រដ្ឋ​មន្រ្តីក្រសួងការបរទេសអាមេរិកលោក Mike Pompeo (រូបថត៖  AFP/TTXVN)
 

រដ្ឋមន្រ្តីក្រសួងការបរទេសអាមេរិកលោក Mike Pompeo បានចេញសេចក្តីប្រកាសមួយកាលពីថ្ងៃទី ១១ ខែកញ្ញា ដោយបញ្ជាក់ពីការប្តេជ្ញាក្នុងរយៈពេលយូរអង្វែងរបស់សហរដ្ឋអាមេរិកចំពោះសមាគមប្រជាជាតិអាស៊ីអាគ្នេយ៍ (អាស៊ាន) ។ 
 
លោក Mike Pompeo បានបញ្ជាក់ថាសហរដ្ឋអាមេរិកគឺជាមិត្តដ៏យូរអង្វែងរបស់  បណ្តាប្រទេសមាជិកអាស៊ាន ហើយរូបលោកផ្ទាល់ខ្លួនក៏បានបញ្ជាក់សារជាថ្មីម្តងទៀតនូវការគាំទ្ររបស់សហរដ្ឋអាមេរិកចំពោះតួនាទីរបស់អាស៊ាននៅក្នុងតំបន់មហាសមុទ្រឥណ្ឌា - ប៉ាស៊ីហ្វិកផងដែរ។
 
ទន្ទឹមនឹងនេះដែរ លោក Mike Pompeo បានបញ្ជាក់ថា សហរដ្ឋអាមេរិកប្រកៀកស្មាគ្នាជាមួយដៃគូអាស៊ានក្នុងការគោរពយ៉ាងខ្ជាប់ខ្ជួនតាមច្បាប់និងការគោរពអធិបតេយ្យភាពនៅសមុទ្រខាងកើតព្រមទាំងបានអះអាងទៀតថា សហរដ្ឋ អាមេរិកគាំទ្រចំពោះកំណើនសេដ្ឋកិច្ចបើកចំហនិងដោយផ្អែកលើច្បាប់ ដែលផ្ទុយយ៉ាងស្រឡះពីសកម្មភាពអាជីវកម្មមិនច្បាស់លាស់របស់ក្រុមហ៊ុនគ្រប់គ្រងដោយរដ្ឋចិន។ លោក Pompeo បានសង្កត់ធ្ងន់ថាសហរដ្ឋអាមេរិកនឹងធ្វើការយ៉ាងជិតស្និទ្ធជាមួយដៃគូអាស៊ានក្នុងការឆ្លើយតបនឹងជំងឺរាតត្បាត Covid-19 ក៏ដូចជាក្នុងការស្តារសេដ្ឋកិច្ចឡើងវិញក្នុងតំបន់ផងដែរ៕

តាម VOV5 - វិទ្យុសំឡេងវៀតណាម