• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານປະທານປະເທດ ຫງວຽນຊວັນຟຸກ ສິ້ນສຸດການຢ້ຽມຢາມສະຫະພັນລັດເຊຍ ຢ່າງເປັນທາງການ

ທ່ານປະທານປະເທດ ຫງວຽນຊວັນຟຸກ ໄດ້ມີການພົບປະເຈລະຈາທີ່ມີລັກສະນະປະຫວັດສາດກັບທ່ານປະທານາທິບໍດີລັດເຊຍ V.Putin ແກ່ຍາວເປັນເວລາເກືອບ 4 ຊົ່ວໂມງ, ປຶກສາຫາລື 20 ບັນຫາສຳຄັນໃນການຮ່ວມມືລະຫວ່າງ 2 ປະເທດ.
ທ່ານປະທານປະເທດ ຫງວຽນຊວັນຟຸກ ແລະ ພັນລະຍາ ໄດ້ນຳໜ້າຄະນະຜູ້ແທນ ຫວຽດນາມ ເດີນທາງອອກຈາກສະຫະພັນ ລັດເຊຍ ກັບມາປະເທດ. (ພາບ: TTXVN)

ຕອນຄ່ຳວັນທີ 02 ທັນວາ (ຕາມເວລາທ້ອງຖິ່ນ), ທ່ານປະທານປະເທດ ຫວຽດນາມ ຫງວຽນຊວັນຟຸກ ແລະ ພັນລະຍາ ໄດ້ນຳໜ້າຄະນະຜູ້ແທນ ຫວຽດນາມ ເດີນທາງອອກຈາກສະຫະພັນ ລັດເຊຍ ກັບມາປະເທດ, ສິ້ນສຸດການຢ້ຽມຢາມສະຫະພັນ ລັດເຊຍ ຢ່າງເປັນທາງການ ຕາມຄຳເຊື້ອເຊີນຂອງທ່ານປະທານາທິບໍດີລັດເຊຍ Vladimir Putin. ການຢ້ຽມຢາມຂອງທ່ານປະທານປະເທດ ຫງວຽນຊວັນຟຸກ ບັນລຸໄດ້ໝາກຜົນຢ່າງດີງາມທີ່ສຸດໃນທຸກຂົງເຂດຮ່ວມມືລະຫວ່າງ 2 ປະເທດ, ຊຸກຍູ້ ແລະ ເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ - ສະຫະພັນລັດເຊຍ.

        ໃນນັ້ນ, ທ່ານປະທານປະເທດ ຫງວຽນຊວັນຟຸກ ໄດ້ມີການພົບປະເຈລະຈາທີ່ມີລັກສະນະປະຫວັດສາດກັບທ່ານປະທານາທິບໍດີລັດເຊຍ V.Putin ແກ່ຍາວເປັນເວລາເກືອບ 4 ຊົ່ວໂມງ, ປຶກສາຫາລື 20 ບັນຫາສຳຄັນໃນການຮ່ວມມືລະຫວ່າງ 2 ປະເທດ, ໃນນັ້ນການນຳ 2 ທ່ານໄດ້ຍົກອອກບາງຂໍ້ຄົງຄ້າງໃນການຮ່ວມມືລະຫວ່າງວິສາຫະກິດ 2 ປະເທດຢ່າງກົງໄປກົງມາ ເພື່ອພ້ອມກັoເປັນເອກະພາບຊຸກຍູ້ການຮ່ວມມືລະຫວ່າງ 2 ປະເທດໃນໄລຍະຈະມາເຖິງກວ່າອີກ.

        ການນຳ 2 ທ່ານກໍ່ເຫັນດີອອກຖະແຫຼງການຮ່ວມກ່ຽວກັບວິໄສທັດການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ລັດເຊຍ ຮອດປີ 2030, ເພື່ອແນໃສ່ກຳນົດທິດໃຫ້ແກ່ການຮ່ວມມືທີ່ໄວ້ເນື້ອເຊື່ອໃຈຂອງ 2 ປະເທດໃນທຸກຂົງເຂດ ໃຫ້ນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ.

        ກ່ອນໜ້ານັ້ນ, ໃນວັນດຽວກັນ, ທ່ານປະທານປະເທດ ຫງວຽນຊວັນຟຸກ ໄດ້ໃຫ້ການຕ້ອນຮັບການນຳວິສາຫະກິດແຖວໜ້າຂອງ ລັດເຊຍ ທີ່ມີການຮ່ວມມືກັບ ຫວຽດນາມ. ທ່ານປະທານປະເທດປາດຖະໜາວ່າ ບັນດາວິສາຫະກິດ ລັດເຊຍ ຈະມາລົງທຶນ, ເປີດກວ້າງການຮ່ວມມືກັບ ຫວຽດນາມ ເພື່ອແນໃສ່ຂຸດຄົ້ນທ່າແຮງ ແລະ ຄວາມສາມາດບົ່ມຊ້ອນ ກໍຄືຕອບສະໜອງຄວາມຕ້ອງການຂອງທັງ 2 ປະເທດ, ປະກອບສ່ວນປັບປຸງການພົວພັນຄູ່ຮ່ວມມືຍຸດທະສາດ ຫວຽດນາມ - ລັດເຊຍ, ເພື່ອຜົນປະໂຫຍດຂອງປະຊາຊົນ ແລະ ວິສາຫະກິດ.

        ດ້ວຍນ້ຳໃຈມິດຕະພາບ, ສະໜິດຕິດພັນລະຫວ່າງປະຊາຊົນ 2 ປະເທດ, ໃນການຢ້ຽມຢາມ, ທ່ານປະທານປະເທດ ຫວຽນຊວັນຟຸກ ກໍ່ສະຫຼະເວລາພົບປະ, ຢື້ຢາມຖາມຂ່າວ, ລະດົມກຳລັງໃຈບັນດາສະມາຄົມ, ອົງການຈັດຕັ້ງມະຫາຊົນຂອງ ລັດເຊຍ; ຢ້ຽມຢາມ ແລະ ພົບປະກັບພະນັກງານ, ພາລະກອນສະຖານທູດ, ປະຊາຄົມຊາວ ຫວຽດນາມ ທີ່ອາໄສຢູ່ ລັດເຊຍ.

(ແຫຼ່ງຄັດຈາກ VOV)

ການນຳລັດ, ລັດຖະບານ ຫວຽດນາມ ຕ້ອນຮັບການນຳບັນດາປະເທດ ມາຫວຽດນາມ ເຂົ້າຮ່ວມພິທີວາງພວງມາລາໄວ້ອາໄລທ່ານເລຂາທິການໃຫຍ່ ຫງວຽນຝູຈ້ອງ

ການນຳລັດ, ລັດຖະບານ ຫວຽດນາມ ຕ້ອນຮັບການນຳບັນດາປະເທດ ມາຫວຽດນາມ ເຂົ້າຮ່ວມພິທີວາງພວງມາລາໄວ້ອາໄລທ່ານເລຂາທິການໃຫຍ່ ຫງວຽນຝູຈ້ອງ

ເມື່ອພົບປະກັບທ່ານປະທານປະເທດ ໂຕເລີມ ແລະ ທ່ານນາຍົກລັດຖະມົນຕີ ຟ້າມມິງຈິງ, ທ່ານນາຍົກລັດຖະມົນຕີ ສ. ເກົາຫລີ Han Deok-Su ລ້ວນແຕ່ຕີລາຄາວ່າ ຫວຽດນາມ ແມ່ນສະຖານທີ່ລົງທຶນທີ່ເຕັມໄປດ້ວຍຄວາມສາມາດບົ່ມຊ້ອນ; ຕີລາຄາສູງບົດບາດ ແລະ ທີ່ຕັ້ງຂອງ ຫວຽດນາມ ຢູ່ ພາກພື້ນ ແລະໃນໂລກ.

Top