ວັນທີ 01 ສິງຫາ, ທ່ານຮອງລັດຖະມົນຕີກະຊວງສາທາລະນະສຸກ ຫວຽດນາມ ຫງວຽນເຈື່ອງເຊີນ ໄດ້ເຮັດວຽກກັບການນຳຄະນະກຳມະການປະຊາຊົນນະຄອນ ດ່າໜັງ ເພື່ອກຳແໜ້ນສະພາບການ ແລະ ວາງອອກບັນດາມາດຕະການປ້ອງກັນ ແລະ ສະກັດກັ້ນໂລກລະບາດໂຄວິດ -  19.
            ທ່ານຮອງລັດຖະມົນຕີກະຊວງສາທາລະນະສຸກ ຫງວຽນເຈື່ອງເຊີນ ໄດ້ຢືນຢັນວ່າ ກະຊວງສາທາລະນະສຸກ ກຽມພ້ອມເຮັດທຸກວິທີເພື່ອຊ່ວຍໜູນນະຄອນດ່າໜັງ ສະກັດກັ້ນໂລກລະບາດໂຄວິດ - 19, ພ້ອມກັນນັ້ນ, ທາງນະຄອນກໍຄວນປະຕິບັດວຽກງານປ້ອງກັນ ແລະ ຕ້ານໂລກລະບາດໃນຊຸມຊົນໃຫ້ເປັນຢ່າງດີ.
            ໃນປັດຈຸບັນ ບັນດານັກຊ່ຽວຊານ, ແພດໝໍ ພວມເຮັດວຽກຕະຫຼອດວັນ ແລະ ຄືນ ເພື່ອສຳເລັດການເກັບເອົາຕົວຢ່າງພະຍາດຂອງນັບພັນຄົນທີ່ດຳລົງຊີວິດໃນບໍລິເວນຖືກປິດລ້ອມຢູ່ໃກ້ກັບໂຮງໝໍໃຫຍ່ 3 ແຫ່ງຂອງດ່າໜັງ.