ທ່ານ Yuri Ushakov ຜູ້ຊ່ວຍວຽກຂອງປະທານາທິບໍດີລັດເຊຍ ໃຫ້ຮູ້ວ່າ, ໃນວັນທີ 4 ກຸມພາ, ປະທານາທິບໍດີລັດເຊຍ Vladimir Putin ແລະ ປະທານປະເທດຈີນ ສີຈິ້ນຜິງ ຈະຮັບຮອງເອົາຖະແຫຼງການຮ່ວມກ່ຽວກັບການພົວພັນສາກົນ ກ້າວເຂົ້າສູ່ສັງກະລາດໃໝ່. ຖະແຫຼງການກ່ຽວກັບການພົວພັນສາກົນ ກ້າວເຂົ້າສູ່ສັງກະລາດໃໝ່, ກ່ຽວກັບການພັດທະນາແບບຍືນຍົງທົ່ວໂລກ ໄດ້ກະກຽມໄວ້ກ່ອນການພົບປະເຈລະຈາ ແລະ ຈະສ່ອງແສງໃຫ້ເຫັນທັດສະນະລວມຂອງລັດເຊຍ ແລະ ຈີນ ກ່ຽວກັບບັນດາບັນຫາສາກົນທີ່ສຳຄັນທີ່ສຸດ, ລວມທັງບັນຫາຄວາມໝັ້ນຄົງ.
ທ່ານຍັງໃຫ້ຮູ້ວ່າ, ພາຍຫຼັງການພົບປະເຈລະຈາ, ຈະມີແຜນການຮັບປະທານອາຫານແລງນຳກັນ. ຮູບການດັ່ງກ່າວຈະຊ່ວຍໃຫ້ການນຳສອງທ່ານສາມາດປຶກສາຫາລືບັນດາບັນຫາສາກົນ ແລະ ບັນຫາຂອງສອງຝ່າຍທີ່ສຳຄັນທີ່ສຸດຢ່າງກົງໄປກົງມາ ແລະ ມີຄວາມໄວ້ເນື້ອເຊື່ອໃຈ. ຕາມແຜນການ, ປະທານາທິບໍດີລັດເຊຍ Vladimir Putin ຈະເຂົ້າຮ່ວມພິທີໄຂງານມະຫາກຳກິລາໂລກ Olympic ລະດູໜາວຄັ້ງທີ 24 ຢູ່ປັກກິງ.
(ແຫຼ່ງຄັດຈາກ VOV)
