ຂ່າວສານ
ນະຄອນໂຮ່ຈີມິນ: ຫັນຂໍ້ມູນເປັນດີຈີຕອນ, ບຳລຸງສ້າງຊັບພະຍາກອນມະນຸດພັດທະນາພູມປັນຍາທຽມ
![](https://imagevietnam.vnanet.vn/Upload/2019/9/27/27092019065039427ttxvn_nguyen_thien_nhan_1_nmsk.jpg)
ທ່ານ ຫງວຽນຖ້ຽນເຍິນ ເລຂາຄະນະພັກນະຄອນໂຮ່ຈີມິນກ່າວຄຳເຫັນທີ່ ກອງປະຊຸມສຳມະນາສາກົນ“ບົດຮຽນ, ປະສົບການ ສາກົນ ແລະ ພາຍໃນປະເທດກ່ຽວກັບການຄົ້ນຄ້ວາ, ນຳໃຊ້ພູມປັນຍາທຽມ (AI) - ສະເໜີແນະໃຫ້ແກ່ນະຄອນໂຮ່ຈີມິນ” (ພາບ: TTXVN)
ທ່ານ ຫງວຽນຖ້ຽນເຍິນ ເລຂາຄະນະພັກນະຄອນໂຮ່ຈີມິນ ໄດ້ສະເໜີໃຫ້ຄະນະກຳມະການປະຊາຊົນນະຄອນ ສ້າງລະບົບ ແຜນການ ແລະ ຍຸດທະສາດແຫ່ງຊາດກ່ຽວກັບ AI ຂອງປະມານ 10 ປະເທດໃນໂລກຄືນໃໝ່, ດຳເນີນການປຽບທຽບບັນດາເປົ້າໝາຍ, ວິທີການແກ້ໄຂເພື່ອພິຈາລະນາຄວາມເປັນເອກະພາບກໍ່ຄືບັນດາບຸລິມະສິດສະເພາະຂອງແຕ່ລະປະເທດ, ຜ່ານນັ້ນກໍ່ສ້າງໂຄງການຄົ້ນຄ້ວາ, ນຳໃຊ້ ແລະ ພັດທະນາ ພູມປັນຍາທຽມຢູ່ນະຄອນໂຮ່ຈີມິນໄລຍະ 2020 – 2030.
ບົນພື້ນຖານດັ່ງກ່າວ, ນະຄອນຕ້ອງກໍ່ສ້າງຮູບແບບລະບົບກ່ຽວກັບ AI, ຮັບປະກັນວ່າ ຮູບແບບຕ້ອງມີການພັດທະນາດ້ວຍຕົນເອງ, ບຳລຸງສ້າງຊັບພະຍາກອນມະນຸດກັບທີ່. ສະໜອງວິທີການຫັນເປັນການຄ້າຢູ່ນະຄອນໂຮ່ຈີມິນ, ຮັບໃຊ້ປະຊາຊົນ ແລະ ອຳນາດການປົກຄອງ.
ທີ່ກອງປະຊຸມສຳມະນາ, ບັນດານັກຊ່ຽວຊານໄດ້ສຸມໃສ່ປຶກສາຫາລືບັນດາບັນຫາກ່ຽວກັບຮູບແບບ ແລະ ລະດັບການນຳໃຊ້ AI ຢູ່ ນະຄອນໂຮ່ຈີມິນ, ການຮ່ວມສຳພັນ, ການກະທົບແບບສີ່ລ່ຽມຂອງການປະຕິວັດ 4.0ລະຫວ່າງ: ລັດ - ນັກວິສາຫະກິດ - ນັກວິທະຍາສາດ - ນັກລົງທຶນດ້ານການເງິນ, ລະບົບນິເວດວິທະຍາໃນການນຳໃຊ້ AI, ການຄົ້ນຄ້ວາ, ການນຳໃຊ້ AI ທີ່ຕິດພັນກັບ 3 ປາຍແຫຼມແມ່ນ ວຽກງານຄົ້ນຄ້ວາ ແລະ ບຳລຸງສ້າງ - ການກຳແໜ້ນເຕັກໂນໂລຢີ - ການປ່ຽນແປງໃໝ່ປະດິດສ້າງ, ຄວາມດຶງດູດໃຈສຳລັບບັນດາວິສາຫະກິດ, ອົງການຈັດຕັ້ງດ້ານການເງິນ, ຄວາມກຽມພ້ອມຂອງ ນະຄອນ ໂຮ່ຈີມິນ.
(ແຫຼ່ງຄັດຈາກ VOV)