ທ່ານປະທານາທິບໍດີອາເມລິກາ Barack Obama
(ພາບ: AFP/TTXVN)
ວັນທີ 31/12, ໃນບົດກ່າວປາໄສປະຈຳອາທິດ, ທ່ານປະທານາທິບໍດີອາເມລິກາ Barack Obama ໄດ້ສົ່ງຄຳອວຍພອນປີໃໝ່ເຖິງປະຊາຊົນທຸກຊັ້ນຄົນ, ເຊີດຊູບັນດາຜົນງານທີ່ບັນລຸໄດ້ໃນອາຍຸການເປັນປະທານາທິບໍດີຂອງທ່ານ. ທ່ານ Barack Obama ຮຽກຮ້ອງໃຫ້ປະຊາຊົນອາເມລິກາ ຈົ່ງສາມັກຄີກັນພາຍຫຼັງການເລືອກຕັ້ງປະທານາທິບໍດີ 2016.(ພາບ: AFP/TTXVN)
ແລະກໍໃນວັນດຽວກັນ, ໃນບົດກ່າວປາໄສຕ້ອນຮັບປີໃໝ່, ທ່ານປະທານປະເທດຈີນ ສີຈີ້ນຜິງ ຮຽກຮ້ອງໃຫ້ປະຊາຄົມສາກົນຮ່ວມແຮງຮ່ວມໃຈກໍ່ສ້າງໂລກແຫ່ງສັນຕິພາບ ແລະ ວັດຖະນາຖາວອນກວ່າ.
ກ່ອນໜ້ານັ້ນ, ໃນສານປີໃໝ່ຂອງທ່ານນາງນາຍົກລັດຖະມົນຕີເຢຍລະມັນ Angela Merkel ໄດ້ຢືນຢັນວ່າ, ລັດທິກໍ່ການຮ້າຍແມ່ນການທົດສອບໃຫຍ່ທີ່ສຸດສຳລັບປະເທດເຢຍລະມັນ, ຮຽກຮ້ອງປະຊາຊົນເຢຍລະມັນ ຕ້ອງຮັກສາບັນດາຄຸນຄ່າປະຊາທິປະໄຕໃນວິກິດການປະເຊີນໜ້າກັບການກໍ່ການຮ້າຍ, ຕ້ານຄືນບັນດາຜູ້ຂ້າມະນຸດດ້ວຍການຕິດພັນກັນ ແລະ ນ້ຳໃຈຮັກຫອມ.
(ແຫຼ່ງຄັດຈາກ VOV)
