សន្និសីទនេះសំដៅពិភាក្សាអំពីបញ្ហាប្រឈម និងអនាគតនៃអភិបាលកិច្ចពិភពលោក ក៏ដូចជាបង្កើនកិច្ចសហប្រតិបត្តិការអន្តរជាតិលើដំណោះស្រាយប្រកបដោយភាពច្នៃប្រឌិតនាពេលអនាគត តាមនោះ ជំរុញនិងលើកកម្ពស់កម្លាំងពលំរដ្ឋាភិបាលជំនាន់ក្រោយ។
ឧបនាយករដ្ឋមន្ត្រី រដ្ឋមន្ត្រីការបរទេស លោក Bui Thanh Son បានដឹកនាំគណៈប្រតិភូវៀតណាមចូលរួមសន្និសីទចាប់ពីថ្ងៃទី ១១ - ១៣ ខែកុម្ភៈ។ តាមផែនការ ឧបនាយករដ្ឋមន្ត្រី រដ្ឋមន្ត្រីការបរទេសនឹងថ្លែងសុន្ទរកថាដ៏សំខាន់មួយនៅក្នុងសម័យពិភាក្សា "ខឿនសេដ្ឋកិច្ចទើបលេចចេញ ឆ្លៀតយកការច្នៃប្រឌិតឌីជីថលនិងថាមពលកកើតឡើងវិញ ដើម្បីជំរុញកំណើនសេដ្ឋកិច្ច និងការប្រកួតប្រជែង"; ថ្លែងមតិក្នុងសម័យប្រជុំ “សកម្មភាពឆ្ពោះទៅរកគោលដៅសហសវត្សរ៍ដោយប្រធានបទ៖ បទពិសោធន៍ និងសមិទ្ធិផលរបស់វៀតណាមក្នុងការសម្រេចគោលដៅអភិវឌ្ឍន៍ប្រកបដោយចីរភាព” ទទួលជួបជាមួយថ្នាក់ដឹកនាំប្រទេសមួយចំនួន អង្គការអន្តរជាតិ និងសាជីវកម្មធំៗក្នុងវិស័យបច្ចេកវិទ្យា និងនវានុវត្តន៍នៅខាងក្រៅសន្និសីទ។
ក្នុងដំណើរទស្សនកិច្ចការងារ ឧបនាយករដ្ឋមន្ត្រី លោក Bui Thanh Son គ្រោងនឹងមានជំនួបជាមួយថ្នាក់ដឹកនាំជាន់ខ្ពស់ UAE ដើម្បីពិភាក្សាអំពីវិធានការជំរុញការអនុវត្តប្រកបដោយប្រសិទ្ធភាពនូវការសន្យានិងកិច្ចព្រមព្រៀងសហប្រតិបត្តិការ ឆ្លៀតយកឲ្យបានល្អនូវឱកាសពីកិច្ចសហប្រតិបត្តិការទ្វេភាគី ដើម្បីរួមចំណែកពន្លឿនការកសាង និងអភិវឌ្ឍន៍ប្រទេសជាតិ៕
