ຂ່າວສານ

ນາຍົກລັດຖະມົນຕີຫວຽດນາມ ຟ້າມມິງຈີ້ງ ລົງກວດກາບາງກິດຈະກຳຈຸດສຸມຢູ່ແຂວງກວ໋າງນາມ

28/03/2022

ຕອນເຊົ້າວັນທີ 27 ມີນາ ໃນຂອບເຂດການເຄື່ອນໄຫວຢ້ຽມຢາມເຮັດວຽກຢູ່ແຂວງກວ໋າງນາມ ທ່ານນາຍົກລັດຖະມົນຕີຫວຽດນາມຟ້າມມິງຈິ໊ງ ແລະ ຄະນະປະຕິບັດງານຂອງລັດຖະບານ ໄດ້ລົງສຳຫຼວດຕົວຈິງກ່ຽວກັບສະພາບການຜະລິດດຳເນີນທຸລະກິດຢູ່ເຂດຜະລິດປະສົມແລະປະກອບລົດໂອໂຕ ຂອງບໍລິສັດຮຸ້ນສ່ວນລົດໂອໂຕຈູລາຍ - ເຈື່ອງຫ໋າຍທາໂກ

ພາບປະກອບ

ຢູ່ທີ່ນີ້ທ່ານນາຍົກລັດຖະມົນຕີໄດ້ຮັບຮູ້ຄວາມມານະພະຍາຍາມຂອງ ທາໂກ ໃນການປະກອບສ່ວນງົບປະມານຢ່າງຫຼວງຫຼາຍ, ລົງທຶນພັດທະນາພື້ນຖານໂຄງລ່າງ, ພິເສດແມ່ນໂຄງລ່າງທາງດ້ານອຸດສາຫະກຳ ສາມາດສ້າງວຽກເຮັດງານທຳໃຫ້ແກ່ແຮງງານຫຼາຍກວ່າ 60.000 ຄົນແລະໄດ້ສະຫງວນເງິນຫຼາຍກວ່າ 2.200 ຕື້ດົ່ງໃຫ້ແກ່ວຽກງານຊ່ວຍໜູນສັງຄົມ.

ທ່ານນາຍົກລັດຖະມົນຕີຟ້າມມິງຈິ໊ງ ເນັ້ນໜັກວ່າ ແຜນນະໂຍບາຍໃຫຍ່ຢ່າງສະເໝີຕົ້ນສະເໝີປາຍຂອງພັກຄອມມູນິດຫວຽດນາມແມ່ນພັດທະນາຂົງເຂດເສດຖະກິດພາກເອກະຊົນໃຫ້ແຂງແຮງ, ໃຫ້ກາຍເປັນກຳລັງໜູນທີ່ສຳຄັນໃນການພັດທະນາເສດຖະກິດຢ່າງແທ້ຈິງ. ທ່ານນາຍົກລັດຖະມົນຕີສະເໜີບໍລິສັດສືບຕໍ່ເສີມຂະຫຍາຍໝາກຜົນທີ່ບັນລຸໄດ້. ພາລະກຳໃນໄລຍະທີ່ຈະມາເຖິງຕ້ອງມີ ທາໂກ ລຸ້ນໃໝ່ໃນສະໄໝປະຕິວັດອຸດສາຫະກຳ 4.0.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.