(ທ່ານເລຂາທິການໃຫຍ່ ຫງວຽນຟູ໋ຈ້ອງ ກ່າວຄຳເຫັນທີ່ກອງປະຊຸມ)
ວັນທີ 24/2 ເມື່ອເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມທົ່ວປະເທດສະຫຼຸບວຽກງານກວດກາ, ຕິດຕາມກວດກາຂອງພັກ ປີ 2016, ຜັນຂະຫຍາຍໜ້າທີ່ປີ2017, ທ່ານເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດຫວຽດນາມ ຫງວຽນຟູ໋ຈ້ອງ ຊີ້ແຈ້ງວ່າ ປີ 2017 ສະພາບການໂລກ ແລະ ພາກພື້ນສືບຕໍ່ມີບັນດາການຜັນແປຢ່າງສັບສົນ, ສະແດງໃຫ້ເຫັນສິ່ງທ້າທາຍໃໝ່ຫຼາຍຢ່າງ, ສົ່ງຜົນສະທ້ອນໂດຍກົງເຖິງການນຳພາຂອງພັກ, ການຄຸ້ມຄອງ, ບໍລິຫານຂອງລັດ. ທ່ານເລຂາທິການໃຫຍ່ ເນັ້ນໜັກເຖິງບາງເນື້ອໃນຄວນປະຕິບັດ ໃນປີ 2017 ເປັນຢ່າງດີ ໃນນັ້ນລວມມີ ການສືບຕໍ່ປະຕິບັດມະຕິກອງປະຊຸມໃຫຍ່ຄັ້ງທີ່ 12 ຂອງພັກ ແລະ ມະຕິສູນກາງພັກຄັ້ງທີ 4 ຊຸດທີ 12 ກ່ຽວກັບການກໍ່ສ້າງ, ປັບປຸງພັກ. ທ່ານເລຂາທິການໃຫຍ່ ກໍ່ສະແດງຄວາມເຊື່ອໝັ້ນວ່າ ຄະນະກຳມະການກວດສູນກາງພັກ ແລະ ຄະນະກຳມະການກວດກາທຸກຂັ້ນ ຈະປະຕິບັດສຳເລັດໜ້າທີ່ ທີ່ໄດ້ຮັບມອບໝາຍເປັນຢ່າງດີ, ປະກອບສ່ວນສຳຄັນເຂົ້າໃນການຮັກສາຄວາມປອດໃສຂອງພັກ, ປະກອບສ່ວນປະຕິບັດບັນດາໜ້າທີ່ເສດຖະກິດ, ສັງຄົມຂອງປະເທດຊາດຢ່າງມີໄຊ.
(ແຫຼ່ງຄັດຈາກ VOV)
