳພັກ, ລັດໄດ້ເອົາໃຈໃສ່ເປັນພິເສດ, ສ້າງເງື່ອນໄຂໃນການປິ່ນປົວແລ້ວກໍ່ຕາມ, ແຕ່ກໍ່ບໍ່ສາມາດກູ້ເອົາຊີວິດໄດ້. ສະຫາຍເລຂາທິການໃຫຍ່ ຫງວຽນຝູ໋ຈ້ອງ ໄດ້ເຖິງແກ່ມໍລະນະກຳ ໃນເວລາ 13 ໂມງ 38 ນາທີ, ວັນທີ 19 ກໍລະກົດ 2024 ຢູ່ໂຮງໝໍກອງທັບສູນກາງ 108.

Top