ທ່ານດິງເທຮິງຕ້ອນຮັບ ທ່ານ Mam Sarin ຫົວໜ້າ
ຫ້ອງວ່າການສູນກາງພັກປະຊາຊົນກຳປູເຈຍ
(ພາບ: TTXVN)
ທີ່ການຕ້ອນຮັບຄະນະເລຂາຕ້ອນຮັບຫົວໜ້າຫ້ອງວ່າການສູນກາງພັກປະຊາຊົນ ກຳປູເຈຍ ໃນຕອນບ່າຍວັນທີ 26/12 ຢູ່ສຳນັກງານສູນກາງພັກ, ທ່ານ ດິງເທຮິງ ຜູ້ປະຈຳຄະນະເລຂາ ສະແດງຄວາມປິຕິຊົມຊື່ນຕໍ່ການພົວພັນລະຫວ່າງ 2 ປະເທດ ນັບມື້ນັບພັດທະນາໃນທຸກຂົງເຂດ, ນຳເອົາຜົນປະໂຫຍດແທດຈິງມາໃຫ້ປະຊາຊົນແຕ່ລະປະເທດ; ຢືນຢັນວ່າ ບໍ່ວ່າໃນສະພາບການໃດໆ, ພັກ, ລັດ ແລະ ປະຊາຊົນ ຫວຽດນາມ ຈະເຮັດຈົນສຸດຄວາມສາມາດຂອງຕົນພ້ອມກັບພັກປະຊາຊົນ ກຳປູເຈຍ ແລະ ປະຊາຊົນ ກຳປູເຈຍ ອ້າຍນ້ອງ ເພີ່ມພູນຄູນສ້າງ ແລະ ພັດທະນາການພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ ແລະ ໝັ້ນຄົງຍາວນານ ລະຫວ່າງ ຫວຽດນາມ - ກຳປູເຈຍ ກ່ວາອີກຢ່າງບໍ່ຢຸດຢັ້ງ. ທ່ານ ດິງເທຮິງ ສະເໜີວ່າ ໃນໄລຍະຈະມາເຖິງ 2 ຫ້ອງວ່າການສູນກາງຂອງ 2 ພັກ ສືບຕໍ່ເສີມຂະຫຍາຍບົດບາດຂອງຕົນ ແມ່ນອົງການສຳນັກງານເສນາທິການຂອງການນຳພັກ, ເພີ່ມທະວີການຮ່ວມມື, ແລກປ່ຽນຂໍ້ມູນຂ່າວ, ບົດຮຽນ, ສົມທົບບັນດາມາດຕະການລະອຽດຢ່າງແໜ້ນແຟ້ນ ຊ່ວຍເຫຼືອເຊິ່ງກັນ ແລະ ກັນ, ກວດກາ, ກະຕຸກຊຸກຍູ້ເລື່ອງຜັນຂະຫຍາຍການປະຕິບັດບັນດາຂໍ້ຕົກລົງຂອງການນຳ 2 ພັກ, 2 ລັດ; ຢືນຢັນວ່າ ຫວຽດນາມ ພ້ອມແລ້ວທີ່ຈະແບ່ງປັນບົດຮຽນໃນວຽກງານກໍ່ສ້າງພັກ, ບຳລຸງສ້າງພະນັກງານກັບພັກປະຊາຊົນ ກຳປູເຈຍ.
(ແຫຼ່ງຄັດຈາກ VOV)
