ທ່ານ ພົນໂທ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ກ່າວຄຳເຫັນທີ່ການເຮັດວຽກ (ພາບ: ກະຊວງປ້ອງກັນປະເທດ ຫວຽດນາມ)

ຕອນບ່າຍວັນທີ 16 ພຶດສະພາ, ຢູ່ຮ່າໂນ້ຍ, ທ່ານ ພົນໂທ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ມີການເຮັດວຽກກັບຄະນະຊີ້ນຳການປ້ອງກັນ, ສະກັດກັ້ນໂລກລະບາດໂຄວິດ - 19 ກະຊວງປ້ອງກັນປະເທດ ແລະ ບັນດາອົງການ, ກົມກອງກ່ຽວກັບວຽກງານປ້ອງກັນ, ສະກັດກັ້ນໂລກລະບາດໂຄວິດ - 19.

ທ່ານ ພົນໂທ ຟານວັນຢາງ ໄດ້ເນັ້ນໜັກວ່າ ໃນຊຸມວັນຈະມາເຖິງ, ກະຊວງປ້ອງກັນປະເທດ ຈະເພີ່ມທະວີກຳລັງ, ພາຫະນະເຄື່ອນທີ່, ໜູນຊ່ວຍບັນດາອົງການຍູ້ໂລກລະບາດໂຄວິດ - 19 ຄັ້ງທີ 4 ໃຫ້ຖອຍໄປໂດຍໄວ. ທ່ານ ຟານວັນຢາງ ກໍ່ສະເໜີໃຫ້ບັນດາອົງການ, ກົມກອງໃນທົ່ວກອງທັບ ສືບຕໍ່ສຸມໃສ່ການປ້ອງກັນ, ສະກັດກັ້ນໂລກລະບາດໂຄວິດ - 19, ບຸລິມະສິດເພີ່ມທະວີກຳລັງຢູ່ເຂດຊາຍແດນ, ພ້ອມທັງຮຽກຮ້ອງໃຫ້ບັນດາໂຮງໝໍເສນາຮັກ ບໍ່ປະໃຫ້ໂລກລະບາດໂຄວິດ - 19 ແຊກຊຶມເຂົ້າຫວຽດນາມ ຢ່າງເດັດຂາດ.

ປັດຈຸບັນ, ທົ່ວກອງທັບໄດ້ເລີ່ມເປີດນຳໃຊ້ລະບົບຕ້ານໂລກລະລາດໂຄວິດ - 19 ຢູ່ລະດັບສູງທີ່ສຸດ, ກວດກາຄືນ, ກະກຽມບັນດາສະຖານທີ່ແຍກຕົວເພື່ອຮັບບັນດາຜູ້ສຳຜັດ ກັບຜູ້ຕິດເຊື້ອພະຍາດໂຄວິດ - 19 ໂດຍກົງ ໃນກໍລະນີ ໂລກລະບາດໂຄວິດ - 19 ອາດຈະແຜ່ລາມດ້ວຍຈຳນວນຜູ້ຕິດເຊື້ອຫຼາຍ, ກະກຽມບັນດາໂຮງໝໍພາກສະໜາມເພື່ອຮັບບັນດາຜູ້ຕິດເຊື້ອພະຍາດໂຄວິດ - 19.

(ແຫຼ່ງຄັດຈາກ VOV)