ຫວຽດນາມ ໄດ້ຜັນຂະຫຍາຍການສັກວັກຊິນກັນພະຍາດໂຄວິດ - 19 ກວ່າ 3,2 ລ້ານໂດສ ໃຫ້ແກ່ເດັກທີ່ມີອາຍຸແຕ່ 5 – 11 ປີ.
(ພາບປະກອບ: TTXVN)
ນັບແຕ່ເວລາ 16 ໂມງຂອງວັນທີ 19 ພຶດສະພາ ຫາເວລາ 16 ໂມງຂອງວັນທີ 20 ພຶດສະພາ, ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກ 1.587 ຄົນ ຢູ່ 51/63 ແຂວງ, ນະຄອນ. ໃນວັນດຽວກັນ, ມີຜູ້ຕິດເຊື້ອໄດ້ຮັບການປິ່ນປົວຫາຍດີຈຳນວນ 7.151 ຄົນ, ອັນໄດ້ຍົກຈຳນວນຜູ້ຫາຍດີທັງໝົດຂຶ້ນເກືອບ 9,4 ລ້ານຄົນ.
ໄລ່ຮອດຕອນບ່າຍວັນທີ 20 ພຶດສະພາ, ຫວຽດນາມ ໄດ້ຜັນຂະຫຍາຍການສັກວັກຊິນກັນພະຍາດໂຄວິດ - 19 ກວ່າ 3,2 ລ້ານໂດສ ໃຫ້ແກ່ເດັກທີ່ມີອາຍຸແຕ່ 5 – 11 ປີ. ກະຊວງສາທາລະນະສຸກຫວຽດນາມ ພວມຮຽກຮ້ອງໃຫ້ທ້ອງຖິ່ນຕ່າງໆຍູ້ໄວຄວາມຄືບໜ້າສັກວັກຊິນກັນພະຍາດໂຄວິດ - 19 ໃຫ້ແກ່ເປົ້າໝາຍດັ່ງກ່າວ.
(ແຫຼ່ງຄັດຈາກ VOV)
