ថ្លែងសុន្ទរកថាក្នុងពិធីបើកកិច្ចប្រជុំរដ្ឋមន្ត្រីការបរទេសអាស៊ានលើកទី ៥៣ (AMM-53) និងកិច្ចប្រជុំពាក់ព័ន្ធនានាដែលនឹងប្រព្រឹត្តទៅ កាលពីខែកញ្ញាកន្លងមក លោកនាយករដ្ឋមន្ត្រី ង្វៀន ស្វឹន ភុក (Nguyen Xuan Phuc) បានអះអាងថា៖ “ ភាពស្អិតរមួត និងការឆ្លើយតបមិនត្រឹមតែជាប្រធានបទនៃឆ្នាំ ២០២០ ប៉ុណ្ណោះទេ ថែមទាំងវារួមជាមួយនឹងស្មារតីសកម្មនិងការទទួលខុសត្រូវបានក្លាយជា “យីហោ” របស់អាស៊ាន ដែលជួយយើងរួមដៃគ្នា ជំនះរាល់ការលំបាកនិងឧបសគ្គ” ។
“ យីហោ” ដែលជម្នះការលំបាកនេះ ត្រូវបានបញ្ជាក់យ៉ាងច្បាស់ក្នុងរយៈពេល ៩ ខែកន្លងមកនេះ ដោយឆ្លុះបញ្ចាំងពីការប្តេជ្ញាចិត្តពីថ្នាក់ខ្ពស់បំផុតដែលថ្នាក់ដឹកនាំអាស៊ានបានអនុម័តកាលពីខែមេសាឆ្នាំ ២០២០ ក្នុងកិច្ចប្រជុំកំពូលអាស៊ាន អាស៊ានបូក នៅថ្ងៃទី ៣ និងទី ២០ ខែមិថុនាឆ្នាំ ២០២០ នៅក្នុងក្របខ័ណ្ឌនៃកិច្ចប្រជុំកំពូលអាស៊ានលើកទី ៣៦។ វាក៏ជាកិច្ចខិតខំប្រឹងប្រែងនៃសសរស្តម្ភសហគមន៍សហប្រតិបត្តកា ដើម្បីពង្រីកការផ្សារភ្ជាប់គ្នា ដើម្បីសំរេចនូវ“ គោលដៅពីរ” ដែលជម្រុញការអភិវឌ្ឍផង និងគ្រប់គ្រងជំងឺរាតត្បាតប្រកបដោយប្រសិទ្ធភាព។
ក្នុងរយៈពេលកន្លងមក បណ្តាប្រទេសអាស៊ានទទួលបានលទ្ធផលវិជ្ជមានជាច្រើន។ សេដ្ឋកិច្ចនៃបណ្តាប្រទេសអាស៊ានអាចរក្សាបានកំណើនវិជ្ជមាន ទោះបីជាកំណើតនេះទាបជាងគោលដៅដែលបានកំណត់សម្រាប់ឆ្នាំនេះក៏ដោយ។ កំណើនពាណិជ្ជកម្មជាមួយដៃគូត្រូវបានរក្សាក្នុងរយៈពេលជាច្រើនខែកន្លងមក។ អាស៊ានក៏បានទាញយកអត្ថប្រយោជន៍ពីរលកនៃការផ្លាស់ប្តូរការវិនិយោគមកតំបន់ដែរ។ ទំនាក់ទំនងអាស៊ានជាមួយដៃគូបន្តពង្រឹង និងពង្រីក។ ចំនួនប្រទេសនៅក្រៅតំបន់ដែលមានបំណងចូលរួមសន្ធិសញ្ញាមិត្តភាព និងសហប្រតិបត្តិការអាស៊ាន (អាស៊ាន) ដែលចង់បង្កើតភាពជាដៃគូថ្មី ឬពង្រឹងភាពជាដៃគូជាមួយអាស៊ាននៅតែបន្តកើនឡើង។ ក្នុងការបង្ការការរាតត្បាត អត្រាអ្នកជម្ងឺ Covid-១៩ ក្នុងអាស៊ានដែលជាសះស្បើយគឺខ្ពស់ណាស់ ហើយអត្រាអ្នកស្លាប់នៅក្នុងតំបន់ដែលមានអត្រាទាបបំផុត បើសិនប្រៀបធៀបនឹងតំបន់ផ្សេងៗទៀត។
សមិទ្ធិផលដ៏មានតម្លៃទាំងនេះកំពុងត្រូវបានសាកល្បងនៅក្នុងបរិស្ថានដែលមានការប្រែប្រួលយ៉ាងខ្លាំងក្លា ដោយមានបញ្ហាប្រឈមជាច្រើនដែលមិនធ្លាប់មាន ជាពិសេសការផ្ទុះឡើងនៃ Covid-19 ។
លោកនាយករដ្ឋមន្រ្តីក៏បានវាយតម្លៃខ្ពស់ចំពោះទីភ្នាក់ងាររបស់អាស៊ានដែលបានខិតខំប្រឹងប្រែងជួយគាំទ្រសហគ្រាសដើម្បីស្តារផលិតកម្ម និងអាជីវកម្មឡើងវិញ និងធ្វើឱ្យជីវភាពរស់នៅរបស់ប្រជាជនមានស្ថេរភាព។ គំនិតផ្តួចផ្តើមដូចជាការបង្កើតមូលនិធិឆ្លើយតប Covid-19 ការបង្កើតឃ្លាំងស្តុកសំភារៈបរិក្ខារពេទ្យ សម្រាប់ការជួយសង្គ្រោះបន្ទាន់ក្នុងតំបន់ ការកសាងនីតិវិធីឆ្លើយតបនឹងជំងឺរាត្បាតតាមស្តង់ដារ និងជម្រុញការស្តាឡើញវិញ បាន និងកំពុងជួយយើងយកឈ្នះលើជំងឺរាតត្បាតផង និជាការភ្ជាប់បណ្តាប្រទេសជាសមាជិកផង។ ជាពិសេសសេចក្តីប្រកាសរួមនៅខួបលើកទី ៥៣ នៃការបង្កើតអាស៊ាន។
លោកឧបនាយករដ្ឋមន្រ្តីផាមប៊ិញមិញបានមានប្រសាសន៍ថា “ជាពិសេស យើងនឹងបន្តលើកកម្ពស់ការតភ្ជាប់ ការអភិវឌ្ឍ ប្រកបដោយចីរភាព ការលើកទឹកចិត្តការច្នៃប្រឌិត ការជំរុញការរីកចម្រើន និងកុំទុកឲ្យនរណាម្នាក់ត្រូវបោះបង់ចោលនៅខាងក្រោយឡើយ។ គំនិតផ្តួចផ្តើមរបស់អាស៊ានស្តីពីបណ្តាញទីក្រុងឆ្លាតវៃ ការតភ្ជាប់បណ្តាញភ្ជាប់ ... នឹងបន្តត្រូវបានដាក់ពង្រាយប្រកបដោយប្រសិទ្ធភាព "។
នៅក្នុងបរិបទស្មុគស្មាញ នាពេលបច្ចុប្បន្ននេះ លោក ង្វៀន ស្វឹនភុក ( Nguyen Xuan Phuc) បានមានប្រសាសន៍ថា អាស៊ានគួរតែបន្តប្រកាន់ឲ្យបានខ្ជាប់ខ្ជួននូវគោលមាគ៌ា និងវិធីសាស្រ្តរបស់ខ្លួនក្នុងរយៈពេលជាង ៥ ទសវត្សរ៍កន្លងមក។ យើងបន្តលើកកម្ពស់គុណតម្លៃ និងអត្តសញ្ញាណរបស់អាស៊ានដែលជាការត្ជាប់ប្រជាជននៃប្រទេសជាសមាជិករួបរួមគ្នាស្រឡាញ់គ្នា ចែករំលែក និងភ្ជាប់គ្នាដូចជារូបភាព “បាច់អង្ករមាស” នៅលើផ្ទៃពណ៌បៃតងនៃ ទង់អាស៊ាន រួមជាមួយបទចម្រៀងអាស៊ានដែលយើងជម្រុញឲ្យក្លាយជានិមិត្តរូប និងមោទនភាពពេញនិយមរបស់ប្រជាជនអាស៊ានចំនួន ៦៥០ លាននាក់នេះ” ./.
បូកសរុបដោយកាសែតរូបភាពវៀតណាម
រូបថត៖ ទីភ្នាក់ងារសារព័ត៌មានវៀតណាម