• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ການເຈລະຈາລັດເຊຍ-ຢູແກຼນ: ຢັ້ງຢືນໄດ້ບາງທັດສະນະລວມ

ທັດສະນະສຳຄັນທີ່ສຸດແມ່ນ, 2 ຝ່າຍໄດ້ເຫັນດີສືບຕໍ່ດຳເນີນການເຈລະຈາ. ການພົບປະຄັ້ງຕໍ່ໄປຈະດຳເນີນໃນຊຸມວັນຈະມາເຖິງຢູ່ເຂດຊາຍແດນ ໂປໂລຍ - ເບລາຣຸດ.
  ການເຈລະຈາລະຫວ່າງ ລັດເຊຍ - ຢູແກຼນ (ພາບ: rianovosti)  

ວັນທີ 28 ກຸມພາ, ການເຈລະຈາລະຫວ່າງ ລັດເຊຍ - ຢູແກຼນ ເພື່ອແນໃສ່ແກ້ໄຂສະພາບການຂອງ Kiev ດຳເນີນຢູ່ແຂວງ Gomel, ເບລາຣຸດ. ພາຍຫຼັງການເຈລະຈາທີ່ແກ່ຍາວເປັນເວລາເກືອບ 5 ຊົ່ວໂມງ, ຜູ້ຊ່ວຍວຽກຂອງປະທານາທິບໍດີລັດເຊຍ ທ່ານ Vladimir Medinsky ໃຫ້ຮູ້ວ່າ 2 ຝ່າຍໄດ້ພິເຈລະຈາທຸກໂຄງການດຳເນີນງານຢ່າງລະອຽດ ແລະ ຊອກຫາບາງທັດສະນະລວມ. ທັດສະນະສຳຄັນທີ່ສຸດແມ່ນ, 2 ຝ່າຍໄດ້ເຫັນດີສືບຕໍ່ດຳເນີນການເຈລະຈາ. ການພົບປະຄັ້ງຕໍ່ໄປຈະດຳເນີນໃນຊຸມວັນຈະມາເຖິງຢູ່ເຂດຊາຍແດນ ໂປໂລຍ - ເບລາຣຸດ. ສ່ວນທ່ານທີ່ປຶກສາຫົວໜ້າຫ້ອງວ່າການປະທານາທິບໍດີ ຢູແກຼນ Mikhail Podolyak, ໃຫ້ຮູ້ວ່າ ສຳລັບ ຢູແກຼນ ເປົ້າໝາຍຕົ້ນຕໍຂອງການພົບປະແມ່ນປຶກສາຫາລືຄຳສັ່ງຢຸດຍິງ ແລະ ລັດເຊຍ ຕ້ອງຖອນທະຫານອອກຈາກປະເທດນີ້. ພ້ອມກັນນັ້ນ, ບັນດາຝ່າຍໄດ້ກຳນົດຫົວຂໍ້ ເພື່ອຈາກນັ້ນວາງອອກບັນດາມາດຕະການແກ້ໄຂລະອຽດ.

ໃນວັນດຽວກັນ, ວັງ Kremlin ໃຫ້ຮູ້ວ່າ ທີ່ການໂອ້ລົມທາງໂທລະສັບກັບທ່ານປະທານາທິບໍດີລັດເຊຍ Vladimir Putin, ທ່ານປະທານາທິບໍດີ ຝລັ່ງ Emmanuel Macron ຫວັງວ່າຈະແກ້ໄຂສະພາບການປະທະກັນໃນປະຈຸບັນຢູ່ ຢູແກຼນ ໂດຍໄວ ຜ່ານການໂອ້ລົມສົນທະນາ ແລະ ເຈລະຈາກັບ Kiev. ລັດເຊຍ ໄດ້ກະກຽມໃຫ້ບັນດາການເຈລະຈາກັບຜູ້ຕາງໜ້າຂອງ ຢູແກຼນ ແລະ ຫວັງວ່າ ມັນຈະນຳມາເຊິ່ງໝາກຜົນຄືດັ່ງຄວາມຫວັງ.


(ແຫຼ່ງຄັດຈາກ VOV)

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອວັນທີ 3/2/1930 ແມ່ນບາດລ້ຽວປະຫວັດສາດອັນຍິ່ງໃຫຍ່ຂອງຊາດ ຫວຽດນາມ, ນຳການປະຕິວັດ ຫວຽດນາມ ຈາກໄຊຊະນະນີ້ໄປສູ່ໄຊຊະນະອື່ນ. ໃນວິວັດ 93 ປີແຫ່ງການສ້າງຕັ້ງ ແລະ ພັດທະນາ, ພັກ ຍາມໃດກໍ່ຖືເປັນສຳຄັນໃນວຽກງານກໍ່ສ້າງ ແລະ ປັບປຸງພັກ, ເປັນເອກະພາບໃນການສືບທອດ ແລະ ພັດທະນາແນວທາງ, ແຜນນະໂຍບາຍໃຫ້ເໝາະສົມກັບແຕ່ລະໄລຍະ, ພິເສດແມ່ນໃນບັນດາອາຍຸການມໍ່ໆມານີ້. ດ້ວຍການເພີ່ມເຕີມ, ສືບທອດ, ສ້າງແນວທາງກ່ຽວກັບວຽກງານກໍ່ສ້າງ, ປັບປຸງພັກໃຫ້ສົມບູນແບບ, ພັກກອມມູນິດ ຫວຽດນາມ ນັບມື້ນັບຕັດສິນໃຈສ້າງການຫັນປ່ຽນໃຫມ່ໃນວຽກງານນີ້.

Top