18/04/2020 16:34 GMT+7 Email Print Like 0

ເປີດລະບົດໃຫ້ຄຳປຶກສາການກວດ, ປິ່ນປົວພະຍາດທາງໄກ

      ຕອນເຊົ້າວັນທີ 18 ເມສາ, ຢູ່ຈຸດຖ່າຍທອດສົດຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມພິທີເປີດລະບົບໃຫ້ຄຳປຶກສາການກວດ, ປິ່ນປົວພະຍາດທາງໄກ ແລະ ໂປຼແກຼມ Bluezone ປົກປ້ອງຊຸມຊົມ, ປ້ອງກັນສະກັດກັ້ນໂລກລະບາດ Covid – 19.

ຮູບພາບການປິ່ນປົວພະຍາດອອນໄລຜ່ານລະບົດໃຫ້ຄຳປຶກສາການກວດ, ປິ່ນປົວພະຍາດ
(ພາບ: Laodong.vn) 
      ລາຍການໂດຍກະຊວງຖະແຫຼງຂ່າວ ແລະ ການສື່ສານ ແລະ ກະຊວງສາທາລະນະສຸກ ສົບທົບກັນຈັດຕັ້ງຂຶ້ນໂດຍມີການເຊື່ອມຕໍ່ຫຼາຍຈຸດຢູ່ກະຊວງສາທາລະນະສຸກ, ໂຮງໝໍແຫ່ງຕ່າງໆຢູ່ບັນດາທ້ອງຖິ່ນ.
        ລະບົບໃຫ້ຄຳປຶກສາການກວດ, ປິ່ນປົວພະຍາດທາງໄກ ໂດຍກຸ່ມບໍລິສັດໂທລະຄົມມະນາຄົມກອງທັບ (Viettel) ພັດທະນາ ເຊິ່ງຕອບສະໜອງໄດ້ຕາມຂໍ້ກຳນົດໃນການກວດ, ປິ່ນປົວພະຍາດທາງໄກຂອງ ກະຊວງສາທາລະນະສຸກຢ່າງຄົບຖ້ວນ.
        ກ່າວຄຳເຫັນທີພິທີ, ທ່ານນາຍົກລັດຖະມົນຕີ ຫງວຽນຊວັນຟຸກຢັ້ງຢືນວ່າ:
        ການນຳໃຊ້ການບໍລິການສາທາລະນະທາງອອນລາຍ, ກວດ, ປິ່ນປົວພະຍາດທາງໄກແມ່ນມີປະສິດທິຜົນທົບສອງ, ທົບສາມເທື່ອ ເຊິ່ງພວກເຮົາຕ້ອງໂຄສະນາ, ຕອບສະໜອງໄດ້ຕາມຄວາມຮຽກຮ້ອງຕ້ອງການໃນການສະກັດກັ້ນໂລກລະບາດ, ການແຍກຫ່າງໃນສັງຄົມ, ເຊິ່ງມີຜົນປະໂຫຍດແມ່ນເປີດເຜີຍ, ໂປ່ງໃສ, ປະຕິຮູບລະບຽບການບໍລິຫານ, ຫຼຸດຜ່ອນຈຳນວນເອກະສານທີ່ສັບສົນລົງ, ນຳມາເຊິ່ງຜົນປະໂຫຍດໃຫ້ແກ່ປະຊາຊົນເມື່ອຫຼຸດຜ່ອນຄ່າໃຊ້ຈ່າຍ. ດັ່ງນັ້ນ, ຕ້ອງເພີ່ມທະວີການແນະນຳໃຫ້ແກ່ປະຊາຊົນໃນການນຳໃຊ້ການບໍລິການສາທາລະນະທາງອອນລາຍ ແລະ ລະບົບການກວດ, ປິ່ນປົວພະຍາດທາງອອນລາຍ.
 (ແຫຼ່ງຄັດຈາກ VOV)