• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ນາຍົກລັດຖະມົນຕີ ຫງວຽນຊວນຟຸກ: ຈົ່ງມາລົງທຶນ ແລະ ສ້າງຜະລິດຕະພັນ 4.0 ຢູ່ ຫວຽດນາມ

      ຮຸ່ງເຊົ້າວັນທີ 24 ມັງກອນ, ຕາມເວລາ ຫວຽດນາມ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ມີການພົບປະເຈລະຈາກັບການນຳບັນດາກຸ່ມບໍລິສັດທົ່ວໂລກກ່ຽວກັບເສດຖະກິດ ຫວຽດນາມ ດ້ວຍຫົວຂໍ້ວ່າ ຊຸກຍູ້ຄວາມຂະຫຍັນຂັນເຄື່ອນ ແລະ ຫົວ ປະດິດຄິດສ້າງໃນຍຸກການປະຕິວັດ 4.0”
ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຮຽກຮ້ອງໃຫ້ບັນດານັກລົງທຶນວ່າ “ຈົ່ງມາລົງທຶນ ແລະ ສ້າງຜະລິດຕະພັນ 4.0 ຢູ່ ຫວຽດນາມ”.

ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການພົບປະເຈລະຈາກັບການນຳບັນດາກຸ່ມບໍລິສັດທົ່ວໂລກກ່ຽວກັບເສດຖະກິດ
ຫວຽດນາມ (ພາບ: TTXVN)
      ເປີດສາກການພົບປະເຈລະຈາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຍົກອອກບັນຫາ ເຊິ່ງບັນດານັກລົງທຶນທີ່ມີຄວາມສົນໃຈ ນັ້ນແມ່ນ ສິ່ງໃດຊ່ວຍໃຫ້ ຫວຽດນາມ ພັດທະນາຢ່າງແຮງໃນໄລຍະຜ່ານມາ ແລະ ທ່ານໃຫ້ຮູ້ວ່າ: ນັ້ນແມ່ນຍ້ອນ ຫວຽດນາມ ມີການເມືອງສັງຄົມເປັນປົກກະຕິ, ມີຈິດໃຈປ່ຽນແປງໃໝ່ຢ່າງຂ້ຽວຂາດໃນ 30 ປີຜ່ານມາ. ຍ້ອນເຫດນັ້ນ, GDP ຈຶ່ງເພີ່ມຂຶ້ນສູງຢ່າງລຽນຕິດ, ສະເລ່ຍເກືອບ 6,7%/ປີ. ປີ 2018, ການເຕີບໂຕເສດຖະກິດບັນລຸ 7,08%. GDP ສະເລ່ຍໃສ່ຫົວຄົນບັນລຸ 2.600 USD.  ຫວຽດນາມ ມີລະບອບລະບຽບການ, ນະໂຍບາຍສ້າງເງື່ອນໄຂໃຫ້ແກ່ການພັດທະນາ, ແກ້ໄຂຄວາມຫຍຸ້ງຍາກໃນການຜະລິດ, ດຳເນີນທຸລະກິດ. ສະພາບແວດລ້ອມແຫ່ງການດຳເນີນທຸລະກິດໄດ້ຮັບການປັບປຸງຢ່າງແຮງ. ກຳລັງແຮງການແກ່ງແຍ້ງຂອງເສດຖະກິດ ຫວຽດນາມ ໄດ້ສະແດງໃຫ້ເຫັນຜ່ານຍອດວົງເງິນການຄ້າປີ 2018 ບັນລຸເກືອບ 480 ຕື້ USD, ມູນຄ່າການສົ່ງອອກເກີນດຸນ 7,4  ຕື້ USD.
        ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຍົກອອກທັດສະນະ, ການປະຕິວັດອຸດສາຫະກຳຄັ້ງທີ 4 ບໍ່ພຽງແຕ່ແມ່ນກ່ຽວກັບເຕັກໂນໂລຊີເທົ່ານັ້ນ ຫາກຍັງແມ່ນການປະຕິວັດກ່ຽວກັບດ້ານນະໂຍບາຍອີກດ້ວຍ. ຫວຽດນາມ ໄດ້ເລີ່ມເຄື່ອນໄຫວລາຍການ "Make in Viet Nam 4.0". ນີ້ແມ່ນຂໍ້ລິເລີ່ມຊຸກຍູ້ບັນດາຂະແໜງອຸດສາຫະກຳ ໂດຍອີງໃສ່ນະໂຍບາຍໃໝ່, ຈິນຕະນາການຄຸ້ມຄອງແບບໃໝ່ ແລະ ບັນດາເຕັກໂນໂລຊີໃໝ່. ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໃຫ້ຮູ້ວ່າ: ວັນທີ 24 ມັງກອນ, ຫວຽດນາມ ແລະ WEF ຈະລົງນາມໃນຂໍ້ຕົກລົງການຮ່ວມມືກໍ່ສ້າງສູນການປະຕິວັດອຸດສາຫະກຳ 4.0 ຢູ່ ຫວຽດນາມ ແລະ ຈະໄດ້ເຊື່ອມຕໍ່ກັບບັນດາສູນການປະຕິວັດອຸດສາຫະກຳ 4.0 ຂອງ WEF ຢູ່ ອາເມລິກາ, ອີຢູ. ປະຕິບັດການຮ່ວມມືນີ້, ຫວຽດນາມ ຈະແມ່ນໃຈກາງກ່ຽວກັບນະໂຍບາຍ 4.0 ຂອງພາກພື້ນ. ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າ ບັນດານັກລົງທຶນຈະມາ ຫວຽດນາມ ແລະ ຍາມໃດ ຫວຽດນາມ ກໍ່ຈະເປີດປະຕູຕ້ອນຮັບ.
 (ແຫຼ່ງຄັດຈາກ VOV)
 

ສານກ່ຽວກັບປະເທດ ຫຽດນາມ ພັດທະນາຢ່າງຂະຫຍັນຂັນເຄື່ອນ, ເຊື່ອມໂຍງເຂົ້າກັບສາກົນຢ່າງເລິກເຊິ່ງ, ກວ້າງຂວາງ

ສານກ່ຽວກັບປະເທດ ຫຽດນາມ ພັດທະນາຢ່າງຂະຫຍັນຂັນເຄື່ອນ, ເຊື່ອມໂຍງເຂົ້າກັບສາກົນຢ່າງເລິກເຊິ່ງ, ກວ້າງຂວາງ

ຫວຽດນາມ ໄດ້ປັບປຸງ ແລະ ເພີ່ມທະວີການພົວພັນຮ່ວມມືຫຼາຍດ້ານກັບບັນດາປະເທດ, ເປີດກຳລັງໜູນ ແລະ ກາລະໂອກາດໃໝ່ ເພື່ອຍາດແຍ່ງການໜູນຊ່ວຍ ແລະ ແຫຼ່ງກຳລັງໃຫ້ແກ່ການພັດທະນາເສດຖະກິດ - ສັງຄົມຂອງ ຫວຽດນາມ.

Top