ຂ່າວສານ

ກອງປະຊຸມ CLMV SEOM ຄັ້ງທີ 19 ປຶກສາຫາລືຫຼາຍເນື້ອໃນທີ່ສຳຄັນ

23/07/2020

ຕອນເຊົ້າວັນທີ 22 ກໍລະກົດ, ກອງປະຊຸມເຈົ້າໜ້າອາວຸໄສດ້ານເສດຖະກິດ ກຳປູເຈຍ - ລາວ - ມຽນມາ - ຫວຽດນາມ (CLMV SEOM) ຄັ້ງທີ 19 ໄດ້ຈັດຂຶ້ນທາງອອນລາຍ. ນີ້ແມ່ນກອງປະຊຸມ SEOM ສຳຄັນຂອງກົນໄກຮ່ວມມືເສດຖະກິດ CLMV. ກອງປະຊຸມໂດຍຫົວໜ້າ SEOM CLMV ຂອງລາວບໍລິຫານຕາມກົນໄກໝູນວຽນ.

ກອງປະຊຸມເຈົ້າໜ້າອາວຸໄສດ້ານເສດຖະກິດ ກຳປູເຈຍ - ລາວ - ມຽນມາ - ຫວຽດນາມ (CLMV SEOM) ຄັ້ງທີ 19
(ພາບ: ກະຊວງອຸດສາຫະກຳ ແລະ ການຄ້າ ຫວຽດນາມ)

ກອງປະຊຸມໄດ້ສຸມໃສ່, ກວດກາຄືນໃໝ່ສະພາບການຜັນຂະຫຍາຍບັນດາການເຄື່ອນໄຫວໃນແຜນການກະທຳ CLMV 2019 – 2020, ປຶກາສາຫາລືແຜນການສ້າງແຜນການກະທຳ CLMV 2021 – 2022, ປຶກສາຫາລື ບັນດາຂັ້ນຕອນຕໍ່ໄປຕາມເອກະສານກອບພັດທະນາ CLMV ທີ່ໄດ້ຮັບຮອງເອົາຢູ່ກອງປະຊຸມຂັ້ນສູງ CLMV ໂດຍໄວ, ອັດເດດສະພາບການຜັນຂະຫຍາຍ ຂໍ້ລິເລີ່ມເຊື່ອມໂຍງເຂົ້າກັບອາຊຽນ IAI, ກະກຽມໃຫ້ແກ່ກອງປະຊຸມລັດຖະມົນຕີເສດຖະກິດບັນດາປະເທດ CLMV ຄັ້ງທີ 12.

ບັນດາປະເທດໄດ້ເຫັນດີເປັນເອກະພາບສືບຕໍ່ສ້າງຄວາມສະດວກໃຫ້ແກ່ການເຄື່ອນໄຫວການຄ້າ, ການລົງທຶນ, ການບໍລິການ, ພິເສດແມ່ນການເຄື່ອນໄຫວການຄ້າຜ່ານແດນລະຫວ່າງບັນດາປະເທດ CLMV, ຈຳກັດ ແລະ ຍົກເລີກບັນດາຮົ້ວກີດຂວາງດ້ານການຄ້າທີ່ບໍ່ຈຳເປັນເພື່ອໜູນຊ່ວຍບັນດາວິສາຫະກິດ, ພິເສດແມ່ນ ຈຸນລະວິສາຫະກິດ, ວິສາຫະກິດຂະໜາດກາງ ແລະ ນ້ອຍ, ຮັບປະກັນການເຄື່ອນໄຫວຂອງ ບັນດາລະບົບສະໜອງ.

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.