ຂ່າວສານ
ການຮ່ວມມືດ້ານປ້ອງກັນຊາດ ປ້ອງກັນຄວາມສະຫງົບເປັນເສົາຄ້ຳໃນການພົວພັນລະຫວ່າງຫວຽດນາມ - ລາວ ແລະ ກຳປູເຈຍ
ເຂົ້າຮ່ວມກອງປະຊຸມມີທ່ານຮອງນາຍົກລັດຖະມົນຕີ ທັງເປັນ ລັດຖະມົນຕີກະຊວງພາຍໃນກຳປູເຈຍ ສົມເດັດ Krolahom Sar Kheng ແລະ ລັດຖະມົນຕີ ກະຊວງປ້ອງກັນຄວາມສະຫງົບລາວ ວິໄລ ຫຼ້າຄຳຟອງ.
ທີ່ກອງປະຊຸມ, ທ່ານລັດຖະມົນຕີກະຊວງຕຳຫຼວດຫວຽດນາມ ໂຕເລີມ ໄດ້ສະເໜີໃຫ້ 3 ປະເທດສືບຕໍ່ສົມທົບກັນຈັດຕັ້ງປະຕິບັດບັນດາຂໍ້ຕົກລົງ ສັນຍາຮ່ວມມືສອງຝ່າຍລະຫວ່າງ ຫວຽດນາມ - ລາວ, ຫວຽດນາມ - ກຳປູເຈຍ; ເພີ່ມທະວີການແລກປ່ຽນຂໍ້ມູນຂ່າວສານກ່ຽວກັບສະພາບການທີ່ກ່ຽວຂ້ອງເຖິງຄວາມສະຫງົບແຫ່ງຊາດ, ຄວາມເປັນລະບຽບ ຮຽບຮ້ອຍຂອງສັງຄົມ ແລະ ຄວາມປອດໄພຂອງແຕ່ລະ ປະເທດ, ໂດຍສະເພາະຢູ່ເຂດຊາຍແດນ; ຮັກສາ ແລະ ເສີມຂະຫຍາຍ ບັນດາກົນໄກຮ່ວມມືດ້ານປ້ອງກັນຊາດ - ປ້ອງກັນຄວາມສະຫງົບ, ຮ່ວມມືກໍ່ສ້າງເສັ້ນຊາຍແດນທີ່ມີສະຖຽນລະພາບ ແລະ ພັດທະນາແບບຍືນຍົງ. ພ້ອມກັນນັ້ນ, ກໍວາງອອກມາດຕະການການແກ້ໄຂ, ສົມທົບກັນໃນການຕໍ່ສູ້ຕ້ານອາດຊະຍາກຳທີ່ກ່ຽວຂ້ອງເຖິງ 3 ປະເທດ ແລະ ອາດຊະຍາກຳປະເພດໃໝ່.ໃນຕອນທ້າຍຂອງກອງປະຊຸມ,ບັນດາລັດຖະມົນຕີໄດ້ ລົງນາມໃນຖະແຫຼງການຮ່ວມຂອງກອງປະຊຸມລັດຖະມົນຕີຫວຽດນາມ-ລາວ-ກໍາປູເຈຍ ຄັ້ງທີ 3 ກ່ຽວກັບການຮ່ວມມື ສະກັດກັ້ນ ແລະ ຕ້ານອາດຊະຍາກຳ.
(ແຫຼ່ງຄັດຈາກ VOV)
