សម័យប្រជុំលើកទី១៣ នៃគណៈកម្មាធិការអចិន្ត្រៃយ៍នៃរដ្ឋសភាវៀតណាម នីតិកាលទី ១៥ នឹងបើកនៅថ្ងៃទី ១១ ខែកក្កដា ហើយបិទនៅថ្ងៃទី ១២ ខែកក្កដា។ ប្រធានរដ្ឋសភាវៀតណាម លោក Vuong Dinh Hue នឹងអញ្ជើញចូលរួម និងថ្លែងសុន្ទរកថាបើកសម័យប្រជុំ ហើយរួមជាមួយអនុប្រធានរដ្ឋសភាដឹកនាំសម័យប្រជុំ។
ទាក់ទងនឹងការងារតាក់តែងច្បាប់ នៅសម័យប្រជុំលើកនេះ គណៈកម្មាធិការអចិន្ត្រៃយ៍រដ្ឋសភានឹងពិចារណា និងអនុម័តលើសេចក្តីព្រាងសេចក្តីសម្រេចចិត្តស្តីពីមុខងារ ភារកិច្ច អំណាច និងការរៀបចំរចនាសម្ព័ន្ធរបស់គណៈកម្មាធិការទទួលបន្ទុកការងារសមាជិករដ្ឋសភា។
ទាក់ទិននឹងបញ្ហាសេដ្ឋកិច្ចសង្គម គណៈកម្មាធិការអចិន្ត្រៃយ៍រដ្ឋសភានឹងពិចារណា និងសម្រេចលើគោលជំហរផ្លាស់ប្តូរគោលដៅប្រើប្រាស់ព្រៃឈើ ដីព្រៃ និងដីដាំស្រូវពី២រដូវឡើងទៅ នៃគម្រោង សាងសង់ផ្លូវល្បឿនលឿនខាងជើង-ខាងត្បូងភាគខាងកើត ដំណាក់កាល២០២១-២០២៥។
ក្នុងសម័យប្រជុំនេះផងដែរ គណៈកម្មាធិការអចិន្ត្រៃយ៍រដ្ឋសភានឹងធ្វើការបូកសរុបលទ្ធផលនៃសម័យប្រជុំរដ្ឋសភាលើកទី៣ ហើយផ្ដល់យោបល់ជាបឋមស្តីពីការត្រៀមរៀបចំសម័យប្រជុំរដ្ឋសភាលើកទី៤ នីតិកាលទី១៥៕
