ក្នុងជំនួបជាមួយកម្មាភិបាល បុគ្គលិកនៃស្ថានទូតវៀតណាម និងតំណាងសហគមន៍ជនវៀតណាមដែលកំពុងរស់នៅ សិក្សា និងធ្វើការនៅកាហ្សាក់ស្ថាន នាយប់ថ្ងៃទី៥ ឧសភា អគ្គលេខាបក្ស លោកតូ ឡឹម បានជូនដំណឹងអំពីស្ថានភាពក្នុងប្រទេស និងទំនាក់ទំនងវៀតណាម-កាហ្សាក់ស្ថាន ដោយអះអាងថា៖ “កិច្ចសហប្រតិបត្តិការជាមួយកាហ្សាក់ស្ថានគឺជាកិច្ចសហប្រតិបត្តិការយុទ្ធសាស្ត្រមួយរបស់វៀតណាមក្នុងការបើកទូលាយការអភិវឌ្ឍរបស់ប្រទេសជាតិក្នុងយុគសម័យថ្មី។ ចំណុចសំខាន់គឺថា ចក្ខុវិស័យ និងទិសដៅអភិវឌ្ឍន៍របស់ប្រទេសមិត្តកាហ្សាក់ស្ថាន មានលក្ខណៈស្រដៀងគ្នាជាច្រើនជាមួយវៀតណាម ហើយប្រទេសមិត្តក៏ចង់សម្របសម្រួលយ៉ាងសកម្ម និងតភ្ជាប់ទំនាក់ទំនងជាមួយយើងជាស្ពានមួយក្នុងដំណើរការសហប្រតិបត្តិការជាមួយបណ្តាប្រទេសអាស៊ីកណ្តាល”។
លោកអគ្គលេខាបក្សបានវាយតម្លៃខ្ពស់ចំពោះស្មារតីសាមគ្គីភាព សមាហ រណកម្មយ៉ាងស៊ីជម្រៅ និងការខិតខំប្រឹងប្រែងថែរក្សាអត្តសញ្ញាណវប្បធម៌ជាតិរបស់សហគមន៍ជនវៀតណាមនៅកាហ្សាក់ស្ថាន។ លោកអគ្គលេខាបក្សសង្ឃឹមថា សមាគមប្រជាជនវៀតណាម និងសមាគមនិស្សិតបញ្ញវន្ត វៀតណាមនៅកាហ្សាក់ស្ថាននឹងបន្តលើកតម្កើងតួនាទីស្នូល ជាស្ពានដ៏រឹងមាំតភ្ជាប់អាណិកជន វៀតណាមជាមួយមាតុភូមិ។
នាយប់ថ្ងៃដដែល អគ្គលេខាបក្ស លោកតូ ឡឹមអញ្ជើញមានជំនួបជាមួយប្រធានព្រឹទ្ធសភាកាហ្សាក់ស្ថាន Maulen Ashimbayev នៅរដ្ឋធានី Astana ផងដែរ។ ក្នុងជំនួបនេះ លោកអគ្គលេខាបក្សបានចាត់ទុកថា កិច្ចសហប្រតិបត្តិការសភា គឺជាសសរស្តម្ភសំខាន់សម្រាប់ជំរុញទំនាក់ទំនងទ្វេភាគី៕
