ຂ່າວສານ
ທ່ານເລຂາທິການໃຫຍ່, ປະທານປະເທດ ໂຕເລິມ ເຂົ້າຮ່ວມເວທີປາໄສວິທະຍາສາດເຕັກໂນໂລຊີ ຫວຽດນາມ - ສະຫະພັນ ລັດເຊຍ
ໃນຂອບເຂດການຢ້ຽມຢາມທາງລັດຖະກິດ ສະຫະພັນລັດເຊຍ, ຕອນເຊົ້າວັນທີ (ຕາມເວລາທ້ອງຖິ່ນ), ທີ່ນະຄອນຫຼວງ ມົດສະກູ, ທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເຂົ້າຮ່ວມເວທີປາໄສວິທະຍາສາດ ແລະ ເຕັກໂນໂລຊີ ຫວຽດນາມ-ລັດເຊຍ ດ້ວຍຫົວຂໍ້ “ການເຊື່ອມຕໍ່ເຕັກໂນໂລຊີຍຸດທະສາດ”.
ໃນບົດກ່າວເປີດເວທີປາໄສ, ທ່ານ Dmitry Chernyshenko, ຮອງນາຍົກລັດຖະມົນຕີ ລັດເຊຍ ຢືນຢັນວ່າ ປີ 2026 2 ຝ່າຍໄດ້ເປັນເອກະພາບແມ່ນປີແລກປ່ຽນດ້ານ ການສຶກສາ, ວິທະຍາສາດ ແລະ ເຕັກໂນໂລຊີລະຫວ່າງ ຫວຽດນາມ ແລະ ສະຫະພັນ ລັດເຊຍ ຕາມຖະແຫຼງການຮ່ວມຂອງ 2 ປະເທດ ແລະ ມີນັບສິບເຫດການທີ່ໄດ້ຈັດຂຶ້ນແລ້ວ. ທ່ານໃຫ້ຮູ້ວ່າ 2 ຝ່າຍຍັງມີຄວາມສາມາດບົ່ມຊ້ອນຮ່ວມມືຫຼາຍຢ່າງໃນຂົງເຂດເຕັກໂນໂລຊີສູງ.
ກ່າວຄຳເຫັນທີ່ເວທີປາໄສ, ທ່ານເລຂາທິການໃຫຍ່, ປະທານປະເທດ ໂຕເລິມ ສະເໜີໃຫ້ 2 ປະເທດສຸມໃສ່ 5 ການກຳນົດທິດໃຫຍ່. ໃນນັ້ນ, ກຳນົດທິດເລື່ອງນຳການຮ່ວມມືດ້ານເຕັກໂນໂລຊີຍຸດທະສາດໃຫ້ກາຍເປັນເປັນເສົາຄ້ຳໃໝ່ຂອງການພົວພັນຄູ່ຮ່ວມມືຍຸດທະສາດຢ່າງຮອບດ້ານ ຫວຽດນາມ - ສະຫະພັນ ລັດເຊຍ.
“ສ້າງໂຄງການຈຳນວນໜຶ່ງ ແລະ ໂຄງການວິທະຍາສາດ - ເຕັກໂນໂລຊີ ທີ່ມີຂອບຂະໜາດໃຫຍ່ມີລັກສະນະເປັນສັນຍະລັກ ໃຫ້ແກ່ການຮ່ວມມືລະຫວ່າງ ຫວຽດນາມ ແລະ ສະຫະພັນ ລັດເຊຍ ໃນໄລຍະໃໝ່, ຄື: ສູນວິທະຍາສາດ ແລະ ເຕັກໂນໂລຊີນິວເຄຼຍ, ເຊິ່ງເປັນແບບຢ່າງພົ້ນເດັນ. ໃນໄລຍະໃໝ່ຕ້ອງມີບັນດາກິດຈະກຳ, ໂຄງການໃໝ່ ເພື່ອໃຫ້ຄົນລຸ້ນອະນາຄົດສາມາດເຫັນໄດ້ຜົນສຳເລັດລະອຽດ ຂອງການຮ່ວມມືລະຫວ່າງ 2 ປະເທດ.”
