• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ເສດຖະກິດ

ລ້ຽງເຜິ້ງ ເອົານໍ້າເຜິ້ງ ດ້ວຍເຕັກໂນໂລຊີ 4.0

ສູນຄົ້ນຄວ້າ ແລະ ລ້ຽງເຜິ້ງເຂດຮ້ອນ,ສະຖາບັນກະສິກຳແມ່ນຫົວໜ່ວຍທຳອິດຂອງຫວຽດນາມ ປະສົບຜົນສຳເລັດໃນການລ້ຽງເຜິ້ງ ເພື່ອເອົານ້ຳເຜິ້ງ ດ້ວຍການນຳໃຊ້ເຕັກໂນໂລຊີ 4.0. ນັບ​ແຕ່​ນັ້ນ​ເປັນ​ຕົ້ນ​ມາ,​ໄດ້​ສ້າງ​ປະສິດທິ​ຜົນ​ສູງທາງດ້ານ​ເສດຖະກິດ​ໃນ​ການ​ຂຸດ​ຄົ້ນ​ນ້ຳ​ເຜິ້ງ ​ແລະ ຖ່າຍທອດ​ຂະ​ບວນການ​ເຕັກ​ໂນ​ໂລ​ຊີ​ລ້ຽງ​ເຜິ້ງ​ໃຫ້​ຜູ້​ລ້ຽງ​ເຜິ້ງຢູ່ ຫວຽດນາມ.

ປັດຈຸບັນ, ຫວຽດນາມແມ່ນປະເທດທີ 6 ໃນໂລກທີ່ສົ່ງອອກນ້ຳເຜິ້ງ, ໃນນັ້ນເປັນອັນດັບ 1 ໃນບັນດາປະເທດສົ່ງອອກນ້ຳເຜິ້ງໄປຍັງສ ອາເມລິກາ. ຄວາມສາມາດບົ່ມຊ້ອນດ້ານການລ້ຽງເຜິ້ງຢູ່ ຫວຽດນາມ ຍັງມີຫຼາຍກາລະໂອກາດພັດທະນາ ແລະ ເປີດກວ້າງ. ສູນຄົ້ນຄວ້າ ແລະ ລ້ຽງເຜິ້ງເຂດຮ້ອນ, ສະຖາບັນ ກະສິກຳ ຮ່າໂນ້ຍ ແມ່ນໜ່ວຍງານນຳໜ້າຂະແໜງການ ເຜິ້ງ ໄດ້ຄົ້ນຄວ້າ ແລະ ຖ່າຍທອດບັນດາຂະບວນການເຕັກໂນໂລຊີລ້ຽງເຜິ້ງໃຫ້ບັນດາຜູ້ລ້ຽງເຜິ້ງໃນທົ່ວປະເທດ ຫວຽດນາມ, ພ້ອມກັນນັ້ນ ກໍ່ແມ່ນບ່ອນຜະລິດ ບັນດາຜະລິດຕະພັນນ້ຳເຜິ້ງທີ່ມີຄຸນນະພາບສູງ ເພື່ອສະໜອງໃຫ້ບັນດາຕະຫຼາດພາຍໃນ ແລະ ຮັບໃຊ້ການສົ່ງອອກ.

ມາຍັງສູນຄົ້ນຄວ້າ ແລະລ້ຽງເຜິ້ງເຂດຮ້ອນ ໃນເດືອນມິຖຸນານີ້, ພວກຂ້າພະເຈົ້າຮູ້ສຶກວ່າຕົນເອງໄດ້ກັບມາຢູ່ໃນທຳມະຊາດ, ບ່ອນທີ່ຝູງເຜິ້ງກຳລັງຫາດູດເກສອນ. ​ໃນ​ສວນ​ລຳ​ໄຍມີ​ຕູ້​ລ້ຽງ​ເຜິ້ງ​ນັບ​ຮ້ອຍ​ກ່ອງ​ຖືກ​ວາງ​ໄວ້​ເປັນ​ແຖວ, ຝູງ​ເຜິ້ງ​ພວມ​ບິນວ່ອນອອກໄປ​ທົ່ວ​ທຸກ​ແຫ່ງ​ຫົນເພື່ອ​ດູດເກສອນ, ສ້າງ​ລະບົບ​ນິ​ເວດ​ທຳ​ມະ​ຊາດ​ທີ່​ສົດ​ຊື່ນ​ຢູ່​ຂອບເຂດສະຖາບັນ​ກະສິກຳ​ຫວຽດນາມ.

ສູນ​ຄົ້ນ​ຄວ້າ ​ແລະ ລ້ຽງ​ເຜິ້ງ​ເຂດ​ຮ້ອນ, ສະຖາບັນ ກະສິກຳ ຮ່າໂນ້ຍ ​ແມ່ນ​ຕົວ​ແບບ​ທຳ​ອິດ​ຂອງ​ຫວຽດນາມ ​ໄດ້​ຕິດ​ພັນ​ກັບ​ການ​ຄົ້ນຄວ້າ ​ແລະ ຝຶກອົບຮົມການລ້ຽງ​ເຜິ້ງ. ພາບ: ຫວຽດເກື່ອງ/VNP
ທ່ານ ຮຈ. ດຣ ຟ້າມຮົ່ງຖາຍ - ຜູ້ອໍານວຍການສູນຄົ້ນຄວ້າ ແລະ ລ້ຽງເຜິ້ງເຂດຮ້ອນ ພວມກວດກາຄຸນນະພາບຂອງ ເຜິ້ງ. ພາບ: ຫວຽດເກື່ອງ/VNP
ກວດກາຄຸນນະພາບຂອງ ເຜິ້ງ. ພາບ: ຫວຽດເກື່ອງ/VNP
ທ່ານ ຮຈ. ດຣ ຟ້າມຮົ່ງຖາຍ - ຜູ້ອໍານວຍການສູນຄົ້ນຄວ້າ ແລະ ລ້ຽງເຜິ້ງເຂດຮ້ອນ ພວມແນະນຳວິທີການເກັບນຳ້ເຜິ້ງໃຫ້ແກ່ນັກສຶກສາ. ພາບ: ຫວຽດເກື່ອງ/VNP

ສູນຄົ້ນຄວ້າ ແລະ ລ້ຽງເຜິ້ງເຂດຮ້ອນ ໄດ້ສ້າງຕັ້ງເມື່ອປີ 2006, ແມ່ນສະຖານ ແຫ່ງທຳອິດຢູ່ ຫວຽດນາມ ທັງຄົ້ນຄວ້າ ທັງຝຶກອົບຮົບກ່ຽວກັບເຜິ້ງ. ປັດຈຸ​ບັນ, ສູນ​ໄດ້​ນຳ​ໃຊ້​ເຕັກ​ໂນ​ໂລ​ຊີ​ສູງ​ໃນ​ການ​ຜະລິດ ​ແລະ ລ້ຽງ​ເຜິ້ງຕາມ​ມາດຕະຖານ Vietgap​ເພື່ອ​ຊ່ວຍ​ເພີ່ມ​ຜ​ົນຜະລິດ ​ແລະ ຄຸນ​ນະພາ​ບຂອງ​ຜະລິດ​ຕະພັນ​ນ້ຳ​ເຜິ້ງ, ​ເພີ່ມ​ຄວາມ​ສາມາດ​ໃນການແກ່ງ​ແຍ້​ງກັບ​ຜະລິດ​ຕະພັນ​ສົ່ງ​ອອກ. ຮູບແບບການລ້ຽງເຜິ້ງຕາມເຕັກໂນໂລຊີ 4.0 ຊ່ວຍໃຫ້ຂໍ້ມູນກ່ຽວກັບຜະລິດຕະພັນມີຄວາມຈະແຈ້ງ, ສາມາດຕິດຕາມແຫຼ່ງທ່ີມາ ຂອງຜະລິດຕະພັນເຊັ່ນ: ແນວພັນ, ແຫຼ່ງດອກໄມ້, ອາຫານເສີມ ແລະ ປ້ອງກັນພະຍາດທີ່ໃຊ້ເຂົ້າໃນຂະບວນການເບິ່ງແຍງຝູງເຜິ້ງ.

ນອກຈາກນັ້ນ, ສູນຍັງເປັນຫົວໜ່ວຍທຳອິດຂອງຫວຽດນາມ ທີ່ປະສົບຜົນສຳເລັດ ໃນການປະສົມພັນທຽມໃຫ້ນາງ ພະຍາເຜິ້ງ (ແມ່ ເປັ້ງ), ສະໜອງ ນາງພະຍາເຜິ້ງ ນັບຮ້ອຍໂຕ ແລະ ເຜິ້ງນັບພັນໂຕໃຫ້ແກ່ຜູ້ລ້ຽງເຜິ້ງຫວຽດນາມ. ຜົນສຳ​ເລັດ​ດັ່ງກ່າວ​ນີ້​ໄດ້​ສ້າງ​ຊື່ສຽງ​ຂອງ​ຂະ​ແໜງ​ການ​ລ້ຽງ​ເຜິ້ງ​ຫວຽດນາມ​ອອກໄປ​ສູ່​ໂລກ. ສູນ​ດັ່ງກ່າວ​ໄດ້​ຕ້ອນຮັບ​ນັກ​ຝຶກ​ງານ, ນັກ​ສຶກສາ, ຜູ້​ລ້ຽງ​ເຜິ້ງ​ຈາກ​ບັນດາ​ປະ​ເທດ​ຄື: ສ ອາ​ເມ​ລິ​ກາ, ສ.​ເກົາຫຼີ, ຍີ່​ປຸ່ນ, ​ເບ​ລາຣຸດ... ມາ​ຢ້ຽມຢາມ ​ແລະ ຮຽນ​ຮູ້.

ສູນຄົ້ນຄວ້າ ແລະ ລ້ຽງເຜິ້ງເຂດຮ້ອນ ເປັນບ່ອນນໍາໜ້າກັບທ່າອ່ຽງການລ້ຽງເຜິ້ງສາກົນ, ລົງທຶນທາງດ້ານເຕັກໂນໂລຊີ ແລະ ນຳໃຊ້ເຕັກນິກທີ່ກ້າວໜ້າ, ຕັ້ງແຕ່ນັ້ນມາຊ່ວຍໃຫ້ຜູ້ລ້ຽງເຜິ້ງປ່ຽນການລ້ຽງເຜິ້ງຈາກການລ້ຽງເຜິ້ງແບບກ່ອງດຽວມາເປັນກ່ອງຄູ ເພື່ອຍົກສູງຄຸນນະພາບຂອງນໍ້າເຜິ້ງ. ທ່ານ ຮຈ. ດຣ ຟ້າມຮົ່ງຖາຍ, ຜູ້ອໍານວຍການສູນແຫ່ງນີ້ ໄດ້ກ່າວວ່າ: ການລ້ຽງເຜິ້ງຕາມແບບກ່ອງຄູ່ ສາມາດສວຍໃຊ້ພື້ນທີ່ເປີດຂອງທໍາມະຊາດ, ເຜິ້ງລ້ຽງສະອາດ, ແຫຼ່ງນໍ້າເຜິ້ງບໍລິສຸດ, ດັ່ງນັ້ນ ຄຸນນະພາບຂອງຜະລິດຕະພັນຈຶ່ງສູງກວ່າແຫຼ່ງນໍ້າເຜິ້ງທີ່ເກັບກ່ຽວໄດ້ຈາກກ່ອງດຽວເຖິງ 5 ເທົ່າ.

ທ່ານ ຮຈ. ດຣ ຟ້າມຮົ່ງຖາຍ - ຜູ້ອໍານວຍການສູນຄົ້ນຄວ້າ ແລະ ລ້ຽງເຜິ້ງເຂດຮ້ອນ ແລະ ເຈົ້າໜ້າທ່ີ ກໍາລັງດໍາເນີນ ຂັ້ນຕອນການປະສົມພັນໃຫ້ ນາງພະຍາເຜິ້ງ (ແມ່ເປັ້ງ). ພາບ: ຫວຽດເກື່ອງ/VNP
ຂັ້ນຕອນການປະສົມພັນໃຫ້ ນາງພະຍາເຜິ້ງ (ແມ່ເປັ້ງ). ພາບ: ຫວຽດເກື່ອງ/VNP
ນຳໃຊ້ blockchain ຊ່ວຍໃຫ້ສູນຄົ້ນຄວ້າ ແລະ ລ້ຽງເຜິ້ງ ເຂດຮ້ອນສາມາດຕິດຕາມແຫຼ່ງທ່ີມາ ຂອງຜະລິດຕະພັນເຊັ່ນ: ແນວພັນ, ແຫຼ່ງດອກໄມ້, ອາຫານເສີມ ແລະ ປ້ອງກັນພະຍາດ ທີ່ໃຊ້ເຂົ້າໃນຂະບວນການເບິ່ງແຍງ ຝຸງເຜິ້ງ. ພາບ: ຫວຽດເກື່ອງ/VNP
ຜະລິດຕະພັນນໍ້າເຜິ້ງທີ່ມີຄຸນນະພາບຢູ່ສູນຄົ້ນຄວ້າ ແລະ ລ້ຽງເຜິ້ງເຂດຮ້ອນ. ພາບ: ຫວຽດເກື່ອງ/VNP

ມາ​ຮອດ​ປັດຈຸ​ບັນ, ສູນ​ດັ່ງກ່າວຜະລິດເຜິ້ງສາຍພັນພາຍໃນປະເທດ​ໄດ້100 ​ຝູງ ​ແລະ ເຜິ້ງ​ສາຍ​ພັນ​ຕ່າງປະ​ເທດໄດ້ 200 ຝູງ, ສູນ​ເປັນ​ເຈົ້າ​ຂອງ​ການປະສົມພັນທຽມໃຫ້ຝູງແມ່ເຜິ້ງ, ສະນັ້ນ ຕັ້ງ​ແຕ່​ຂັ້ນຕອນການ​​ຄັດ​ເລືອກນາງພະຍາເຜິ້ງ ກໍ່ໄດ້ປະຕິບັດເປັນຢ່າງດີ, ຈາກ​ນັ້ນ​ຈຶ່ງມີ​ເຜິິ້ງຄຸນະພາບດີ. ໃນແຕ່ລະປີ, ສູນໄດ້ຈັດການຝຶກຝົນ ແລະ ເຝິກອົບຮົມໃຫ້ແກ່ຜູ້ລ້ຽງເຜິ້ງກວ່າ 3.000 ຄົນ ເພື່ອເຂົ້າເຖິງເຕັກນິກການລ້ຽງເຜິ້ງທີ່ທັນສະໄໝຂອງໂລກ.

ໃນ​ໄລຍະ 2 ປີ 2020-2022, ສູນ​ຄົ້ນ​ຄວ້າ ​ແລະ ​ລ້ຽງ​ເຜິ້ງ​ເຂດ​ຮ້ອນ ​ໄດ້​ຊ່ວຍເຫຼືອແຂວງ ​ເຊີນ​ລາ ​ແລະ ​ແຂວງ ເງະອານ ສ້າງ 7 ຕົວ​ແບບ​ລ້ຽງ​ເຜິ້ງ​ຕ່າງປະເທດ ​ເພື່ອ​ຂຸດ​ຄົ້ນ​ນ້ຳ​ເຜິ້ງ​ໃສ່​ກ່ອງຕາມ​ມາດຕະຖານ VietGap ດ້ວຍ​ການ​ລ້ຽງ​ເຜິ້ງ 715 ​ຮັງ ມີຍອດມູນຄ່າເຖິງ 3,5 ຕື້ດົ່ງ.

ບົດ ແລະ ພາບ: ຫວຽດເກື່ອງ - ແປໂດຍ: ຢືຟຽນ

ເຮືອນ ອັດສະລິຍະ Lumi ຫວຽດນາມ

ເຮືອນ ອັດສະລິຍະ Lumi ຫວຽດນາມ

10 ປີແຫ່ງການພັດທະນາ ແລະ ສ້າງຍີ່ຫໍ້ເຮືອນ ອັດສະລິຍະ (Smart Home), Lumi ຫວຽດນາມ  ໄດ້ຢືນຢັນວ່າ ແມ່ນວິສາ ຫະກິດ ຂະໜາດໃຫຍ່ແຖວໜ້າຂອງ ຫວຽດນາມ, ໂດຍເປັນຜູ້ບຸກເບີກ ໃນການຜະລິດ ບັນດາ ຜະລິດຕະພັນ ເຮືອນ ອັດສະລິຍະ ແລະ ຄ່ອຍໆ ສົ່ງອອກ ໄປທົ່ວໂລກ.

Top