ព័ត៌មាន

ឯកអគ្គរដ្ឋទូតលោក Nguyen Quoc Dung ចាប់ផ្តើមអាណត្តិការងារបេសកកម្មនៅសហរដ្ឋអាមេរិក

18/02/2022

នៅថ្ងៃទី ១៦ ខែកុម្ភៈ ឯកអគ្គរដ្ឋទូតលោក Nguyen Quoc Dung បានអញ្ជើញទៅដល់ទីក្រុង Washington D.C. ដើម្បីចាប់ផ្តើមអាណត្តិជាឯកអគ្គរដ្ឋទូតនៃសាធារណរដ្ឋសង្គមនិយមវៀតណាម ប្រចាំនៅសហរដ្ឋអាមេរិក។

ឯកអគ្គរដ្ឋទូតលោក Nguyen Quoc Dung និងភរិយា។(រូបថត៖ VOV)

ឯកអគ្គរដ្ឋទូតលោក Nguyen Quoc Dung ត្រូវបានប្រធានរដ្ឋលោក Nguyen Xuan Phuc តែងតាំងជាឯកអគ្គរដ្ឋទូតវិសាមញ្ញ និងពេញសមត្ថកិច្ចនៃសាធារណៈរដ្ឋសង្គមនិយម វៀតណាម ប្រចាំនៅសហរដ្ឋអាមេរិក នៅខែមករា ឆ្នាំ ២០២២។

មុននោះ លោកឯកអគ្គរដ្ឋទូត Nguyen Quoc Dung មានបទពិសោធន៍ជាច្រើនឆ្នាំ កាន់តួនាទីជាអនុរដ្ឋមន្ត្រីក្រសួងការបរទេស និងជាប្រធាន SOM ASEAN វៀតណាម។ ក្នុងរយៈពេលជាង ៣០ ឆ្នាំធ្វើការក្នុងវិស័យការទូត ឯកអគ្គរដ្ឋទូតលោក Nguyen Quoc Dung បានកាន់មុខតំណែងផ្សេងៗគ្នាជាច្រើន និងមានបទពិសោធន៍យ៉ាងទូលំទូលាយ ក្នុងការធ្វើសមាហរណកម្មអន្តរជាតិ ការទូតទ្វេភាគីនិងពហុភាគី ការស្រាវជ្រាវសេដ្ឋកិច្ចអន្តរជាតិ គោលនយោបាយកិច្ចការបរទេស និងការកសាងវិស័យការទូតផងដែរ៕

តាម VOV5 - វិទ្យុសម្លេងវៀតណាម

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

12/05/2025
ព័ត៌មាន

បន្ទាប់ពីបានបញ្ចប់ដោយជោគជ័យនូវសកម្មភាពក្នុងក្របខ័ណ្ឌនៃដំណើរទស្សនកិច្ចផ្លូវការនៅសហព័ន្ធរុស្ស៊ី និងចូលរួមអបអរសាទរខួបលើកទី ៨០ នៃទិវាជ័យជំនះការពារជាតិដ៏មហិមា ចាប់ពីថ្ងៃទី ៨-១១ ឧសភា រសៀលថ្ងៃទី ១១ ឧសភា (ម៉ោងក្នុងស្រុក) អគ្គលេខាបក្ស លោកតូ ឡឹម និងលោកជំទាវភរិយា រួមជាមួយនឹងគណៈប្រតិភូជាន់ខ្ពស់វៀតណាម បានចាកចេញពីអាកាសយានដ្ឋាន Vnukovo ២ នៃរដ្ឋធានីម៉ូស្គូ សហព័ន្ធរុស្ស៊ី ដោយបំពេញដំណើរទស្សនកិច្ចថ្នាក់រដ្ឋទៅកាន់សាធារណរដ្ឋបេឡារុស តបតាមការអញ្ជើញរបស់ប្រធានាធិបតីនៃសាធារណរដ្ឋបេឡារុស Aleksandr Lukashenko។