• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ເສດຖະກິດ

ຄວາມປອດໄພດ້ານສະບຽງອາຫານຢູ່ ຮ່າໂນ້ຍ - ສອງຕົວແບບ ສະຫະກອນ ດີເດັ່ນ

ພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ໄດ້ມີຜົນງານຢ່າງຕັ້ງໜ້າໃນວຽກງານບໍລິຫານ ແລະ ຄຸ້ມຄອງຄຸນນະພາບ ຄວາມປອດໄພດ້ານສະບຽງອາຫານ ຜະລິດຕະພັນກະເສດ - ປ່າໄມ້ - ສິນໃນນໍ້າ, ຍົກສູງມູນຄ່າຂອງຕ່ອງໂສ້ການສະໜອງຜະລິດຕະພັນກະເສດໃຫ້ຊາວນະຄອນຫຼວງ ໃນ 6 ເດືອນຕົ້ນປີ 2022.  ຕົວ​ຢ່າງ​ ທີ່ພົ້ນເດັ່ນແມ່ນ 2 ຮູບແບບສະຫະກອນ ທີ່ຕອບສະໜອງໄດ້ມາດຕະຖານ ຄວາມປອດໄພດ້ານສະບຽງອາຫານ, ນຳໃຊ້ເຕັກໂນໂລຊີ ຄຸ້ມຄອງຈາກ ຍີ່ປຸ່ນ ຄື: ສະຫະກອນຜັກສະອາດ ກວ໋ຍກຸຍ (ເມືອງ ດານເຟື້ອງ, ຮ່າໂນ້ຍ), ສະຫະກອນ ສິນໃນນໍ້າ ເຕັກໂນໂລຢີສູງ ດ້າຍອ໋າງ (ເມືອງ ແທງຈີ່, ຮ່າໂນ້ຍ).

ເລື່ອງລາວ ​ກ່ຽວ​ກັບ​ການ​ໃຊ້​ສຸ​ຂະ​ພາບ​ ເພື່ອ​ເກັບຮັກຜັກ​ ​ສະ​ອາດ​ຢູ່​ສະ​ຫະ​ກອນ​ຜັກ ​ກວ໋ຍກຸຍ

ໃນຫຼາຍປີຜ່ານມາ, ຜັກສະອາດ ຂອງ ສະຫະກອນຜັກ ກວ໋ຍກຸຍ (ເມືອງ ດານເຟື້ອງ, ຮ່າໂນ້ຍ) ໄດ້ພິສູດໃຫ້ເຫັນ ຄຸນຄ່າຂອງສອງຄຳ “ປອດໄພ” ສຳລັບຜູ້ບໍລິໂພກ. ຄວາມ​ປອດ​ໄພ ​ຂອງ ​ສະຫະກອນ ​ໄດ້​ຮັບ​ການ​ຢືນຢັນ​ຈາກ​ເຈົ້າ​ຂອງ​, ທ່ານ​ນາງ ດັ້ງ​ທິ​ກວ໋ຍ ​ກ່າວວ່າ: “ຂ້າພະ​ເຈົ້າ​ໃຊ້​ສຸຂະພາບ​ ຂອງຕົນ​ເພື່ອ​ຮັບປະກັນ ​ບັນດາ​ຜະລິດ​ຕະພັນ​ເຫຼົ່າ​ນີ້”.

ກ່ອນໜ້າ​ນັ້ນ, ທ່ານ​ນາງ ກວ໋ຍ ​ໄດ້ເຂົ້າ​ເຮັດ​ວຽກ​ຢູ່​ນິຄົມ​ປູກ​ຜັກ​ປອດ​ສານພິດ ແຫ່ງໜຶ່ງ​ຢູ່ ​ໄຕ້​ຫວັນ. ທ່ານ​ນາງ ກວ໋ຍ ​ເຫັນວ່າ: “ການ​ປູກ​ຜັກ​ຢູ່​ ໄຕ້​ຫວັນ​ ໄດ້​ຮັບ​ຜົນ​ຜະລິດ​ສູງ​ກວ່າ 2-3 ​ເທົ່າ, ​ແຕ່​ຄວາມ​ສະອາດ​ແມ່ນສູງກວ່າ​ຫຼາຍ​ເທົ່າ. ນ້ຳ ສຳລັບປູກຜັກນັ້ນ ສະອາດກວ່ານ້ຳດື່ມ ເພາະເຈົ້າ ຂອງ ໃຊ້ນ້ຳປະປາ, ແຕ່ນ້ຳນັ້ນ ຕ້ອງຜ່ານເຄື່ອງກັ່ນຕອງແລ້ວ ຈຶ່ງນຳໄປໃສ່ລະບົບ ຫົດ ແບບອັດຕະໂນມັດ”.

ລະບົບຜັກສະອາດຂອງບັນດາສະຫະກອນ ບັນລຸໄດ້ມາດຕະຖານຄວາມປອດໄພ. ພາບ: ຟ້າມຖາຍເຊີນ

ທ່ານນາງ ດັ້ງທິກວ໋ຍ ພວມເບິ່ງແຍງນິຍົມປູກ ຜັກສະອາດທີ່ຮຽນແບບຂອງ ໄຕ້ຫວັນ. ພາບ: ຟ້າມຖາຍເຊີນ

ສະຫະກອນຜັກສະອາດ ກວ໋ຍກຸຍ ໄດ້ສ້າງ ວຽກເຮັດງານທຳໃຫ້ຊາວທ້ອງຖິ່ນຫຼາຍສີບຄົນ. ພາບ: ຟ້າມຖາຍເຊີນ

ຜະລິດຕະພັນຜັກສະອາດຂອງສະຫະກອນ ບໍ່ພໍເພື່ອຕອບສະໜອງໃຫ້ແກ່ຄວາມຕ້ອງການຂອງຕະຫຼາດ. ພາບ: ຟ້າມຖາຍເຊີນ

ທ່ານ​ນາງ ກວ໋ຍ ມີ​ຄວາມ​ເມົາມົວ​ກັບ​ກະ​ສິ​ກຳ​ປອດ​ສານພິດ, ນາງ​ໄດ້​ໃຊ້​ເວ​ລາ 16 ປີ ເພື່ອ​ຮຽນ​ຮູ້​ປະ​ສົບ​ການ ແລະ ເຕັກ​ໂນ​ໂລ​ຊີ ​ການ​ຜະ​ລິດ​ຜັກ​ທີ່​ສະ​ອາດ​ຢູ່​ ໄຕ້​ຫວັນ. ເພິ່ນຍັງ “ດຶງ” ຜົວ ​ຂອງ ​ຕົນຄືທ່ານ ຫງວຽນ​ດັງກຸຍ ມາ ໄຕ້ຫວັນ ເພື່ອສອນວິທີເຮັດ​ໃຫ້​ລາວ​.

ເລີ່ມຜະລິດຜັກປອດສານພິດ ມາແຕ່ປີ 2017, ມາຮອດປັດຈຸ ບັນ, ເນື້ອທີ່ຂອງນິຄົມປູກຜັກ ແຫ່ງນີ້ ມີເນື້ອທີ່ກວ່າ 15 ເຮັກ ຕາ, ອອກແບບດ້ວຍລະບົບລະບາຍອາກາດ ແລະ ຊົນລະປະ ທານ ທີ່ທັນສະໄໝ. ຮູບ​ແບບ​ສະຫະກອນ​ປູກ​ຜັກ ກວ໋ຍ​ກຸ​ຍ ຍັງ​ໄດ້​ສະໜອງ​ສະບຽງອາຫານ​ສະອາດ​ໃຫ້​ໂຮງຮຽນ​ອະນຸ ບານ 16 ​ແຫ່ງ ​ແລະ 3 ຮ້ານ​ຂາຍ​ຜັກ​ສະອາດ ​ຢູ່ໃນ​ເມືອງ. ໂດຍສະເລ່ຍແລ້ວ, ແຕ່ລະບ່ອນ ຈະມາຮັບຜັກ 1-2 ເທື່ອ ຕໍ່ອາທິດ ແລະ ແຕ່ລະຄັ້ງ ປະມານ 2-3 ຮ້ອຍກິໂລກຼາມ.

ແທນທີ່ ຈະສີດຢາຂ້າຫຍ້າເພື່ອຂ້າເຊື້ອໃນດິນ ຫຼື ສີດຢາປາບສັດຕູພືດ ດ້ວຍສານເຄມີ, ທ່ານນາງ ກວ໋ຍ ໄດ້ຄິດຄົ້ນ ແລະ ອີງໃສ່ປະສົບການທີ່ມີ ແລະ ນຳໃຊ້ ປຸ໋ຍຊີວະພາບ ແລະ ໂປຣໄບໂອຕິກ (probiotics). ເພິ່ນໄດ້ປະສົມໂປຣໄບໂອຕິກ ກັບ ນໍ້າຕານຊາຍ, ນໍ້ານົມ ໄມໂລ ແລະ ອົບໃນເວລາ ທ່ີເໝາະສົມແລ້ວບົດໃຫ້ມຸ່ນ, ກັ່ນຕອງສິ່ງເສດເຫຼືອ ແລ້ວຈຶ່ງເອົາໄປສີດພົ່ນ. ເພິ່ນໄດ້ຍຶດໝັ້ນກັບຮູບແບບການປູກຝັງທີ່ເປັນເອກະລັກ “5 ບໍ່”, ນັ້ນຄື: ບໍ່ມີການສີດຢາຂ້າຫຍ້າ; ບໍ່ມີສານເຄມີ; ບໍ່ມີຢາປາບສັດຕູພືດ; ບໍ່ກະຕຸ້ນການເຕີບໂຕ; ບໍ່ດັດແປງພັນທຸກໍາ ເພື່ອປົກປ້ອງສິ່ງແວດລ້ອມ ແລະ “ຮັກສາ” ສັດຕູທໍາມະຊາດ.

ການ​ນໍາ​ໃຊ້​ເຕັກ​ໂນ​ໂລ​ຊີ ​ທີ່​ສະ​ຫະ​ກອນ ສິນໃນນຳ້ ເຕັກໂນໂລຊີສູງ ດ້າຍອ໋າງ 

ໃນ​ເນື້ອ​ທີ່​ກວ່າ 15 ​ເຮັກຕາ, ສະ​ຫະ​ກອນ​ ສິນໃນນໍ້າ ​ເຕັກ​ໂນ​ໂລ​ຊີສູງ ດ້າຍອ໋າງ (ຕາແສງ ດ້າຍອ໋າງ) ພວມ​ລົງ​ທຶນ​ນຳ​ໃຊ້​ຮູບ​ແບບ​ລ້ຽງ​ປາ ດ້ວຍ​ເຕັກ​ໂນ​ໂລ​ຊີ “ແມ່ນ້ຳ​ໃນ​ໜອງ” ດ້ວຍ​ຈຳນວນໜອງລ້ຽງປາ 15 ໜອງ. 

ຜູ້​ອຳ​ນວຍ​ການສະ​ຫະ​ກອນ​ ສິນໃນນໍ້າ ​ເຕັກ​ໂນ​ໂລ​ຊີສູງ ດ້າຍ ອ໋າງ ຫງວຽນ​ວັນ​ທຽມ ໃຫ້​ຮູ້​ວ່າ: ໜອງທຸກແຫ່ງໄດ້​ມີ​ເຄື່ອງ​ດູດ​ອາ​ກາດ, ຈັກ​ດູດ​ສິ່ງ​ເສດ​ເຫຼືອ, ລະ​ບົບ​ນ້ຳ​ສະອາດ, ບໍ​ລິ​ຫານ​ນ້ຳ​ເສຍ, ​ເຮັດ​ໃຫ້​ປາ​ຂະ​ຫຍາຍ​ຕົວ ແລະ ພັດ​ທະ​ນາ​ເປັນ​ຢ່າງ​ດີ. ການ​ນຳ​ໃຊ້​ເຕັກ​ໂນ​ໂລ​ຊີ​ນີ້ ​ໄດ້​ນຳ​ມາ​ເຊິ່ງ​ປະ​ສິດ​ທິ​ຜົນ​ດ້ານ​ເສດ​ຖະ​ກິດ​ສູງ ດ້ວຍ​ກຳ​ໄລ​ປະ​ມານ 7 ຕື້​ດົ່ງ/ປີ, ສູງ​ກວ່າ​ການ​ລ້ຽງ​ປາ​ແບບເກົ່າ ເຖິງ 1,8 ເທົ່າ.

ສະຫະກອນສິນໃນນຳ້ ດ້າຍອ໋າງ ມີເນື້ອທີ່ກວ່າ 15 ເຮັກຕາ. ພາບ: ຟ້າມຖາຍເຊີນ

ຂັ້ນຕອນການປຸງແຕ່ງທີ່ສະຫະກອນ. ພາບ: ຟ້າມຖາຍເຊີນ

ສະຫະກອນສິນໃນນຳ້ ດ້າຍອ໋າງ ມີສະ​ມາ​ຊິກ 7 ຄົນ ແລະ 30 ຄອບ​ຄົວ​ຮ່ວມກັນເຮັດ. ພາບ: ຟ້າມຖາຍເຊີນ
ຜະລິດຕະພັນດີເດັ່ນຈຳນວນໜຶ່ງຂອງ ສະຫະກອນ. ພາບ: ຟ້າມຖາຍເຊີນ

ສະ​ຫະ​ກອນ​ ສິນໃນນໍ້າ ​ ດ້າຍອ໋າງ ​ເມືອງ ແທງ​ຈີ່ (ຮ່າ​ໂນ້ຍ) ໄດ້​ຮັບ​ການ​ສ້າງ​ຕັ້ງ​ໃນ​ປີ 2018, ມີສະ​ມາ​ຊິກ 7 ຄົນ ແລະ 30 ຄອບ​ຄົວ​ຮ່ວມກັນເຮັດ ໃນ​ເນື້ອ​ທີ່​ເກືອບ 70 ເຮັກຕາ ເພື່ອ​ລ້ຽງ​ປາ​ ພື້ນເມືອງເຊັ່ນ: ປາ​ນິນ, ປາ​ແກງ, ປາ​ກິນຫຍ້າ... ຮອດ​ປີ 2022, ຕົວ​ແບບ​ນີ້​ ໄດ້​ຮັບ​ການ​ຜະລິດ​ຢ່າງ​ໝັ້ນ​ທ່ຽງ ດ້ວຍ​ປະລິມານການຜະລິດ ປາ ບັນລຸໄດ້​ກວ່າ 1000 ​ໂຕນ/ປີ, ມີ​ພະນັກງານ​ປະຈຳ 20 ຄົນ ​ແລະ ຄົນ​ງານ​ເຮັດຕາມ​ລະດູ​ການ​ຢູ່​ທ້ອງ​ຖິ່ນ 70 ຄົນ, ດ້ວຍ​ລາຍ​ຮັບ​ແຕ່ 7-8 ລ້ານ​ດົ່ງ/ຄົນ/​ເດືອນ.

ຮູບ​ແບບ​ນີ້​ ໄດ້​ຮັບ​ໃບ​ຢັ້ງຢືນ​ການ​ຜະລິດ​ຕາມ​ມາດຕະຖານ VietGAP, ບັນດາຜະລິດ​ຕະພັນ​ຂອງ​ຮູບແບບດັ່ງກ່າວ ຖືກ​ອຳນາດ​ການ​ປົກຄອງ ​ຮ່າ​ໂນ້ຍ ມາເກັບຕົວຢ່າງ ເອົາໄປ ກວດກາ ແລະ ລ້ວນແຕ່ຮັບປະກັນ​ບັນດາມາດຖານກ່ຽວກັບ​ຄວາມ​ປອດ​ໄພ​ດ້ານ​ສະບຽງອາຫານ. ພິ​ເສດ, ສະຫະກອນ​ຍາມ​ໃດ​ກໍ່​ຮັບປະກັນ​ຂະ​ບວນການ​ປິດ, ປາ​ຖືກ​ລ້ຽງ​ໃນ​ຖັງ​ທີ່​ສະອາດ, ​ມີເຄື່ອງ​ດູດ​ອາ​ກາດ​ ແລະ ດູດ​ຝຸ່ນ​ເປັນ​ປະຈຳ. ການ​ນຳ​ໃຊ້​ເຕັກ​ໂນ​ໂລ​ຊີ​ສູງ​ໃນການ​ການ​ລ້ຽງ​ປາ​ ​ຂອງສະຫະກອນສິນໃນນໍ້າ ​ດ້າຍອ໋າງ ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ການ​ປົກ​ປັກ​ຮັກສາ​ສິ່ງ​ແວດ​ລ້ອມ, ​ໃຫ້​ຄຳ​ໝັ້ນ​ສັນຍາ​ຈະ​ເປັນ​ຮູບ​ແບບ​ພັດທະນາ​ໃນ​ອະນາຄົດ.

ນະຄອນ ສືບຕໍ່ກໍ່ສ້າງ ແລະ ພັດທະນາ 159 ຕ່ອງໂສ້ສະໜອງ ສະບຽງອາຫານທີ່ປອດໄພ ນັບແຕ່ການຜະລິດໄປສູ່ການບໍລິໂພກ, ໃນນັ້ນມີຕ່ອງໂສ້ ການຜະລິດສັດ 47 ແຫ່ງ, ຕ່ອງໂສ້ການຜະລິດ ສິນໃນນຳ້ 6 ແຫ່ງ, ຕ່ອງໂສ້ການຜະລິດຕົ້ນກຳເນີດຂອງພືດ 106 ແຫ່ງ, ເພີ່ມຂຶ້ນ 18 ຕ່ອງໂສ້ ເມື່ອທຽບໃສ່ໄລຍະດຽວກັນໃນປີ 2021.

ບົດ: ຖາວວີ - ພາບ: ເຊີນຟ້າມ - ແປໂດຍ: ຢືຟຽນ

ເຮືອນ ອັດສະລິຍະ Lumi ຫວຽດນາມ

ເຮືອນ ອັດສະລິຍະ Lumi ຫວຽດນາມ

10 ປີແຫ່ງການພັດທະນາ ແລະ ສ້າງຍີ່ຫໍ້ເຮືອນ ອັດສະລິຍະ (Smart Home), Lumi ຫວຽດນາມ  ໄດ້ຢືນຢັນວ່າ ແມ່ນວິສາ ຫະກິດ ຂະໜາດໃຫຍ່ແຖວໜ້າຂອງ ຫວຽດນາມ, ໂດຍເປັນຜູ້ບຸກເບີກ ໃນການຜະລິດ ບັນດາ ຜະລິດຕະພັນ ເຮືອນ ອັດສະລິຍະ ແລະ ຄ່ອຍໆ ສົ່ງອອກ ໄປທົ່ວໂລກ.

Top