• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາງປະທານສະພາແຫ່ງຊາດ ຫງວຽນທິກິມເງິນ ຕ້ອນຮັບ ທ່ານເລຂາຄະນະກໍາມະການກວດກາວິໄນ ສູນກາງພັກກອມມູນິດຈີນ ຈາວເລືອຈີ

ຕອນບ່າຍວັນທີ 26 ກັນຍາ, ຢູ່ສໍານັກງານສະພາແຫ່ງຊາດຫວຽດນາມ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ມີການຕ້ອນຮັບທ່ານເລຂາຄະນະກໍາມະການກວດກາວິໄນ ສູນກາງພັກກອມມູນິດຈີນ ຈາວເລືອຈີ. 

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຕ້ອນຮັບທ່ານເລຂາຄະນະກໍາມະການກວດກາວິໄນ ສູນກາງພັກກອມມູນິດຈີນ ຈາວເລືອຈີ (ພາບ:Trong Duc/TTXVN)

ນະທີ່ນີ້, ທ່ານນາງປະທານສະພາແຫ່່ງຊາດ ຫງວຽນທິກິມເງິນ ໄດ້ສະແດງຄວາມຂອບອົກຂອບໃຈມາຍັງການນໍາພັກ ແລະ ລັດ ຈີນ ທີ່ໄດ້ສົ່ງສານແບ່ງເບົາຄວາມເສົ້າສະຫຼົດໃຈ ແລະ ແຕ່ງຕັ້ງຄະນະຜູ້ແທນພັກກອມມູນິດ ຈີນ ມາໄວ້ອາໄລທ່ານປະທານປະເທດຫວຽດນາມ ເຈິ່ນດ້າຍກວາງ. ທ່ານນາງປະທານສະພາແຫ່່ງຊາດ ຫງວຽນທິກິມເງິນ ຢັ້ງຢືນວ່າ ພັກ, ລັດ ຫວຽດນາມ ຍາມໃດກໍຖືເປັນສໍາຄັນ ແລະ ມີຄວາມປາດຖະໜາຢາກປັບປຸງການພົວພັນຄູ່ຮ່ວມມືຍຸດທະສາດຮອບດ້ານກັບ ຈີນ; ພ້ອມທັງເນັ້ນໜັກວ່າ, ສອງປະເທດມີການພົວພັນມິດຕະພາບທີ່ເປັນມູນເຊື້ອ ແລະ ພ້ອມກັນມຸ່ງໄປເຖິງການປ່ຽນແປງໃໝ່, ເຊື່ອມໂຍງ, ປະຕິຮູບການເປີດປະຕູ ແລະ ແບ່ງປັນຜົນປະໂຫຍດລວມ.

        ທ່ານນາງປະທານສະພາແຫ່ງຊາດ ຫງວຽນທິກິມເງິນ ສະເໜີໃຫ້ສອງຝ່າຍປະຕິບັດບັນດາຄວາມຮັບຮູ້ລວມຂອງການນໍາສອງພັກ, ສອງລັດ ແລະ ບັນດາຂໍ້ຕົກລົງທີ່ບັນລຸໄດ້ ໃຫ້ຄົບຖ້ວນ ແລະ ເຂັ້ມງວດ, ແກ້ໄຂຄວາມບໍ່ລົງລອຍກັນຢູ່ເຂດທະເລໃຫ້ສົມເຫດສົມຜົນ, ເພີ່ມທະວີການພົວພັນມິດຕະພາບລະຫວ່າງປະຊາຊົນສອງປະເທດ; ມານະພະຍາຍາມປັບປຸງ ແລະ ເພີ່ມທະວີການພົວພັນລະຫວ່າງຫວຽດນາມ - ຈີນ ພັດທະນາຢ່າງຕັ້ງໜ້າ, ປອດໄສ ແລະ ໝັ້ນຄົງຍາວນານ ຢ່າງບໍ່ຢຸດຢັ້ງ.

        ທີ່ການຕ້ອນຮັບ, ທ່ານເລຂາຄະນະກໍາມະການກວດກາວິໄນ ສູນກາງພັກກອມມູນິດຈີນ ຈາວເລືອຈີ ຢັ້ງຢືນວ່າ ພັກ, ລັດ ແລະ ປະຊາຊົນຈີນ ຖືການພົວພັນກັບຫວຽດນາມເປັນສໍາຄັນທີ່ສຸດ; ພ້ອມທັງປາດຖະໜາວ່າ ສອງຝ່າຍຈະເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ,ແລກປ່ຽນຍຸດທະສາດ;ປາດຖະໜາຢາກໃຫ້ສະພາແຫ່ງຊາດສອງປະເທດ ສືບຕໍ່ຍູ້ແຮງການພົວພັນແລກປ່ຽນ ແລະ ຮ່ວມມືກັນຢ່າງແທດຈິງ ນໍາການພົວພັນລະຫວ່າງສອງພັກ, ສອງລັດ ພັດທະນາຂຶ້ນສູ່ລະດັບສູງໃໝ່.

(​ແຫຼ່ງຄັດ​ຈາກ VOV)


ຫວຽດນາມ ຍາມໃດກໍ່ຖືຄວາມສະເໝີພາບລະຫວ່າງຍິງ-ຊາຍໃນນະໂຍບາຍແຫ່ງຊາດເປັນບັນຫາສຳຄັນ

ຫວຽດນາມ ຍາມໃດກໍ່ຖືຄວາມສະເໝີພາບລະຫວ່າງຍິງ-ຊາຍໃນນະໂຍບາຍແຫ່ງຊາດເປັນບັນຫາສຳຄັນ

ບັນດາປະເທດຄວນປະສານກັບບັນຫາທາງເພດ ແລະ ມອບສິດໃຫ້ແກ່ແມ່ຍິງໃນການສ້າງບັນດານະໂຍບາຍ ແລະ ແຜນການລະດັບຊາດເພື່ອຮັບປະກັນໃຫ້ແມ່ຍິງ ແລະ ເດັກຍິງ ໄດ້ເຂົ້າຮ່ວມ ແລະ ຊົມໃຊ້ຄວາມຍຸຕິທຳ.

Top