នៅមហោស្រព ហ្វើ ២០២៤ មហាជនមិនត្រឹមតែមានឱកាសទទួលទានម្ហូបហ្វើ នៃតំបន់ខាងជើង - កណ្តាល - ខាងត្បូងប៉ុណ្ណោះទេ ថែមទាំងស្វែងយល់ពីរបៀប ច្នៃម្ហូបហ្វើប្រពៃណីទៀតផង។ នៅតាមស្តង់ចំនួន ៥០ របស់អាជីវកម្មនិងម៉ាកល្បីៗ ដែលចូលរួមក្នុងកម្មវិធីនេះ សិប្បករ និងមេចុងភៅចំនួន ៦៥ នាក់លើទូទាំងប្រទេស បាននាំមកនូវបទពិសោធន៍គួរឱ្យចាប់អារម្មណ៍ដល់ភ្ញៀវទេសចរទាំងជាតិនិងអន្តរជាតិ។ លោក Tran Le Doai អនុប្រធានគណៈកម្មាធិការប្រជាជនខេត្ត Nam Dinh បានឲ្យ ដឹងថា៖
“មហោស្រព ហ្វើ ២០២៤ មិនត្រឹមតែនាំមកជូនប្រជាជន និងភ្ញៀវទេសចរនូវ បទពិសោធន៍គួរឲ្យចាប់អារម្មណ៍ ចំណេះដឹងអំពីរបរចម្អិនហ្វើ ក៏ដូចជាចានហ្វើដ៏ឈ្ងុយ ឆ្ងាញ់ពីគ្រប់ទិសទីមកប្រមូលផ្ដុំនៅ Nam Dinh ប៉ុណ្ណោះទេ ថែមទាំងជាសកម្មភាពផ្សព្វ ផ្សាយ និងឧទ្ទេសនាមអំពីទឹកដី មនុស្ស និងវប្បធម៌ភោជនាហាររបស់ខេត្ត Nam Dinh ទៀតផង។ សកម្មភាពរបស់ព្រឹត្តិការណ៍នេះរួមចំណែកដល់ការអភិវឌ្ឍសេដ្ឋកិច្ច វប្បធម៌ និងទេសចរណ៍នៃមូលដ្ឋាន។ តាមនោះ លើកកំពស់តួនាទី និងឋានៈរបស់ សិប្បករ មេចុងភៅក្នុងការអភិរក្ស និងពង្រីកតម្លៃវប្បធម៌ម្ហូបអាហាររបស់ Nam Dinh និយាយដោយឡែក និងហ្វើវៀតណាមនិយាយរួម”។
ចំណុចលេចធ្លោមួយនៃមហោស្រពឆ្នាំនេះ គឺព្រឹត្តិការណ៍ដែលសិប្បករចំនួន ២០ នាក់រួមគ្នាចម្អិនហ្វើមួយឆ្នាំងយក្ស ជាមួយនឹងទឹកស៊ុប ៣០០ លីត្រ សាច់គោ ៤០ គីឡូក្រាម បន្លែ ២០ គីឡូក្រាម ដើម្បីបម្រើភ្ញៀវទេសចរដែលចូលរួមក្នុងកម្មវិធី។
តាមរយៈកម្មវិធីនេះ គណៈកម្មការរៀបចំរំពឹងថា នឹងរៀបចំសុំណុំឯកសារ ដើម្បីដាក់បញ្ចូលរបរចម្អិនហ្វើវៀតណាមទៅក្នុងបញ្ជីបេតិកភណ្ឌវប្បធម៌អរូបីជាតិ ហើយឆ្ពោះទៅដាក់ជូនអង្គការអប់រំ វិទ្យាសាស្ត្រ និងវប្បធម៌របស់អង្គ ការសហប្រជាជាតិ (UNESCO) ដើម្បីចុះបញ្ជីជាបេតិកភណ្ឌវប្បធម៌អរូបីតំណាង របស់មនុស្សលោក៕
