ຂ່າວສານ
ທ່ານນາຍົກລັດຖະມົນຕີ ຫງວຽນຊວັນຟຸກຮຽກຮ້ອງໃຫ້ບັນດາກະຊວງ, ຂະແໜງການສ້າງເງື່ອນໄຂໃຫ້ແກ່ການເລີ່ມຕົ້ນທຸລະກິດ
ທ່ານນາຍົກລັດຖະມົນຕີ ຫງວຽນຊວັນຟຸກຮຽກຮ້ອງໃຫ້ບັນດາກະຊວງ, ຂະແໜງການສ້າງເງື່ອນໄຂໃຫ້ແກ່ການເລີ່ມຕົ້ນທຸລະກິດ (ພາບ: chinhphu.vn)
ກ່ອນໜ້ານັ້ນ, ໃນວັນທີ 20 ກໍລະກົດ 2019, ໜັງສືພິມເອເລັກໂຕນິກ ແທງນຽນ (ຊາວໜຸ່ມ) ໄດ້ລົງຂ່າວກ່ຽວກັບເນື້ອໃນ: “ຂະບວນການເລີ່ມຕົ້ນທຸລະກິດພັດທະນາໄວທີ່ສຸດ, ມຸ່ງໄປສູ່ ກະແສຟອງທີ 3 ຂອງ ອຸດສາຫະກຳ Deep Tech…ນິຍາມກ່ຽວກັບ Deep Tech ແມ່ນບັນດາບໍລິສັດອຸດສາຫະກຳເຕັກໂນໂລຢີຄົ້ນຄ້ວາ ແລະ ພັດທະນາຜະລິດຕະພັນຢູ່ໃນລະດັບການຄົ້ນຄ້ວາວິທະຍາສາດສູງດ້ວຍບັນດາໃບຢັ້ງຢືນປະດິດສ້າງ. ຕາມບັນດານັກຊ່ຽວຊານແລ້ວ, ບັນດາຂະແໜງທີ່ສາມາດນຳໃຊ້ Deep Tech ສູງຢູ່ ຫວຽດນາມລວມມີ ກະສິກຳ, ການບໍລິໂພກ, ການບໍລິການ, ສາທາລະນະສຸກ…ຍ້ອນທ່າແຮງກ່ຽວກັບປະຊາກອນ ແລະ ລະດັບການປັບຕົວເຂົ້າກັບເຕັກໂນໂລຢີໄວພໍສົມຄວນ”. ໜັງສືພິມເອເລັກໂຕນິກ Bnews ວັນທີ 18 ກໍລະກົດ 2019ມີເນື້ອໃນທີ່ວ່າ : “ ເວັບໄຊ Techinasia ຕີລາຄາວ່າ ຫວຽດນາມຖືມີ ໜຶ່ງໃນຈຳນວນບັນດາລະບົບສະພາບແວດລ້ອມເລີ່ມຕົ້ນທຸລະກິດໄວທີ່ສຸດໃນໂລກ, ເກືອບເທົ່າກັບລະດັບເຕີບໂຕການເລີ່ມຕົ້ນທຸລະກິດຂອງສິງກະໂປ ແລະ ອິນໂດເນເຊຍ, ບັນດາປະເທດນຳໜ້າ ອາຊຽນ. ຫວຽດນາມ ມີທ່າແຮງກ່ຽວກັບດ້ານອຸດສາຫະກຳເຕັກໂນໂລຢີສູງດ້ວຍລາຄາຖືກ, ຄາດວ່າໄລຍະ 5 ປີຈະມາເຖິງ ຫວຽດນາມ ຈະນອນໃນ top 3 ຂອງໂລກ ກ່ຽວກັບຈຳນວນ ນັກວິສະວະກອນ”.
(ແຫຼ່ງຄັດຈາກ VOV)
