ក្នុងរយៈពេលពីរថ្ងៃគឺថ្ងៃទី៥និង៦ខែមេសានៅរដ្ឋធានីបាគូ ប្រទេស Azerbaijan (អាហែ្សបៃហ្សង់) បានប្រព្រឹត្តទៅសន្និសីទថ្នាក់រដ្ឋមន្ត្រីលើកទី ១៨ នៃចលនាមិនចូលបក្ស សម្ព័ន្ធ ក្រោមប្រធានបទ “ជម្រុញសន្តិភាពនិងស្ថិរភាពដើម្បីការអភិវឌ្ឍចីរភាព”។
អនុរដ្ឋមន្ត្រីការបរទេសវៀតណាមលោក Dang Dinh Quy អញ្ជើញដឹកនាំគណៈប្រតិភូវៀតណាមចូលរួមក្នុងកិច្ចប្រជុំ
ចូលរួមក្នុងសន្និសីទនេះមានតំណាងមកពីប្រទេសសមាជិកចំនួន៦៩រួមទាំងតំណាងប្រទេសមួយចំនួនអង្គការ នានាក្នុងតំបន់ អ្នកសង្កេតការរបស់ចលនាមិនចូលបក្សសម្ព័ន្ធ ផងដែរ។ គណៈប្រតិភូវៀតណាមចូលរួមក្នុងសន្និសីទនេះ ដឹកនាំដោយអនុរដ្ឋមន្ត្រីការ បរទេសវៀតណាមលោក Dang Dinh Quy។
អញ្ជើញថ្លែងមតិនៅសន្និសីទ លោក Dang Dinh Quy បានសង្កត់ធ្ងន់ថា ចលនាមិនចូលបក្សសម្ព័ន្ធត្រូវដើរឈានមុខក្នុងការជម្រុញសន្តិភាពនិងសន្តិសុខដោយឈរលើធម្មនុញ្ញអង្គការសហប្រជាជាតិ និងច្បាប់អន្តរជាតិ។ អនុរដ្ឋមន្ត្រីការបរទេស លោក Dang Dinh Quy បានអះអាងថា វៀតណាមគោរពនិងលើកកម្ពស់រាល់គោលការណ៍របស់ធម្មនុញ្ញអង្គការសហប្រជាជាតិ។ ស្តីពីបញ្ហាសមុទ្រខាងកើត វៀតណាមបានអំពាវនាវឲ្យប្រទេសទាំងអស់ អត់ធ្មត់ ដោះស្រាយជម្លោះដោយសន្តិវិធីឈរលើមូលដ្ឋានច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្តីពីច្បាប់ សមុទ្រឆ្នាំ១៩៨២ គោរពនូវសេចក្តីថ្លែងការស្តីពីការប្រតិបត្តិរបស់ភាគីនានានៅសមុទ្រខាងកើតនិងទទួលបានឆាប់ៗនូវក្រមប្រតិបត្តិចាប់បង្ខំ និងមានសុពលភាពអំពីការប្រតិ បត្តិរបស់ភាគីនានានៅសមុទ្រខាងកើត ផងដែរ៕
តាម VOV5 - វិទ្យុសម្លេងវៀតណាម
