អនុរដ្ឋមន្ត្រីក្រសួងឧស្សាហពាណិជ្ជកម្មវៀតណាមលោក Do Thang Hai (រូបថត៖ ក្រសួងឧស្សាហពាណិជ្ជកម្ម)
សហរដ្ឋអាមេរិកគឺជាដៃគូមួយ ក្នុងចំណោមដៃគូដ៏សំខាន់ជួរមុខរបស់វៀតណាម ដូច្នេះហើយ វៀតណាមមានគោលបំណងថាភាគីទាំងពីរថែរក្សាទំនាក់ទំនងសេដ្ឋកិច្ច និងពាណិជ្ជកម្មប្រកបដោយស្ថិរភាព និងអភិវឌ្ឍន៍ ហើយ បន្តនាំទំនាក់ទំនងភាពជាដៃគូលើគ្រប់ជ្រុងជ្រោយកាន់តែស៊ីជម្រៅ និងជាក់ស្ដែង។ អនុរដ្ឋមន្ត្រីក្រសួងឧស្សាហពាណិជ្ជកម្មវៀតណាមលោក Do Thang Hai បានអះអាងដូច្នេះនារសៀលថ្ងៃទី ២៧ កុម្ភៈ នៅទីក្រុងហាណូយ ក្នុងជំនួបជាមួយគណៈប្រតិភូក្រសួងកសិកម្មសហរដ្ឋអាមេរិក (USDA) ដឹកនាំដោយលោកស្រី Jenifer Lester Moffitt អនុរដ្ឋមន្ត្រីទទួលបន្ទុកកម្មវិធី Marketing សម្របសម្រួល និងលោកស្រី Alexis Taylor អនុរដ្ឋមន្ត្រីពាណិជ្ជកម្ម និងកិច្ចការបរទេស។
ទាក់ទិននឹងបញ្ហាពាណិជ្ជកម្មកសិផល លោកអនុរដ្ឋមន្ត្រី Do Thang Hai បានស្នើឲ្យ ក្រសួងកសិកម្មអាមេរិកផ្តល់អាទិភាពជូយសម្រួលដល់ការនាំចេញផ្លៃឈើស្រស់ៗ របស់វៀតណាមទៅកាន់សហរដ្ឋអាមេរិក។ ទន្ទឹមនឹងនេះ សម្របសម្រួល និងបង្កលក្ខណៈងាយស្រួលដល់សហគ្រាសវៀតណាមចូលរួមសកម្មភាពជំរុញពាណិជ្ជកម្មកសិផលនៅសហរដ្ឋអាមេរិក។ ជាពិសេស បង្កើនការចែករំលែកបទពិសោធន៍ក្នុងការកសាងគោលនយោបាយ អនុវត្តន៍ច្បាប់ ក្នុងនោះមានការស៊ើបអង្កេតសកម្មភាពនេសាទខុសច្បាប់ គ្មានរបាយការណ៍ គ្មានការអនុញ្ញាត (IUU) ផងដែរ៕
