• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຍີ່ປຸ່ນ ຢືນຢັນຄືນໃໝ່ການສະໜັບສະໜູນຄວາມເປັນລະບຽບໂດຍອີງໃສ່ກົດໝາຍສາກົນຢູ່ທະເລຕາເວັນອອກ

ຍີ່ປຸ່ນ ຖືວ່າ, ທຸກການກະທຳນຳໃຊ້ອາວຸດ ຫຼື ບີບບັງຄັບຢູ່ເຈດທະເລດັ່ງກ່າວລ້ວນແຕ່ບໍ່ສາມາດຮັບຮູ້ໄດ້.
  (ພາບປະກອບ: baotintuc.vn)  

 ຍີ່ປຸ່ນ ສະໜັບສະໜູນຢ່າງແຮງຕໍ່ເລື່ອງເຄົາລົບຄຳຕັດສິນຂອງສານທີ່ໄດ້ຍົກອອກມາເມື່ອປີ 2016 ຂອງສານອະນຸຍາໂຕຕຸລາການ (PCA) ຢູ່ ລາໄຫ, ປະເທດ ໂຮນລັງ ກ່ຽວກັບບັນຫາທະເລຕາເວັນອອກ. ທ່ານເອກອັກຄະລັດຖະທູດ ຍີ່ປຸ່ນ ປະຈຳ ຟີລິບປິນ Kashikawa Kazuhiko ແບ່ງປັນໃນ Twitter ວ່າ, ເປົ້າໝາຍຮັບປະກັນຄວາມເປັນລະບຽບ ແລະ ສິດເສລີໃນການເດີນເຮືອຢູ່ທະເລຕາເວັນອອກ ແມ່ນຄວາມສົນໃຈລວມຢ່າງຊອບທຳຂອງປະຊາຄົມສາກົນ, ໃນນັ້ນມີ ຍີ່ປຸ່ນ. ນີ້ແມ່ນເຂດ ເສັ້ນທາງທະເລສຳຄັນ, ຕ້ອງໄດ້ຮັກສາສະພາບເສລີ ແລະ ເປີດກວ້າງ. ຍີ່ປຸ່ນ ຖືວ່າ, ທຸກການກະທຳນຳໃຊ້ອາວຸດ ຫຼື ບີບບັງຄັບຢູ່ເຈດທະເລດັ່ງກ່າວລ້ວນແຕ່ບໍ່ສາມາດຮັບຮູ້ໄດ້. ຍິ່ງກວ່າເວລາໃດໝົດ, ປະຈຸບັນ ການເຄົາລົບຄວາມເປັນລະບຽບສາກົນ ໂດຍອີງໃສ່ບັນດາຂໍ້ກຳນົດຂອງກົດໝາຍແມ່ນສິ່ງສຳຄັນຕໍ່ທຸກໆປະເທດ, ບໍ່ວ່າຈະແມ່ນປະເທດໃຫຍ່ ຫຼື ນ້ອຍ.

ເດືອນ ກໍລະກົດ ປີ 2016, ສານ PCA ໄດ້ອອກຄຳຕັດສິນສຳຄັນໂດຍປະຕິເສດຄຳຮຽກສິດທີ່ໄຮ້ເຫດຜົນຂອງ ຈີນ ກ່ຽວກັບ “ບັນດາສິດປະຫວັດສາດ” ສຳລັບເຂດທະເລນອນໃນອັນທີ່ເອີ້ນວ່າ “ເສັ້ນ 9 ຕອນ” ເຊິ່ງປະເທດນີ້ຍົກອອກມາ, ເຄີຍກວມເອົາ 80% ຂອງເນື້ອທີ່ຢູ່ທະເລຕາເວັນອອກ.

(ແຫຼ່ງຄັດຈາກ VOV)

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອວັນທີ 3/2/1930 ແມ່ນບາດລ້ຽວປະຫວັດສາດອັນຍິ່ງໃຫຍ່ຂອງຊາດ ຫວຽດນາມ, ນຳການປະຕິວັດ ຫວຽດນາມ ຈາກໄຊຊະນະນີ້ໄປສູ່ໄຊຊະນະອື່ນ. ໃນວິວັດ 93 ປີແຫ່ງການສ້າງຕັ້ງ ແລະ ພັດທະນາ, ພັກ ຍາມໃດກໍ່ຖືເປັນສຳຄັນໃນວຽກງານກໍ່ສ້າງ ແລະ ປັບປຸງພັກ, ເປັນເອກະພາບໃນການສືບທອດ ແລະ ພັດທະນາແນວທາງ, ແຜນນະໂຍບາຍໃຫ້ເໝາະສົມກັບແຕ່ລະໄລຍະ, ພິເສດແມ່ນໃນບັນດາອາຍຸການມໍ່ໆມານີ້. ດ້ວຍການເພີ່ມເຕີມ, ສືບທອດ, ສ້າງແນວທາງກ່ຽວກັບວຽກງານກໍ່ສ້າງ, ປັບປຸງພັກໃຫ້ສົມບູນແບບ, ພັກກອມມູນິດ ຫວຽດນາມ ນັບມື້ນັບຕັດສິນໃຈສ້າງການຫັນປ່ຽນໃຫມ່ໃນວຽກງານນີ້.

Top