នាយប់ថ្ងៃទី ១៩ ខែឧសភា អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus បានប្រកាសថា លោកនៅតែដឹកនាំការប្រយុទ្ធប្រឆាំងជំងឺរាតត្បាតសកល Covid-19 បន្ទាប់ពីប្រធានាធិបតីអាមេរិកលោក Donald Trump បានផ្ញើសំបុត្រគំរាម ថានឹងដកសហរដ្ឋអាមេរិកចេញពីអង្គការនេះ។

អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus (រូបថត៖ TTXVN)

នៅក្នុងសម័យប្រជុំជាប្រចាំឆ្នាំថ្នាក់រដ្ឋមន្ត្រីដែលទើបនឹងបានប្រព្រឹត្តិទៅតាមប្រព័ន្ធវីដេអូ ក្នុងរយៈពេល ២ ថ្ងៃនោះ លោក Ghebreyesus បានថ្លែងអំណរគុណដល់បណ្តាប្រទេសជាសមាជិកអង្គការសុខភាពពិភព លោកដែលបានសម្ដែងស្មារតីគាំទ្រ និងសាមគ្គីភាពជាមួយ អង្គការពិភពលោកនេះ។ លោក Ghebreyesus ក៏បានអបអរសាទរចំពោះសេចក្ដីសម្រេចចិត្តរបស់សហភាពអឺរ៉ុប (EU) ដែលទើបនឹងបានប្រទេសជាសមាជិក WHO ចំនួន ១៩៤ ប្រទេសអនុម័ត ដែលក្នុងនោះមានការអំពាវនាវឱ្យមានការវាយតម្លៃឯករាជ្យស្ដីពីវិធានការឆ្លើយតបអន្តរជាតិចំពោះវិបត្តិ រួមទាំងការស៊ើបអង្កេតអំពីសកម្មភាពរបស់ WHO ដែលទាក់ទងនឹងជំងឺរាតត្បាត Covid-19។ អគ្គនាយកអង្គការសុខភាពពិភពលោកបានសង្កត់ធ្ងន់ថា“ យើងនឹងបន្តដើរតួនាទីជាអ្នកដឹកនាំយុទ្ធសាស្រ្តដើម្បីសម្របសម្រួលរាល់វិធានការឆ្លើយតបសកលចំពោះជំងឺរាតត្បាតផងដែរ”៕

តាម VOV5 - វិទ្យុសម្លេងវៀតណាម