ພິທີເປີດສະຫຼອງຫໍພິພິທະພັນສື່ມວນຊົນ ຫວຽດນາມ (ພາບ: VGP)
ທີ່ພິທີ ທ່ານນາງຮອງປະທານປະເທດ ຫວຽດນາມ ດັ້ງທິ້ງອັກທິ້ງ ຖືວ່າ: ຂົງເຂດວາງສະແດງຂອງຫໍພິພິທະພັນແມ່ນເພື່ອແນໃສ່ວາດພາບຄືນກ່ຽວກັບປະຫວັດສາດສື່ມວນຊົນ ຕິດພັນກັບປະຫວັດສາດການກໍ່ຕັ້ງປະເທດຊາດຫວຽດນາມ, ພ້ອມທັງເປັນການເຊີດຊູບັນດາການປະກອບສ່ວນຂອງຜູ້ທີ່ເຮັດວຽກງານການສື່ສານຫວຽດນາມ ລຸ້ນຕ່າງໆ, ເກັບຮັກສາ ແລະ ເສີມຂະຫຍາຍຄຸນຄ່າມໍລະດົກດ້ານສື່ມວນຊົນ. ທ່ານນາງກ່າວວ່າ:
“ຂ້າພະເຈົ້າມີຄວາມເຊື່ອໝັ້ນ ແລະ ຫວັງວ່າ ດ້ວຍບັນດາການສະສົມ, ເກັບຮັກສາຢູ່ທີ່ນີ້ ຫໍພິພິທະພັນ ຈະແມ່ນບ່ອນວາງສະແດງທີ່ອຸດົມສົມບູນ ແລະ ມີຊີວິດຊີວາ, ເປັນສູນສຶກສາມູນເຊື້ອດ້ານສື່ມວນຊົນກ່ຽວກັບນ້ຳໃຈຮັກຊາດ, ຮັກການປະຕິວັດ. ຫໍພິພິທະພັນຈະເຄື່ອນໄຫວຢ່າງມີປະສິດທິຜົນ, ຍົກສູງຄຸນນະພາບໃນທຸກດ້ານຢ່າງບໍ່ຢຸດຢັ້ງ, ມານະພະຍາຍາມ, ມີຫົວຄິດປະດິດສ້າງ, ເປັນເຈົ້າການກຳແໜ້ນກັບຊີວິດດ້ານສື່ມວນຊົນທັງຢູ່ພາຍໃນ ແລະ ນອກປະເທດ.”
ແລະກໍ່ໃນຕອນເຊົ້າວັນທີ 19 ມິຖຸນາ, ຢູ່ນະຄອນ ໂຮ່ຈີມິນ ກໍ່ໄດ້ດຳເນີນລາຍການພົບປະແລກປ່ຽນສີລະປະລະຫວ່າງບັນດາສຳນັກຂ່າວສານຂັ້ນສູນກາງ ແລະ ບັນດາກົມກອງແຮກຊ່ຽວດ້ວຍຫົວຂໍ້ວ່າ “ສຽງເພງກ່ຽວກັບບ້ານເກີດເມືອງນອນ, ປະເທດຊາດ” ຄັ້ງທີ 7 ປີ 2020.
ກ່ອນໜ້ານັ້ນ, ບັນດາຄະນະຜູ້ແທນ, ກະຊວງ, ຄະນະ, ຂະແໜງການຂັ້ນສູນກາງ ແລະ ທ້ອງຖິ່ນ ກໍ່ໄດ້ໄປອວຍພອນການນຳ, ພະນັກງານ, ນັກຂ່າວ, ນັກບັນນາທິການ, ເຕັກນິກຂອງວິທະຍຸກະຈາຍສຽງ ຫວຽດນາມ (VOV) ເນື່ອງໃນໂອກາດວັນສື່ມວນຊົນປະຕິວັດ ຫວຽດນາມ./.
(ແຫຼ່ງຄັດຈາກ VOV)
