ພິທີໄຂລາຍການ “ເຊີດຊູຄວາມງາມຂອງທະເລ ໝູ່ເກາະ ຫວຽດນາມ”
(ພາບ: ສຳນັກຂ່າວສານ ຫວຽດນາມ)
ວັນທີ 29/4, ຢູ່ມະຫາວິທະຍາໄລ Corvinus, Budapest, ປະເທດ ຮູງກາຣີ ໄດ້ຈັດຕັ້ງລາຍການ “ເຊີດຊູຄວາມງາມຂອງທະເລ ໝູ່ເກາະ ຫວຽດນາມ” ໂດຍສະມາຄົມນັກສຶກສາ, ໜ່ວຍຊາວໜຸ່ມ ຫວຽດນາມ ໄດ້ສົມທົບກັບສະຫະສະມາຄົມຊາວ ຫວຽດນາມ ຢູ່ຮູງກາຣີ ຈັດຕັ້ງ. ລາຍການໄດ້ດຶງດູດການເຂົ້າຮ່ວມຂອງຜູ້ແທນນັບຮ້ອຍຄົນ, ເຊິ່ງລວມມີ ຄະນະບໍລິຫານງານສະມາຄົມຊາວ ຫວຽດນາມ, ສະມາຄົມນັກຮົບເກົ່າ ຫວຽດນາມ ຢູ່ ຮູງກາຣີ, ສະມາຄົມມິດຕະພາບ ຮູງກາຣີ - ຫວຽດນາມ, ຄູອາຈານສັງກັດມະຫາວິທະຍາໄລ Corvinus ພ້ອມກັບນັກສຶກສາ ຫວຽດນາມ, ນັກສຶກສາຕ່າງປະເທດ ແລະ ນັກສຶກສາ ຮູງກາຣີ ພວມຮ່ຳຮຽນຢູ່ມະຫາວິທະຍາໄລແຫ່ງນີ້ ເປັນຈຳນວນຫຼວງຫຼາຍ.(ພາບ: ສຳນັກຂ່າວສານ ຫວຽດນາມ)
ໃນຂອບເຂດລາຍການໄດ້ວາງສະແດງຮູບຖ່າຍນັບຮ້ອຍແຜ່ນກ່ຽວກັບປະຫວັດສາດ, ທະເລ, ໝູ່ເກາະ ແລະ ປະເທດຊາດ, ຊາວ ຫວຽດນາມ, ພິເສດແມ່ນມີແຜນທີ່ເກົ່າຫຼາຍຊຸດທີ່ໄດ້ຢັ້ງຢືນອະທິປະໄຕຂອງ ຫວຽດນາມ ສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ ໄດ້ນຳມາວາງສະແດງ, ດຶງດູດຄວາມສົນໃຈຂອງຜູ້ແທນເຂົ້າຮ່ວມເປັນຈຳນວນຫຼວງຫຼາຍ. ຄຽງຄູ່ກັນນັ້ນ ແມ່ນບັນດາລາຍການສະແດງສິລະປະ, ເດີນແບບອາພອນ, ແນະນຳອາຫານການກິນຂອງ ຫວຽດນາມ ອີກດ້ວຍ.
(ແຫຼ່ງຄັດຈາກ VOV)
