05/10/2021 10:20 GMT+7 Email Print Like 0

ມື້ເຮັດວຽກທີ 1 ຂອງກອງປະຊຸມຄັ້ງທີ 4 ຄະນະບໍລິຫານງານສູນກາງພັກຊຸດທີ XIII

      ທ່ານວໍ້ວັນເຖືອງ, ຜູ້ປະຈຳການຄະນະເລຂາ ຕາງໜ້າກົມການເມືອງ ລາຍງານກ່ຽວກັບລາຍການກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ XIII.
ທ່ານວໍ້ວັນເຖືອງ, ຜູ້ປະຈຳການຄະນະເລຂາ ລາຍງານກ່ຽວກັບລາຍການກອງປະຊຸມ (ພາບ:dangcongsan.vn)
      ກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ XIII ໄດ້ໄຂຂຶ້ນໃນຕອນເຊົ້າວັນທີ 4 ຕຸລາຢູ່ນະຄອນຫຼວງຮ່າໂນ້ຍ. ໃນຕອນເຊົ້າ, ຄະນະບໍລິຫານງານສູນກາງພັກ ໄດ້ເຮັດວຽກຢູ່ຫໍປະຊຸມ. ທ່ານເລຂາທິການໃຫ່ຍ ຫງວຽນຝູຈ້ອງ ເປັນປະທານ, ກ່າວຄຳປາໄສໄຂກອງປະຊຸມ. ທ່າງປະທານປະເທດ ຫງວຽນຊວັນຝຸກ ຕາງໜ້າກົມການເມືອງ ບໍລິຫານກອງປະຊຸມ. ຄະນະບໍລິຫານງານສູນກາງພັກໄດ້ສະຫງວນເວລາ 1 ນາທີເພື່ອອາໄລຫາປຊຊ, ພະນັກງານ ແລະ ນັກຮົບໄດ້ເສຍຊີວິດໃນໂລກລະບາດໂຄວິດ 19.
      ທ່ານວໍ້ວັນເຖືອງ, ຜູ້ປະຈຳການຄະນະເລຂາ ຕາງໜ້າກົມການເມືອງ ລາຍງານກ່ຽວກັບລາຍການກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ XIII. ຫຼັງຈາກນັ້ນ, ບັນດາຜູ້ແທນໄດ້ປຶກສາຢູ່ໜ່ວຍກ່ຽວກັບບົດລາຍງານແຜນການພັດທະນາເສດຖະກິດ-ສັງຄົມປີ 2021, ຄາດຄະເນ ແຜນການພັດທະນາເສດຖະກິດສັງຄົມປີ 2022; ຕີລາຄາສະພາບການປະຕິບັດງົບປະມານແຫ່ງລັດປີ 2021 ແລະ ແຜນງົບປະມານແຫ່ງລັດປີ 2022; ລາຍງານໝາກຜົນການປ້ອງກັນ ຕ້ານໂລກລະບາດໂຄວິດ 19 ໃນໄລຍະຜ່ານມາ, ທັດສະນະ, ແຜນນະໂຍບາຍ, ໜ້າທີ່, ມາດຕະການໃນໄລຍະຈະມາເຖິງ.
      ໃນຕອນບ່າຍຂອງວັນທີ 4 ຕຸລາ, ຄະນະບໍລິຫານງານສູນກາງພັກສືບຕໍ່ເຮັດວຽກຢູ່ໜ່ວຍກ່ຽວກັບບັນດາເນື້ອໃນດັ່ງກ່າວ.
 (ແຫຼ່ງຄັດຈາກ VOV)