ຂ່າວສານ

ປະກາດໃຊ້ບັນດານະໂຍບາຍພິເສດ ເພື່ອຊ່ວຍໜູນ ແລະ ລະດົມກຳລັງໃຈແກ່ກຳລັງເຂົ້າຮ່ວມການປ້ອງກັນ ແລະ ຕ້ານໂລກລະບາດໂຄວິດ-19

04/08/2021

ຕອນບ່າຍວັນທີ 4 ສິງຫາ, ຢູ່ຮ່າໂນ້ຍ, ທ່ານປະທານສະພາແຫ່ງຊາດຫວຽດນາມເວືອງດິງເຫ້ວໄດ້ພົບປະກັບບັນດາພະນັກງານແພດໝໍຂອງໂຮງໝໍສູນກາງ 22 ແຫ່ງ ຕາງໜ້າໃຫ້ພາລະກອນການແພດເກືອບ 3000 ຄົນ ເພື່ອກະກຽມເພີ່ມທະວີກຳລັງປ້ອງກັນ ແລະ ຕ້ານໂລກລະບາດໂຄວິດ-19 ໃຫ້ແກ່ນະຄອນໂຮ່ຈິມິນ ແລະ ບັນດາແຂວງທາງພາກໃຕ້ຫວຽດນາມ.

ທ່ານປະທານສະພາແຫ່ງຊາດຫວຽດນາມເວືອງດິງເຫ້ວ ພ້ອມກັບບັນດາພະນັກງານແພດໝໍ

ທີ່ການພົບປະ, ທ່ານປະທານສະພາແຫ່ງຊາດຫວຽດນາມເວືອງດິງເຫ້ວໄດ້ຮັບຮູ້ ແລະ ຂອບໃຈຕໍ່ການອຸທິດສ່ວນຂອງພະນັກງານແພດໝໍ, ບັນດາຜູ້ອອກແຮງງານ, ນັກອາສາສະໝັກໃນວຽກງານປ້ອງກັນ ແລະ ຕ້ານໂລກລະບາດໂຄວິດ-19 . ທ່ານປະທານສະພາແຫ່ງຊາດຫວຽດນາມເວືອງດິງເຫ້ວສະເໜີ ນະຄອນໂຮ່ຈິມິນ ແລະ ບັນດາແຂວງທາງພາກໃຕ້ ສືບຕໍ່ສຸມໃສ່ປະຕິບັດການແຍກຫ່າງສັງຄົມ, ພ້ອມກັນນັ້ນ, ຂະແໜງສາທາລະນະສຸກ ສືບຕໍ່ປັບປຸງລະບົບການປິ່ນປົວ, ເປັນຕົ້ນແມ່ນການປິ່ນປົວຟື້ນຟູຊີບ, ຮີບເຮັ່ງເພີ່ມເຕີມວັດຖຸ ພາຫະນະເຄຶ່ອງຈັກຮັບໃຊ້ການແພດ, ເອົາໃຈໃສ່ວຽກງານປິ່ນປົວສຸກເສີນເພື່ອຫຼຸດຜ່ອນຈຳນວນຄົນເຈັບຖືກເສຍຊີວິດໂດຍໄວ. ພ້ອມກັນນັ້ນ ກໍຕ້ອງປະຕິບັດການສັກວັກຊິນຢ່າງທົ່ວເຖິງໃນເວລາໄວເທົາທີ່ຈະໄວໄດ້.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.