ຂ່າວສານ

ທ່ານ ສີຈີນຜິງ ໄດ້ຮັບການເລືອກຕັ້ງເປັນ ປະທານປະເທດ ຈີນ ຄືນໃໝ່ໃນ ອາຍຸການທີ 3

11/03/2023

ດ້ວຍຈຳນວນບັດສະໜັບສະໜູນ 100%, ທ່ານ ສີຈີນຜິງ, ເກີດປີ 1953, ໄດ້ຮັບການເລືອກຕັ້ງສືບຕໍ່ດຳລົງຕຳແໜ່ງເປັນປະທານປະເທດ ອາຍຸການທີ 3 ຮອດປີ 2028.

ທ່ານປະທານປະເທດ ຈີນ ສີຈີນຜິງ ທີ່ກອງປະຊຸມຄົບຄະນະເທື່ອທີ 3

ຕອນເຊົ້າວັນທີ 10 ມີນາ, ກອງປະຊຸມຄັ້ງປະຖົມມະລຶກ ສະພາຜູ້ແທນປະຊາຊົນແຫ່ງຊາດ ຈີນ ຊຸດທີ XIV ໄດ້ຈັດກອງປະຊຸມຄົບຄະນະເທື່ອທີ 3 ໂດຍມີການເຂົ້າຮ່ວມຂອງການນຳພັກ ແລະ ລັດ ຈີນ ພ້ອມດ້ວຍຜູ້ແທນເກືອບ 3000 ທ່ານ.

ນະທີ່ນີ້, ດ້ວຍຈຳນວນບັດສະໜັບສະໜູນ 100%, ທ່ານ ສີຈີນຜິງ, ເກີດປີ 1953, ໄດ້ຮັບການເລືອກຕັ້ງສືບຕໍ່ດຳລົງຕຳແໜ່ງເປັນປະທານປະເທດ ອາຍຸການທີ 3 ຮອດປີ 2028 ແລະ ປະທານຄະນະພັກກອງທັບສູນກາງ ຈີນ. ທ່ານ ຈາວເລືອຈີ ໄດ້ຮັບການເລືອກຕັ້ງໃຫ້ດຳລົງຕຳແໜ່ງເປັນປະທານສະພາຜູ້ແທນປະຊາຊົນແຫ່ງຊາດ ຈີນ ຊຸດໃໝ່ ແທນໃຫ້ທ່ານ ລີຈາວຊູ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.